Ինչպես կապարակնքվեց Նկարիչների միության ցուցասրահը Նկարիչների միության նորընտիր նախագահի բացառիկ հարցազրույցը Ես տեղափոխվում եմ Հայաստան. Դենիս Ջորկաեֆը առաջադրվել է որպես ՀՖՖ նախագահի թեկնածու Լեվոն Զուրաբյան VS Նիկոլ Փաշինյան Ակրոպոլիս թանգարանում բացվել է «Հին Հայաստան» միջազգային ցուցահանդեսը Ջրամատակարարման ընդհատումներ են տեղի ունեցել Կիևի հինգ շրջաններում Բրիտանիան ցանկանում է վերադառնալ ԵՄ. Brexit-ը չափազանց թանկ էր. The Times Մելանյա Թրամփը հնարավոր է համարում Ուկրաինայում հրադադարը մինչև Սուրբ Ծնունդ Քո մասին այնպիսի ճշմարտություն կասեմ, ստիպված կլինես փախչել նաեւ ՌԴ-ից․ Դանիելյանը՝ Պիպոյին Մեզ այսօր շատ են պակասում Մոնթեի պես հայերը․ Հռիփսիմե Նահապետյան

Գարեգին Միսկարյանը կասկածի տակ է դրել ՌԴ քաղաքացի հայերի ազգային պատկանելիությունը

Իրավական

«Քաղաքացու որոշում» սոցիալ-դեմոկրատական կուսակցությունը լքած եւ «Ժողովրդավարական հարթակ» հիմնադրամի տնօրեն դարձած ԳԱՐԵԳԻՆ ՄԻՍԿԱՐՅԱՆԸ ո՛չ ավել, ո՛չ պակաս սոցցանցում հայտարարել է. «Քանի որ էսօր (ու վերջին 200 տարին) Հայաստանի համար մեկ թշնամին Ռուսաստանն է, կարիք կա արձանագրելու, որ Ռուսաստանի հայերը նախ ՌԴ քաղաքացի են, հետո նոր՝ հայ, եթե առհասարակ հայ են»:

Ըստ էության, Գ. Միսկարյանը կասկածի տակ է դրել ՌԴ քաղաքացի հայերի ազգային պատկանելիությունը, այսինքն՝ այն, ինչ մեղսագրվում էր հենց դատարանի դահլիճում մահացած լուսահոգի պրոդյուսեր Արմեն Գրիգորյանին, թե իբր կասկածի տակ է դրել Շիրակի մարզի բնակիչների ազգային պատկանելիությունը: Մինչդեռ եթե Ա. Գրիգորյանին մեղադրանք էր առաջադրվել  Քրեական օրենսգրքի 329-րդ հոդվածով (անձի կամ անձանց խմբի նկատմամբ ռասայական, ազգային, էթնիկ կամ սոցիալական ծագումով, կրոնով, քաղաքական կամ այլ հայացքներով կամ անձնական կամ սոցիալական բնույթի այլ հանգամանքներով պայմանավորված ատելություն, խտրականություն, անհանդուրժողականություն կամ թշնամանք հրահրելուն կամ քարոզելուն ուղղված հրապարակային խոսքի համար), ապա Գ. Միսկարյանի դեպքում՝ որեւէ քրեական գործ հարուցելու մասին ձեն-ձուն չկա:

«Եթե իրավական, այլ ոչ թե ոստիկանական պետություն ունենայինք, ապա այս գրառման հիման վրա կհարուցվեր քրեական վարույթ ՀՀ քր.օր. 329 հոդվածով՝ Ռուսաստանի քաղաքացի հանդիսացող հայերի նկատմամբ թշնամանք հարուցելու փաստի առթիվ: Բայց քանի որ չունենք իրավական պետություն, 329 հոդվածը կիրառվում է բացառապես բարձրաստիճան քպ-ականներին պաշտպանելու համար», - անդրադառնալով Գ. Միսկարյանի գրառմանը՝ ընդգծում է Արմեն Գրիգորյանի պաշտպան, այժմ դատարանում նրա իրավահաջորդի ներկայացուցիչ ՌՈՒԲԵՆ ՄԵԼԻՔՅԱՆԸ:

Ի դեպ, այս ամենն ուշագրավ է ոչ միայն իրավական տեսանկյունից: Նիկոլ Փաշինյանի օրոք ունենք Սփյուռքի գործերի գլխավոր հանձնակատար՝ ի դեմս Զարեհ Սինանյանի, ում քթի տակ մի ամբողջ սփյուռքյան մեծ համայնքի անվանարկում ու պիտակավորում են, բայց նա լուռ հետեւողի դերում է միայն:

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ