ԶԱՐ­ՄԱՆՔ

Սո­ցի­ա­լա­կան ցան­ցե­րում մեր հայ­րե­նա­կից­նե­րը ծի­ծա­ղում է­ին ադր­բե­ջա­նա­կան մա­մու­լի այն զար­մա­նա­լի հրա­պա­րակ­ման վրա, իբր Ե­գիպ­տո­սի հին տա­ճար­նե­րից մե­կում գտնվել է ԱԴՐ­ԲԵ­ՋԱ­ՆԻ քար­տեզ: Սա­կայն ի­րա­կա­նում վի­ճա­կը ոչ թե ծի­ծա­ղե­լի է, այլ` բա­վա­կա­նին վտան­գա­վոր: ԳԱ­Ա նա­խա­գա­հու­թյան նիս­տում Ադր­բե­ջա­նի գի­տու­թյուն­նե­րի ազ­գա­յին ա­կա­դե­մի­ա­յի նա­խա­գահ Ի­սա Հա­բիբ­բեյ­լին հայ­տա­րա­րել է, որ «...Արևմ­տյան Ադր­բե­ջան (ի նկա­տի ու­նի Հա­յաս­տա­նը) վե­րա­դառ­նա­լու հա­յե­ցա­կարգն ար­տա­ցո­լում է ան­կախ Ադր­բե­ջա­նի Հան­րա­պե­տու­թյան ռազ­մա­վա­րու­թյու­նը: Այս հա­յե­ցա­կար­գը «խա­ղա­ղու­թյան հա­յե­ցա­կարգ» է, իսկ Ադր­բե­ջա­նի պնդում­նե­րը բա­ցա­ռա­պես «մշա­կու­թա­յին» են: Այս հա­յե­ցա­կար­գը կլի­նի, այս­պես կոչ­ված, «Մեծ վե­րա­դար­ձի» երկ­րորդ ծրա­գի­րը: Այ­սինքն` Ադր­բե­ջա­նի գի­տու­թյուն­նե­րի ազ­գա­յին ա­կա­դե­մի­ան նոր հանձ­նա­րա­րու­թյուն է ստա­ցել «կա­տա­րե­լա­գոր­ծել» Հա­յաս­տա­նի և Ար­ցա­խի պատ­մու­թյու­նը կեղ­ծե­լու գոր­ծըն­թա­ցը՝ հա­յե­րի դեմ նոր ցե­ղաս­պա­նու­թյունն ար­դա­րաց­նե­լու և տա­րածք­նե­րի բռնագ­րավ­ման հիմ­նա­վոր­ման նպա­տա­կով: Եվ քա­նի դեռ իշ­խա­նու­թյան են մե­րօ­րյա մե­լիքֆ­րան­գյուլ­նե­րը, դրա դեմն առ­նող­ներ չեն լի­նի, զի ե­թե գո­ղը տնից է, ե­զին եր­դի­կից էլ կհա­նեն:

Իսկ տխրահռ­չակ Է­ՐԱ­ՏՈՆ հրա­պա­րա­կել է մի զար­մա­նա­լի և շատ չա­րա­գու­շակ տեքստ. «Այժմ, երբ Լեռ­նա­յին Ղա­րա­բա­ղը Հա­յաս­տա­նի Հան­րա­պե­տու­թյա­նը կա­պող կյան­քի ճա­նա­պար­հը փակ­ված է Ադր­բե­ջա­նի կող­մից, երբ իմ 120 հա­զար հայ­րե­նա­կից­ներ, գտնվե­լով լի­ա­կա­տար շրջա­փակ­ման մեջ, ե­րա­զում են բաղ­ձա­լի խա­ղա­ղու­թյան մա­սին, կրկին ու­զում եմ մի­աս­նա­կա­նու­թյան կո­չով դի­մել Ձեզ: Սի­րե­լի՛ տիկ­նայք, ե­կեք հա­նուն խա­ղա­ղու­թյան վեհ նպա­տա­կի մեկ­տե­ղենք մեր ջան­քե­րը, ո­րոնք վստա­հա­բար կլռեց­նեն բո­լոր ար­կերն ու թնդա­նոթ­նե­րը, փամ­փուշտ­ներն ու զեն­քե­րը: Խա­ղա­ղու­թյու­նը վե­րա­ցա­կան գա­ղա­փար չէ, և հնա­րա­վոր է այն­տեղ, որ­տեղ դրան հա­վա­տում են»: Իսկ մենք ար­դեն դա­ռը փոր­ձից գի­տենք` հենց որ այդ գար­շե­լի տի­կի­նը խո­սում է խա­ղա­ղու­թյու­նից, դրան ան­պայ­ման հե­տև­ում են ա­րյու­նը, ա­վե­րը, հայ­րե­նազր­կու­մը: Սա այն դեպքն է, երբ «...և փրկե­այ զմեզ ի չա­րէ»  աղոթ­քը մա­զա­չափ իսկ օգ­նել չի կա­րող, երբ մի­ակ ի­րա­կան փրկու­թյու­նը սրան «առա­ջին» տիկ­նոջ կար­գա­վի­ճա­կից զրկելն է` ոտ­քի ել­նե­լով և կա­պի­տու­լյան­տա­կան ամ­բողջ խուն­տա­յին շքեղ աշ­խա­տա­սե­նյակ­նե­րից բան­տախ­ցեր ու­ղեկ­ցե­լով: Այ­լա­պես դեռ շատ ու շատ բնա­կա­վայ­րեր կդառ­նան «դժբախտ և դժգույն»:

Պատ­կե­րաց­նու՞մ եք` 2022 թ. բյու­ջեն պաշտ­պա­նու­թյան գծով ու­նի 190 մլրդ դրա­մի թե­րա­կա­տա­րում. պաշտ­պա­նու­թյան ո­լոր­տի հա­մար հատ­կաց­ված 360 մլրդ դրա­մից ծախս­վել է ըն­դա­մե­նը 170 մլրդ դրա­մը: Այ­սինքն՝ սպա­ռա­զի­նու­թյուն գնե­լու, նոր­մալ, անվ­տանգ զո­րա­մա­սեր, զի­նա­նոց­ներ, դիր­քեր, կա­ցա­րան­ներ սար­քե­լու հա­մար կա ա­մեն ինչ կա, մի­այն չկա հրա­ման` դրանք կա­ռու­ցե­լու... Ինչ է սա, ե­թե ոչ պե­տա­կան դա­վա­ճա­նու­թյուն, ինչ է նշա­նա­կում ռազ­մա­կան բյու­ջե­ի կե­սից ա­վե­լին «տնտե­սել»: Այն­պես որ, 15 զին­ծա­ռա­յող­նե­րի այր­վե­լը ՍՈՒ­ՐԵՆ ՊԱ­ՊԻ­ԿՅԱ­ՆԻ և գե­րա­գույն գլխա­վոր կա­պի­տու­լյան­տի մեղ­քե­րի փոքր մասն է մի­այն, իսկ ամ­բող­ջա­կան մեղ­քը կոչ­վում է պե­տա­կան դա­վա­ճա­նու­թյուն: Հրա­ժա­րա­կա՞ն` չէ մի չէ, սրանք վա­ղուց պի­տի կա­լա­նա­վոր­ված լի­նե­ին... Ու այդ թե­րա­կա­տար­ման ֆո­նին տե­ղե­կա­նում ենք, որ. «Գո­րի­սի տա­րա­ծաշր­ջա­նի ողջ եր­կայն­քով «ՈՄԱ Գո­րիս»-ը կրա­կա­յին կե­տեր ու խրա­մատ­ներ է կա­ռու­ցե­լու: Այդ թվում՝ Ներ­քին Խնձո­րես­կում... Մենք մեր տունն ենք ամ­րոց սար­քում ու պաշտ­պա­նում: Անձ­նա­պես խնդրում եմ բո­լո­րիդ անց­նել հղու­մով ու նվի­րա­բե­րել, որ տեխ­նի­կան ա­մեն օր կա­րո­ղա­նա աշ­խա­տել»: Զար­մա­նա­լի և զար­հու­րե­լի է` փո­ղը կա, տեխ­նի­կան կա, ա­մեն ինչ կա, սա­կայն սահ­մա­նա­յին ամ­րու­թյուն­նե­րը հան­գա­նա­կած փո­ղով ստիպ­ված մի ՀԿ է կա­ռու­ցում... Եվ դա այն պա­րա­գա­յում, որ օ­րեր անց մեր ԶՈւ-ն դառ­նում է 31 տա­րե­կան:

Զարմացած է ՀՈՎՀԱՆՆԵՍ ԳԱԼԱՋՅԱՆԸ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝