Նորայր Մեհրաբյանի հրաժեշտի արարողությունից հեռացա ծանր զգացումով և մի հարցով, որը հանգիստ չի տալիս․ Բալմանուկյան ՔՊ-ում թեւերի են բաժանվել․ ԲԱՄԲԱՍԱՆՔ Բռունցքներ՝ եթերում, ինտրիգներ՝ իշխանության ներսում Ինչու Աննան «կաստրուլկաներով» չի չխկչխկացնում Նիկոլի ականջին․ ԶԱՐՄԱՆՔ Պուտին–Թրամփ–Սի հանդիպումը կարող է դառնալ «ողջ մարդկության համար հզոր ազդանշան» Փաշինյանը` թուրք–ադրբեջանական «կաբելի» դերում Մանդատները վայր դրեք եւ Նիկոլը կհայտնվի մութ սենյակում․ Հովիկ Աղազարյան (ԱՆՈՆՍ) Կյանքից հեռացել է ՀՀ ժողովրդական արտիստ Հակոբ Ազիզյանը Վլադիմիր Պուտինն իր հետ միջուկային ճամպրուկը տարել է Չինաստան (Տեսանյութ) Տարադրամի փոխարժեքները նոյեմբերի 18-ին

Մեզ համար հետքայլ գոյություն չունի եւ չպետք է լինի. Գեւորգ Փարսյան

Հանդիպում

Սյունիքի մարզի Տաթեւ համայնքով Կապան հասնելը շարունակում է լրջագույն խնդիր մնալ: Կապանցիների ճանապարհն այս ուղիով ոչ միայն երկարել է, այլեւ` դժվարանցանելի դարձել, մինչդեռ այդ ճանապարհի հույսին են մնացել նաեւ իրանական բեռնատարները: Այս եւ մի շարք այլ հարցերի մասին զրուցել ենք Կապանի քաղաքապետ ԳԵՎՈՐԳ ՓԱՐՍՅԱՆԻ հետ:

— Պարոն քաղաքապետ, ճանապարհի հետ կապված խնդիրն ինչպե՞ս է անդրադառնում Կապանի բնականոն կյանքի վրա:

— Իսկապես, բավականին լուրջ խնդիրներ կան` ճանապարհի հետ կապված: Այն դժվարանցանելի ճանապարհ է: Տաթեւով կառուցված ճանապարհը նախատեսված չէր բեռնատար մեծ մեքենաների համար եւ հատկապես ձմռան սեզոնին շատ են լինում խցանումներ ու խնդիրներ են առաջանում: Ինչ վերաբերում է զբոսաշրջությանը, մեծ հաշվով, պատերազմից հետո արդեն իսկ նկատվում էր այցերի պակաս: Այսինքն` այդ առումով էլ լուրջ վնաս է կրել Կապանը: Ներկա դրությամբ` այլընտրանքային ճանապարհներ են մշակվում, հատկապես բեռնատար մեքենաների շարժը թեթեւացնելու համար:

— Ուշացած չէ՞ հիմա նոր խոսել այլընտրանքային ճանապարհների մշակման մասին, երբ 2020 թվականի պատերազմից անցել է արդեն 2,5 տարի:

— Եթե հետադարձ հայացք գցենք, թե ինչ տեղի ունեցավ 2020 թվականի նոյեմբերի 9-ից հետո, ապա պետք է հիշենք, որ Որոտանով ճանապարհը գործում էր, եւ թվում էր, թե երաշխավորված էր այդ ճանապարհի անցանելիության ապահովումը: Բայց դեպքերը զարգացան այնպես, որ մի օր ադրբեջանցիները որոշեցին մաքսակետ տեղադրել եւ Որոտանի հատվածը փակել` դրանով իսկ մեծ խնդիր առաջացնելով մեր համար: Դրա համար ավելի շատ ժամանակի խնդիր կար` այդ այլընտրանքային ճանապարհները կառուցելու հետ կապված:

— Ինչպե՞ս կգնահատեք այսօր առկա անվտանգային միջավայրը Կապանում` հաշվի առնելով, որ արդեն գրեթե 40 օր է, ինչ փակ է Բերձորի միջանցքը:

— Ընդհանուր առմամբ շարունակում է մնալ նույնը: Գաղտնիք չէ, որ անվտանգային առումով իրավիճակը շարունակում է մնալ լուրջ եւ լարված:

— Ադրբեջանական սարդանքներ, առաջխաղացման փորձեր կա՞ն այն հատվածներում, որոնք դիտարկվում են իրենց դիրքերի կողմից:

— Վերջին լուրջ մարտական գործողությունները եղել է սեպտեմբերի 13-14-ին: Իհարկե, միջդիրքային կրակոցներ դրանից հետո էլ եղել են, բայց դրանք մեծ հաշվով պարբերական բնույթ են կրում: Ամեն դեպքում, սեպտեմբերի 13-14-ից հետո` որեւիցե դիրքային առաջխաղացում կամ փոփոխություն չի արձանագրվել:

— Ադրբեջանի նախագահ Իլհամ Ալիեւն իր վերջին ասուլիսի ժամանակ ուղղակիորեն հայտնեց, որ «մեծ ախորժակ ունի»` Սյունիքի հետ կապված: Այս առումով հանրային ի՞նչ տրամադրություններ կան Կապանում:

— Իհարկե, մտահոգիչ է, թե ինչ է առհասարակ արտահայտում թշնամի երկրի ղեկավարը, բայց կապանցիներս վճռական ենք, որ ապրելու, արարելու եւ զարգացնելու ենք մեր տարածաշրջանն` անկախ նրանից, թե Ալիեւն ինչ է ասում:

— Իլհամ Ալիեւը խոսում է, այսպես կոչված, Զանգեզուրյան միջանցքի մասին, իսկ Նիկոլ Փաշինյանն ասում է, թե չգիտի` մինչեւ ո՞ւր պետք է զիջել, որ ամեն ինչ ավարտվի: Եթե, այնուհանդերձ, որոշվի մի զիջման էլ գնալ` այդ միջանցքը տրամադրելով, որպեսզի «խաղաղության պայմանագիր» կնքվի, ինչպիսի՞ն կլինի Կապանի արձագանքը:

— Չեմ մեկնաբանի այդ հարցը, որովհետեւ մեծ հաշվով չգիտեմ, թե ինչ են բանակցում այդ հարցի շուրջ եւ ինչ է ընդհանուր առմամբ քննարկվում: Միայն կարող եմ մի բան ասել, որ եթե ինչ-որ միջանցք, ճանապարհ տրամադրվի Կապան քաղաքի միջով, ես ոչ մեկի անվտանգությունը չեմ երաշխավորում: Այսքանը:

— Որպես սյունեցի, ինչպե՞ս եք տեսնում ստեղծված իրավիճակի հնարավոր ելքը:

— Ինչպես ասացի, իրականում լուրջ եւ փխրուն է վիճակը, բայց կապանցիներս վճռական ենք մեր որոշումներում եւ քայլերում, ապրել, ապրում եւ ապրելու ենք այստեղ ու մեզ համար հետքայլ գոյություն չունի եւ չպետք է լինի: Համենայնդեպս, եթե լինի որեւիցե ագրեսիա, պատրաստ ենք պայքարելու եւ մարտնչելու:

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ