Մխիթարյան, թե՞ Սուչիչ.Կիվուն դեռ վերջնական որոշում չունի Հայաստանի հավաքականում Տիկնիզյանն այլ դեմք է ցույց տալիս. հունական մամուլի դիտարկումները Մարտնչող «բարեփոխիչների» կլանը հերթական սուտն ու կեղծիքն է տարածում Ամենակարեվորն է, որ երեք առաջնորդները կարողացան նստել մեկ սեղանի շուրջ Պատահական չէ, որ Պուտինն ի ցույց դրեց «միջուկային ճամպրուկը» Զատկից հետո ներկած ձուն մեզ պետք չէ․ Շարմազանովը՝ Փաշինյանին Թքե՛ք այդ մանդատների վրա, պահել եք որ ի՞նչ․ Հայկ Բաբուխանյան «Անհաջողության ջենթլմենները» կրկին հանձնվում են Նիկոլը փորձում է Մոսկվային համոզել, թե ինքը Հայաստանը ԵՄ կազմում տեսնում է 20 տարի անց Խոշոր վթար Վանաձորի գլխավոր ճանապարհին. Տեսանյութ

Ինչով կպատասխանի ԵՄ դիտորդական առաքելությունը

Վերլուծություն

Անցյալ տարվա սեպտեմբերյան բախումներից հետո Ադրբեջանը նվազեցրել էր Հայաստանի սահմաններում ահաբեկչական գործողությունների ինտենսիվությունը: Սակայն երեկ հայ-ադրբեջանական սահմանի Երասխի հատվածում ադրբեջանական դիպուկահարի կրակոցից զոհվեց հայ զինծառայող Արշակ Սարգսյանը: Ի զարմանս շատերի Եվրամիության դիտորդական առաքելությունը, որը որ եկել տեղավորվել է հայ-ադրբեջանական սահմաններում իբր թե Ադրբեջանի ագրսիվ գործողությունները փաստելու եւ դրանց արձագանքնելու նպատակով, ոչ միայն չկանխեց հայ զինվորի սպանությունը, այլ նաեւ մինչ օրս որեւէ քաղաքական դատապարտող հայտարարություն Ադրբեջանի դեմ չընդունեց: Էլ չենք ասում, որեւէ պատժամիջոց, որոնց մասին բազմիցս առաջարկվել է ի վերջո գործողություններ կատարել թե՛ ԱՄՆ-ին, թե՛ ԵՄ-ին: Հիմա հարց է ծագում, իսկ ընդհանրապես ինչով են զբաղված ԵՄ դիտորդները Հայաստանի սահմաններում: Ըստ որոշ տեղեկությունների ԵՄ դիտորդական առաելության հիմնական նպատակը ուսումնասիրել հայկական ու ադրբեջանական զորքերի հնարավորությունները, ինչպես նաեւ ռուսներին տարածաշրջանից դուրս մղելու ճանապարհները, այդ թվում` ռազմական ուժի միջոցով: Բացի այդ, հավաքվում է մեծ ծավալի հետախուզական տեղեկատվություն Իրանի դեմ գործողություններ սկսելու տեսանկյունից:

 

Այսպիսով, երեկվա հայ զինվորի սպանությունը եւ Եվրամիության համառ լռությունը ավելի քան պերճախոս ապացուցում են այն, որ Նիկոլը եվրոպացիներին բերելով Հայաստան ո՛չ անվտանգային հարց լուծեց, ո՛չ էլ քաղաքական որեւէ հարց ի օգուտ Հայաստանի եւ ընդդեմ Ադրբեջանի: Այլ պարզապես կատարեց իր տերերի հրամանը Հայաստանի տարածքում հակառուսական եւ հակաիրանական հետախուզական գործողությունների համար տրամադրելու նապատակով:

 

Իսկ ո՞ւր է ՀԱՊԿ-ը կհարցնեն Արեւմուտքի լափամանից սնվող իբր հայ քաղաքական գործիչները ու փորձագետները: Իսկ ՀԱՊԿ-ին թույլ չտվեցին դիտորդական, ավելին` խաղաղապահ առաքելություն ծավալելու հայ-ադրբեջանական սահմանին: Ուստի դժվար է սպասել, որ ՀԱՊԿ-ը իր գործողություններում եւ գնահատականներում հիմնվի հայկական կողմի պաշտոնյաների հայտարարությունների վրա: Առավել եւս, որ հայկական կողմը որեւէ հիմք չի տալիս ռուսներին անվերապահ հավատալ ՀՀ իշխանություննեից հնչող ցանկացած խոսքին: Այլ կերպ լիներ իրավիճակը, եթե հայ-ադրբեջանական սահմանին տեղակայված լինեին ՀԱՊԿ խաղաղապահ ուժերը: Սակայն դա նույնպես Նիկոլի տերերը վերջինիս պարզապես արգելել են:

Հայկ Բաբուխանյան

Հ.Գ. Խորապես ցավակցում եմ Հայաստանի սահմանները պահպանելիս թշնամու գնդակից զոհված Արշակ Սերյոժայի Սարգսյանի ընտանիքին, հարազատներին ու ընկերներին: Արշակը համալրեց հայ զինվորների այն փառապանծ շարքը, որոնք իրենց կյանքն են զոհել հանուն հայրենիքի: Հավերժ փառք:

Հավանեցի՞ր հոդվածը, կիսվիր ընկերներիդ հետ