Թուրքիայի տնտեսությանը սլանում է դեպի անդունդ, սպառնում է հզոր կոլապս․ Տնտեսագետը բացահայտում է Թուրքիայի տնտեսության իրական վիճակը
Հանդիպում
Թուրքիայում տեղի ունեցած ավերիչ երկրաշարժերը մեծ վնաս են հասցրել երկրի տնտեսությանը։ Bloomberg-ի տվյալներով՝ վնասը գնահատվում է 84 մլրդ դոլար, ինչը կազմում է ՀՆԱ-ի մոտ 10%-ը։ Որքանո՞վ են իրական այս թվերը, և արդյոք Թուրքիայի տնտեսությանը սպառնում է հզոր կոլապս հարցի պատասխանը փորձել ենք ստանալ տնտեսագիտության դոկտոր, պրոֆեսոր ԹԱԹՈՒԼ ՄԱՆԱՍԵՐՅԱՆԻՑ, ով փաստեց․
-Այս օրերին տարբեր մեղմ գնահատականներ են տրվում, բայց իրականում ավերվել է Թուրքիայի տնտեսության առնվազն տաս տոկոսը, այսինքն համախառն ներքին արդյունքի տաս տոկոսն այս պահին կարող ենք փաստել, որ շարքից դուրս է եկել, որը ընդհանուր առմամբ հասնում է մատ 100 միլիարդ դոլար վնասի։ Թեեւ երկրի իշխանությունները ասում են, որ իրենց մեկ տարի ժամանակ է պետք վերականգնելու առկա վնասները, այուամենայինվ պետք է հաշվի առնենք, որ վնասների զգալի մասը բնակարանային ֆոնդն է եւ արտադրական կարողությունները, երեսուն տոկոսի չափով էլ վնասվել են ենթակառուցվածքները, ինչը կարեւոր դեր ունի ցանկացած երկրի՝ այդ թվում Թուրքիայի տնտեսության համար։ Այս համատեքստում խոստումները, որ մեկ տարում դրանք կարող են փոխհատուցվել իրականում անհնար է դառնում, անգամ ամբողջ աշխարհի օգնության դեպքում։ Այնպես որ կարող ենք արձանագրել, որ Թուրքիան լավագույն ժամանակները չի ապրում, այսօր Էրդողանը ամեն կերպ փորձում է համագործակցել եւ Եվրոպայի հետ, եւ ՌԴ-ի։ Չմոռանանք, որ նախորդ 4-5 տարիներն էլ բավական ծանր են եղել թուրքակալ լիրայի համար, այն արժեզրկվել է գրեթե 100 տոկոսով։ Այսօր արդեն կարող ենք հստակ արձանագրել, որ Թուրքիան այլեւս չի ունենալու հնարավորություն սատարելու Ադրբեջանին ռազմաքաղաքական ընդհանուր ծրագրերով, առնվազն նկատելիորեն կսահմանափակվի։ Այս ժամանակահատվածը ՀՀ-ն պետք է հաշվի առնի իր ռազմավարական ծրագրերը զարգացնելու համար։
Տտեսագետի խոսքով․
-Տեսեք, մի քանի ամսից Թուրքիայում սպասվում են ընտրություններ, որին ընդդիմությունը բավական լուրջ է պատրաստվում, իսկ ներկա իշխանությունների նահանջը շատ ավելի ակնհայտ է դառնում։ Աղետի հետեւանքները եւ աղետի արդյունքում բացահայտված բացոթողումները օտարերկյա ներդրողների վրա բացասական ազդեցություն արդեն իսկ թողել են եւ չեմ կարծում, թե նրանք, սիրով կշարունակեն ներդրումներ անելու գործընթացը։ Այնպես որ տարածաշրջանում Թուրքիան ուղղակիորեն պարտավոր եւ ստիպված է վերանայել իր առավելապաշտական բոլոր նկտրումները։
ԻԼՈՆԱ ԱԶԱՐՅԱՆ
1
25796 դիտում
2
3883 դիտում
3
2323 դիտում
4
2207 դիտում
5
2037 դիտում
1
42268 դիտում
3
8977 դիտում
4
8133 դիտում
5
5104 դիտում
3
18331 դիտում
4
10537 դիտում
5
9925 դիտում
