Այս իրավիճակից խուսափել հնարավոր էր, բայց դուք չկանգնեցիք ոտքի, լռեցիք, դուք քաղաքականությամբ չեք զբաղվում. Մութաֆյան

«Այսօր վայրահաչելու փոխարեն` ընդամենը պետք էր հետամուտ լինել ընդդիմության խոսքին, ընդամենը պետք է կանգնել ընդդիմության կողքին եւ դուրս շպրտել մահաբեր ու զիճող այս իշխանությանը։ Արցախի կյանքի ճանապարհը մեկ ամսից ավել արդեն փակ է, ոչ ոք չի հարցնում, թե ո՞ւր է գլխավոր պատասխանատուն, այլ ջանասիրաբար քարկոծում են ընդդիմությանը, 2023 թվականի հունվարի 19 ի գիշերը մեծ ողբերգություն տեղի ունեցավ մեզնից հեռացան 15 երիտասարդ, ոչ ոք պահանջներ չի ներկայացնում գլխավոր մեղավորներին, բայց ջանք ու եռանդ չխնայելով՝ քակոծում են ընդդիմությանը, ոչ թե նրա համար, որ միակ հույսը ընդդիմությունն է, այլ զուտ նրա համար, որ հետո վայրահաչեն, թե ընդդիմությունը մեր տղաների մահը շահարկում է քաղաքական դիվիդենտներ շահելու համար։

Այսօր այս իրավիճակից խուսափել հնարավոր էր, եթե ընդամենը լսեիք այն կոչերն, ինչ հնչեցնում էր ընդդիմությունը, եթե ականջալուր լինեիք, եթե պոկվեիք ձեր բազմոցներից եւ կանգնեիք այն ուժի ու մարդկանց կողքին, ովքեր ընդամենը չէին ուզում, որ մեր երկրում շարունակվեր կորուստները, մարդիկ, ովքեր ուզում էին կանգնեցնել մահվան մեքենան, որը ամեն օր մեզնից խլում է եղբայրներին՝ որդեկորույս դարձնելով մայրերի, այրիացնելով երիտասարդ կանանց, ծնողազրկելով փոքրիկ հրեշտակների, բայց դուք չկանգնեցիք ոտքի, դուք լռեցիք, դուք քաղաքականությամբ չեք զբաղվում։ Շարունակեք չզբաղվել քաղաքականությամբ, շարունակեք քարկոծել ընդդիմությանը, թիրախավորել ընդդիմադիր առաջնորդներին եւ կարկառուն դեմքերին, այդպիսով բաց պահեք մահվան ու կործանման ակոսը», - գրել է դերասանուհի ԱՆԱՀԻՏ ՄՈՒԹԱՖՅԱՆԸ:

Հավանեցի՞ր հոդվածը, կիսվիր ընկերներիդ հետ՝

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝