Կապիտան Եղիշե Հակոբյանը չորսը ժամ շարունակ դետալային ցուցմումք է տվել․ Մանրամասներ

Գեղարքունիքի մարզի Ազատ գյուղում ինժեներասակրավորական վաշտի կացարանում բռնկված հրդեհի հետևանքով մահացած 15 զինծառայողների գործով, որպես մեղադրյալ ներգրավված կապիտան  Եղիշե Հակոբյանը չորսը ժամ շարունակ դետալային ցուցմումք է տվել, անդրադարձել է բոլոր հարցերին։ Այս մասին «Իրավունքի» հետ զրույցում ասաց կապիտանի փաստաբան Հովսեփ Սարգսյանը, ընդգծելով․

-Եղիշեն պատրաստակամ է ցուցմունք տալ ցանկացած դետալի վերաբերյալ։

Հիշեցնենք, ըստ մեղադրանքի Ե.Հ.-ն, Գեղարքունիքի մարզի Ազատ գյուղի 1-ին փողոցի 20-րդ տուն հասցեում տեղակայված` ՀՀ ՊՆ N զորամասի ինժեներասակրավորային վաշտի անձնակազմի համար նախատեսված կացարանում շահագործվող վառարանը վառելու նպատակով, օրվա հերթապահից ճշտելով այդ ստորաբաժանմանը հատկացված դիզելային վառելիքի և ավտոբենզինի գտնվելու վայրը, սեփական նախաձեռնությամբ, կացարանի հարակից տարածքում բացազատված ավտոհավաքակայանից վերցրել է տրանսպորտային միջոցների մեկնարկիչները գործի գցելու համար հատկացված՝ 5 լիտր տարողությամբ ավտոբենզինով լցված տասը հատ պլաստմասե տարաներից մեկը, վերադարձել է կացարան և վառարանը վառել ավտոբենզինով: Արդյունքում կացարանում բռնկվել է հրդեհ:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝