էդ Ռուսաստանի պրոբլեմն է կվիրավորվի, թե չէ, դա անհրաժեշտ է մեր ազգի ապագայի համար․Վիգեն Խաչատրյանը Հռոմի ստատուտի վավերացման մասին
Ներքաղաքական
<<Մենք Ռուսաստանի հետ չենք ուզում վատ հարաբերություններ ունենալ, մենք չենք ուզում ՌԴ-ի պատանդը լինենք: Չենք ուզում ՌԴ-ն Հայաստանին մանրադրամ դիտի՝ իր շահերը լուծելու, այս կամ այն չափով զիջելով Հայաստանի շահերը: Մենք շահագրգռված ենք ՌԴ-ի հետ նորմալ հարաբերություններ ունենալ, հարաբերությունները Ռուսաստանն է փչացնում: Մենք որեւէ պարտավորություն ՌԴ-ի հանդեպ որ ստանձնել ենք, չենք ձախողել, իսկ ինքը բազում պարտավորություններ բառիս բուն իմաստով տապալել է: Գուցե չի կարողանում, գուցե չի ցանկանում՝ դա արդեն իր պրոբլեմն է>>,- <<Իրավունքի>> հետ զրույցում անդրադառնալով հայ-ռուսական ներկա հարաբերություններին, ասաց ՔՊ խմբակցության պատգամավոր ՎԻԳԵՆ ԽԱՉԱՏՐՅԱՆԸ, հավելելով․
-Տասնյակ տարիներով հասարակությանը ասել են, որ մեր ապագան ՌԴ-ի հետ է որոշվում, հիմա 5 տարի Հայաստանն ասում է՝ շնորհակալ եմ, թույլ տուր ես որոշեմ՝ ինչի եմ ունակ, սովոր չի, խանդում է, գրգռվում է: Աստիճանաբար կհասկանա, որ Հայաստանն առանձին պետություն է եւ իր դաշնակիցն է, մի բան, որ մենք իր կողմից, որպես դաշնակից, չենք տեսնում շատ հաճախ:
-Պարոն Խաչատրյան, Դուք ասացիք մենք որեւէ պարտավորություն ՌԴ-ի հանդեպ որ ստանձնել ենք, չենք ձախողել, իսկ ինչքանո՞վ է ազնիվ հիմա Հռոմի ստատուտի վավերացումը։
-Ոչ, իհարկե, որովհետեւ Հռոմի ստատուտին ենք մենք միացել, որպեսզի հնարավորություն ունենանք հետագայում քրեական գործ հարուցել Ադրբեջանի ռազմաքաղաքական ղեկավարության հանդեպ՝ որպես պատերազմական հանցագործներ, որովհետեւ բազում հիմքեր կան։ Հետո մի բան էլ կա շատ կարեւոր, Հռոմի ստատուտին ՀՀ-ն որոշել է միանալ 98 թվին, պարզապես այն ժամանակվա գործող սահմանադրության հետ կապված խնդիր է եղել, թե չէ վաղուց միացած կլինեինք, բա որտե՞ղ էին 98 թվին այդ գոռացողները։
Եվ երկրորդ, էդ Ռուսաստանի պրոբլեմն է կվիրավորվի, թե չէ, մենք էլ ենք շատ բանից վիրավորվորվում։ Եթե մենք ուզում ենք, որ պետություն լինենք, իսկ դա անհրաժեշտ ա մեր ազգի ապագայի համար, մենք պիտի մեր շահերից ելնելով քաղաքականություն վարենք, իհարկե՝ չառճակատվելով։ Կրկնում եմ՝ Հռոմի ստատուտին միանալը անհրաժեշտություն է, որվհետեւ Ադրբեջանը զավթում է Հայաստանի ինքնիշխան տարածքի ինչ-որ հատված, ռազմական հանցագործություններ է կատարում, գնդակահարում է գերիներին, վայրագություններ է անում, եւ այս ստատուտը մեզ թույլ կտա քրեական գործեր հարուցել Ադրբեջանի ռազմաքաղաքական իշխանության նկատմամբ, մնացած ամեն ինչը կարեւոր չի։
ԻԼՈՆԱ ԱԶԱՐՅԱՆ
1
25796 դիտում
2
3883 դիտում
3
2323 դիտում
4
2197 դիտում
5
2037 դիտում
1
42248 դիտում
3
8977 դիտում
4
8133 դիտում
5
5104 դիտում
3
18305 դիտում
4
10537 դիտում
5
9925 դիտում
