Որ գյուղերի մասին է խոսել Ջ. Բայրամովը․ Քարտեզագետ-քարտեզաբան Ռուբեն Գալիչյանը փակագծեր է բացում

Պաշտոնական Բաքուն հերթական անգամ բարձրացրել է այսպես կոչված անկլավների հարցը. տարեվերջյան ամփոփիչ ասուլիսում այդ երկրի արտաքին գործերի նախարարը հայտարարել է, թե Հայաստանը պետք է վերջ տալ «բոլոր տեսակի սադրանքներին, որոնք խոչընդոտում են» բանակցային գործընթացը:

«Սահմանազատման գործընթացը, որքան էլ բարդ լինի, պետք է իրականացվի բանակցային ճանապարհով՝ զուգահեռաբար իրավական բոլոր փաստաթղթերի ուսումնասիրմամբ: Անհրաժեշտ է առաջ շարժվել քայլ առ քայլ։ Այդ համատեքստում կա 8 գյուղերի հարցը, որտեղ հարյուրամյակներով ադրբեջանցիներ են ապրել։ Ուստի այդ գյուղերը պետք է վերադարձվեն Ադրբեջանին»,- ասել է Ջեյհուն Բայրամովը։

Ամենայն հավանականությամբ խոսում է Հայաստանի որոշ մարզերում մի քանի գյուղերի մասին։ Ադրբեջանի արտաքին գործերի նախարար Ջ. Բայրամովին այսպես է արձագանքում քարտեզագետ-քարտեզաբան Ռուբեն Գալիչյանը, ընդգծելով․

-Այդ մի քանի գյուղերը որոշ ժամանակահատված Ադրբեջանի կազմում են եղել, հետո Ադրբեջանը հողամասեր է վերցրել Հայաստանից, այդ գյուղերը դրա դիմաց տվել են Հայաստանին: Եթե այդ անձի նշած սկզբունքով է, ապա Սև լճի, Իշխանասարի մոտից նրանք պետք է հետ քաշվեն, հեռանան։ Իսկ եթե անկլավ են պահանջում, մեր հողից են պահանջում, չէ՞, դե թող փաստաթուղթ բերեն, որը ցույց կտա, որ այդ տարածքներն իրենցն են: Չկա այդպիսի փաստաթուղթ, այդպիսի քարտեզ: Թող փաստաթուղթ բերի, ներկայացնի՝ ինչո՞ւ պետք է այդ տարածքները տանք: Կրկնում եմ՝ եթե այդպես են ասում, ուրեմն պետք է հակադարձել նրանց՝ եթե այդպես է, ուրեմն Արցախն ամբողջությամբ պետք է Հայաստանին տան։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝