Գևորգ Պետրոսյանը չի ենթարկվել պարեկների «կանգ առ» պահանջին, շարունակել է մեքենան անկանոն վարել, սպառնացել է պարեկներին. Ոստիկանություն
Քրեական
ՀՀ ՆԳՆ ոստիկանությունը հաղորդագրություն է տարածել նախկին պատգամավոր Գեւորգ Պետրոսյանին ձերբակալելու հետ կապված:
«Մարտի 11-ին՝ ժամը 21:00-ի, սահմաններում, ՆԳՆ ոստիկանության պարեկային ծառայության Կոտայքի գումարտակի ծառայողները Աբովյան-Երևան ավտոճանապարհին նկատել են «Մերսեդես» մեքենա, որի վարորդը մեքենան վարել է անկանոն:
Երևանի Հյուսիսային ավտոկայանի մոտակայքում «Մերսեդեսի» վարորդը չի ենթարկվել պարեկների բարձրախոսով հնչեցրած «կանգ առ» օրինական պահանջին և շարունակել է մեքենան անկանոն վարել:
Պարեկները հետապնդել են նրան, ինչի ընթացքում ևս մի քանի անգամ հնչեցրել են «կանգ առ» օրինական պահանջ: Երևանի Ծարավ Աղբյուրի փողոցում մեքենան հարկադրաբար կանգնեցվել է: Վարորդը հնչեցրել է սպառնալիքներ և դիմել փախուստի: Շարունակելով հետապնդումը՝ պարեկները նույն փողոցում կրկին հարկադրաբար կանգնեցրել են մեքենան:
Վարորդը հրաժարվել է ենթարկվել սթափության աստիճանի ստուգումից և սպառնացել է պարեկներին:
Վարորդը ձերբակալվել և տեղափոխվել է ՆԳՆ ոստիկանության Նոր Նորքի բաժին:
Նախաձեռնվել է քրեական վարույթ»,-ասված է հաղորդագրության մեջ:
Ավելի վաղ հայտնել էինք, որ ձերբակալվել է նախկին պատգամավոր Գեւորգ Պետրոսյանը:
1
25013 դիտում
2
3743 դիտում
3
1867 դիտում
4
1630 դիտում
5
1623 դիտում
1
41252 դիտում
3
8972 դիտում
4
8133 դիտում
5
5054 դիտում
3
17262 դիտում
4
10520 դիտում
5
9917 դիտում
