Ասում էին` կարեւորը սահմանին խաղաղանդ լինի ձյաձ ջան, վրանի տակ էլ կքնենք. 19-ամյա Մուշեղը 7 օր առաջ էր Վարդենիս տեղափոխովել
Հանդիպում
ՊՆ N զորամասի ինժեներասակրավորային վաշտի կացարանում բռնկված հրդեհի հետևանքով զոհված 15 զինծառայողներից Մուշեղ Համբարչյանը 7 օր էր ինչ Էջմիածնից տեղափոխվել էր Վարդենիսի զորամաս: Այս մասին «Իրավունքի» հետ զրույցում ասաց զինվորի հայրը` Վահագ Համբարչյանը, մանրասնելով.
-Մի անգամ արդեն հասցրել էի գնալ էրեխուս մոտ, հունվարի 17-ն էր Մուշեղիս ծննունդն էր, գնացի, բոլոր էրեխեքի հետ ծանոթացա, բոլորը մեկը մեկից հատընտիր, ջիգյարով էրեխեք էին: Ես ինչ իմանայի, որ էդ լուսավոր տղերքս մի քանի օրից էլ չեն լինելու, որ իմանայի...
-Եղե՞լ եք այդ կացարանում, ի՞նչ պայմաններ էին:
-Հին տուն էր, մեջն էլ նույն վիճակը, դե ադեն պատկերացնում եք, բայց տղերքը չէին նեղվում,ասում էին կարեւորը սահմանին խաղաղանդ լինի ձյաձ ջան, վրանի տակ էլ կքնենք:
-Շատ ծնողները, կասկածի տակ են դնում պաշտոնական վարկածը, Դուք հավատո՞ւմ եք:
-Ես մինչեւ հիմա չեմ հավատում, որ իմ տղան չկա, էրեխուցս մի սաղ տեղ չէր մնացել, փակ դագաղով են ինձ հանձնել, հիմա ես ոնց կարողանամ ուրիշ բանի մասին մտածեմ: Մեզ ասել են, որ քնած են եղել, չգիտեմ, քննությունը կպարզի: Տարբեր տեղերից եկել են` զինկոմը, սպաներից, բայց ոչ մի բան ոչ մեկ հստակ չի ասում, ես չգիտեմ....
ԻԼՈՆԱ ԱԶԱՐՅԱՆ
1
18727 դիտում
2
3093 դիտում
3
2662 դիտում
4
2568 դիտում
5
2245 դիտում
1
36107 դիտում
3
11076 դիտում
4
10521 դիտում
5
9097 դիտում
1
37660 դիտում
3
34135 դիտում
4
19041 դիտում
