2023թ․-ի սիրային հորոսկոպը կենդանակերպի բոլոր նշանների համար

Խոյեր

Նոր հարաբերությոններ սկսելու համար ձմեռը Խոյերի համար ամենաբարենպաստ ժամանակաշրջանն է։ Ձմռան ամիսներին կգրավեք պոտենցիալ գործընկերների ուշադրությունը եւ բոլորը կհիանան ձեզնով։ Ձմռան վերջին եւ գարնան սկզբին Խոյերը կլինեն ամենագայթակղիչը․ նրանցից կբխի սիրային ամենամեծ էներգիան։ Մարտին եւ ապրիլին սիրային կրքերը կհանդարտվեն, եւ դրանց կփոխարինի հանգստությունը։ Գարնանը Խոյերի կյանքում ավելի շատ ռոմանտիկա կլինի, քան կիրք: Իսկ ամռան առաջին ամիսները հիանալի հնարավորություն են անկաշկանդ շփման ու սիրախաղի համար: Բայց նման հարաբերությունները կարող են կարճատեւ լինել: Այդպես է դա, թե ոչ, ցույց կտա ժամանակը, ավելի ճիշտ՝ 2023 թվականի աշունը։ Մինչեւ տարեվերջ Խոյերը վերջապես կորոշեն՝ պե՞տք են արդյոք իրենց այդ հարաբերությունները, թե՞ վերջ տալ դրանց։

Ցուլեր

2023 թվականի սկզբին Ցուլերի համար դժվար կլինի համակերպվել սիրային մթնոլորտին։ Կթվա, թե հարաբերությունները փակուղի են մտել, իսկ եթե Ցուլը զուգընկեր ունի, ապա բաժանվելու հավանականություն կա։ Բայց արդեն փետրվարի վերջին կամ մարտի սկզբին ամեն ինչ կսկսի հարթվել, եւ ձեր կողքին կհայտնվի մի մարդ, ով աջակցություն կցուցաբերի եւ միգուցե պետք է ուշադրություն դարձնեք նրան։ Ամուր հարաբերություններ կարող են սկսվել գարնանը, ինչպես հին ծանոթի, ով միշտ համարվել է պարզապես ընկեր, այնպես էլ պատահական մարդու հետ։ Գարնանը ձեզ կայցելի երկար սպասված սիրավեպը, որը մինչեւ ամառվա սկիզբը կվերածվի կրքի։ Հունիս-հուլիս ամիսներին անցյալը կրկին կհիշեցնի իր մասին, եւ դուք ստիպված կլինեք ընտրություն կատարել դրա եւ ներկա հարաբերությունների միջեւ։ Ընտրելով հին հարաբերությունները՝ ստիպված կլինեք նորից վերանայել դրանք եւ շատ աշխատել ինքներդ ձեզ վրա՝ դրանք փրկելու համար։ Մինչեւ ամառվա վերջ հարաբերություններ ընտրելով նոր զուգընկերոջ հետ՝ դուք խաղաղության ու ներդաշնակության մեջ կլինեք, սակայն աշնանը կարող են ի հայտ գալ առաջին կոնֆլիկտները։ Տարվա վերջը խառն է լինելու եւ կախված է նրանից, թե կարո՞ղ եք զիջումների գնալ, թե՞ ոչ։

Երկվորյակներ

Տարեսկզբին Երկվորյակները պետք է մտածեն հարաբերություններում նոր մակարդակի անցնելու, ամուսնանալու, միասին ապրելու մասին։ Եթե ​​դա տեղի չունենա, եւ հարաբերությունները մնան նույն մակարդակի վրա, ապա վաղ գարնանը բաժանվելու մեծ հավանականություն կա։ Ապրիլին եւ մայիսին Երկվորյակները կարող են ազատություն ցանկանալ, սակայն այս զգացումը խաբուսիկ է, եւ որպեսզի հարաբերությունները կարգավորվեն, զուգընկերները պետք է հանգստանան միմյանցից։ Ամռանը պետք է ավելի շատ ուշադրություն դարձնեք ձեր զուգընկերոջը։ Եթե ​​պատշաճ ուշադրություն չդարձնեք, ապա նա կարող է սառչել ձեր հանդեպ, ինչի պատճառով բարդ հարաբերություններն ու կոնֆլիկտային իրավիճակները կհետապնդեն Երկվորյակներին մինչեւ աշնան վերջ: Դեկտեմբերին ամեն ինչ կհարթվի։ Երկվորյակները կա՛մ դուրս կգան բարդ հարաբերություններից, կա՛մ կբարելավեն դրանք՝ որոշ հարցերում իրենց վրայով անցնելով։ Տարվա վերջին հարաբերություններում կարող է երրորդ անձ հայտնվել։

Խեցգետիններ

Հունվարին միայնակ խեցգետիններին խորհուրդ է տրվում ավելի շատ հյուր գնալ եւ մասնակցել տարբեր միջոցառումների։ Հենց այնտեղ կհանդիպեք ձեր երկրորդ կեսին։ Ողջ գարնան ընթացքում թյուրիմացություններ ու խանդ կառաջանան ինչպես Խեցգետինների, այնպես էլ զուգընկերոջ կողմից։ Ապրիլին գայթակղությունների վտանգ կառաջանա, եւ ձեր ճանապարհին կարող է հանդիպել մի մարդ, որը հետաքրքրվում է ձեզնով։ Ավելի լավ է հրաժարվել այդ գայթակղությունից, քանի որ նման հարաբերությունները կլինեն անցողիկ ու ցավոտ։ Եթե ​​Խեցգետինը չտրվի գայթակղություններին, ապա ամառվա առաջին կեսը իսկական մեղրամիս կլինի զուգընկերոջ հետ, սակայն աշնանային ցուրտ եղանակի սկսվելուն պես կառաջանան առաջին թյուրիմացություններն ու վեճերը, որոնք կարող են հանգեցնել դեպրեսիայի։ Դեկտեմբերին ամեն ինչ կսկսի հարթվել, բայց դրա համար ձեզ անհրաժեշտ կլինի սիրելիի աջակցությունը, ով կարող է համոզել՝ պետք է գնալ զիջումների, եւ որ իդեալական հարաբերություններ գոյություն չունեն։

Առյուծներ

Տարեսկզբին հարաբերություններում մի փոքր սառնություն կլինի։ Կրքերը կրկին բորբոքելու եւ թյուրիմացություններից խուսափելու համար խորհուրդ է տրվում ավելի շատ խոսել ձեր զգացմունքների մասին եւ չլռել խնդիրների ու դժգոհությունների մասին։ Եթե ​​Առյուծը միայնակ է, ապա արդեն փետրվար-մարտ ամիսներին մեծ է պատահական հանդիպման հավանականությունը, որը կվերածվի ամուր հարաբերությունների։ Այն կսկսվի ընդամենը մի քանի ժամադրությունից։  Նայելով Առյուծի եւ նրա հոգու ընկերոջ իդեալական հարաբերություններին՝ մտերիմ շրջապատում կհայտնվի ընկեր, որը կնախանձի։ Հենց նրանից կարելի է ակնկալել բամբասանքներ եւ հարաբերությունները փչացնելու փորձեր։ Եթե ​​սադրանքների չենթարկվեք, ապա ամառվա առաջին ամիսներին կկարողանաք հանգստանալ ու խուսափել խնդիրներից։ Ամռան վերջին Առյուծները ռոմանտիկ ու հուզիչ կլինեն, ուստի այս ժամանակահատվածում խորհուրդ է տրվում ավելի շատ ժամադրության գնալ զուգընկերոջ հետ։ Աշնանը պետք է ձեզնից վանեք երկրորդ կեսի անհավատարմության վերաբերյալ ցանկացած կասկած, քանի որ դա կբերի վեճերի, խանդի եւ բաժանման։ Եթե ​​չընկնեք սադրանքների հետեւից ու չտիրապետեք զգացմունքները, ապա տարեվերջին հարաբերությունները կամրապնդվեն ու նոր հարթություն կանցնեն։

Կույսեր

Տարեսկզբին ձեր երկրորդ կեսի հետ հարաբերությունները «կփչանան,» եթե սիրախաղ անեք հակառակ սեռի հետ։ Մարտ-ապրիլին խորհուրդ է տրվում թուլանալ, բաց թողնեք հարաբերությունների մասին բոլոր մտքերը, ինչը հնարավորություն կտա հասկանալ, թե արդյոք դրանք ընդհանրապես անհրաժեշտ են։ Միայնակ Կույսերը մայիսին կարող են հանդիպել իրենց հին սիրուն, ինչը նորիս սկսելու գայթակղություն կառաջացնի։ Բայց մի քայլեք հին ճանապարհով, սա ոչ մի լավ բանի չի հանգեցնի։ Բաժանումն անխուսափելի է: Ամառվա սկզբին Կույսերը կմտահոգվեն նախորդ ամիսներին իրենց կատարած արարքներով, սակայն միայն իրավիճակը բաց թողնելուց հետո կարելի է հույս դնել նոր հարաբերությունների ի հայտ գալու կամ գոյություն ունեցի հարթման վրա։ Հուլիս-օգոստոս ամիսներին ձեր եւ երկրորդ կեսի հարաբերությունները կսկսեն հարթվել, եթե ցուցաբերեք համբերություն եւ հոգատարություն։ Սեպտեմբերին ավելի լավ է արձակուրդ գնալ, ինչը հարաբերություններում վստահություն կավելացնի։ Ձմռանը հարաբերություններն ավելի պայծառ ու կրքոտ կլինեն։ Դեկտեմբերին խանդի անհասկանալի պատճառներ կհայտնվեն։ Եթե ​​դուք չենթարկվեք այդ զգացողությանը, ապա տարեվերջին զուգընկերների հարաբերությունները միայն կամրապնդվեն։ Եթե ​​հետեւեք զգացմունքներին, կսկսվեն սկանդալներ, պարզաբանումներ, որոնք կհանգեցնեն բաժանման։

Կշեռքներ

Ձմռանը Ձեր հարաբերություններին կարող է նախանձ մարդ խառնվել, որը նեգատիվ կբերի՝ փչացնելով հարաբերությունները հանգեցնելով սկանդալների։ Փետրվարին Կշեռքները կրկին կսիրահարվեն իրենց զուգընկերոջը։ Միայնակ Կշեռքներն իրենց տղամարդուն կհանդիպեն գարնան սկզբին։ Սկզբում կարող է խանդ առաջանալ, բայց մի ենթարկվեք այս զգացողությանը։ Հարաբերություններն ավելի վստահելի ու ամուր կդառնան։ Գարնանը խորհուրդ է տրվում զուգընկերոջը պաշտպանել սթրեսից ու խուսափել կոնֆլիկտներից, քանի որ դա կարող է հանգեցնել ոչ միայն տարաձայնությունների, այլեւ առողջական խնդիրների։ Կուտակված պահանջների պատճառով սեպտեմբերին կարող են սկանդալներ առաջանալ, ուստի ավելի լավ է ձեր էներգիան ուղղեք այլ կողմ, օրինակ՝ աշխատանքի կամ սպորտի մեջ։ Եթե ​​խուսափեք կոնֆլիկտներից, ապա ձմռան սկզբին զուգընկերը կդառնա ավելի մեղմ, զիջող եւ պատրաստ օգնելու։ Այս դեպքում տարեվերջը կլինի ուժեղ միության սկիզբ։ Բայց եթե չզսպեք ձեր էմոցիաները, միությունը կկործանվի:

Կարիճներ

Հունվարին Կարիճները կարող են ենթարկվել գայթակղություններին եւ տարվել նոր այլ էակով, ինչը բացասաբար կանդրադառնա զուգընկերոջ հետ հարաբերությունների վրա: Մարտին Կարիճները շրջապատված կլինեն բամբասանքներով, եւ ոչ անհիմն։ Այս ժամանակահատվածում հարաբերությունները պահպանելու համար պետք է ավելի շատ զրուցեք։ Մայիսին ինչ-որ բան կամ ինչ-որ մեկը ձեզ կհիշեցնի հին սիրո մասին, բայց ավելի լավ է այդ մտքերը վանեք, քանի որ դա բացասաբար կանդրադառնա զուգընկերոջ հետ հարաբերությունների վրա։ Դա կխանգարի միայնակ Կարիճներին առաջ շարժվել եւ նոր կյանք կառուցել: Հունիսն ամենաբարենպաստ ամիսն է հանգստի համար։ Գնալով ճանապարհորդության՝ վերջապես կարող եք հանգստանալ ու ավելի շատ ժամանակ անցկացնել միասին՝ մոռանալով թյուրըմբռնումների մասին։ Ամառվա վերջը կլինի ռոմանտիկ եւ լի ժամադրություններով ու նոր հույզերով։ Աշնանը հարաբերությունները կսրվեն եւ ավելի լավ է մի փոքր հանգստանաք միմյանցից։ Մինչեւ ձմռան սկիզբը, բաժանումից խուսափելու համար, խորհուրդ է տրվում ավելի շատ ժամանակ տրամադրել միմյանց եւ գնալ զիջումների։ Դեկտեմբերին պետք է հատկապես զգույշ լինեք, քանի որ մտերիմ մարդիկ կարող են քանդել ձեր հարաբերությունները։

Աղեղնավորներ

Տարվա սկզբին սիրելիի հետ հարաբերությունների ավելի ջերմ ու վստահելի կդառնան։ Մինչեւ ձմռան վերջը, ընդհակառակը, Աղեղնավորը կարող է ձանձրանալ եւ ցանկանալ կայծ, որն այլեւս չկա: Մարտին շատ բան կզայրացնի, բայց պետք չէ զայրույթն ուղղել զուգընկերոջ կողմը։ Ավելի լավ է ժամանակավորապես բաժանվեք։ Ապրիլին անհրաժեշտ է ավելի անկողծ լինել, որպեսզի ներդաշնակություն լինի հարաբերություններում։ Միայնակ Աղեղնավորները մայիսին պատահական կհանդիպեն ծանոթի, որն առաջին հայացքից ոչ մի կերպ չի գրավի, բայց հետագայում շատ կմտերմանաք։ Ամռանը կարեւոր է արտահայտվել եւ չզսպել ձեր երկրորդ կեսի ստեղծագործական ներուժը. դա ձեզ կստիպի այլ աչքերով նայել հարաբերություններին: Հոկտեմբերին խորհուրդ չի տրվում լիարժեք վստահել զուգընկերոջը, քանի որ նա ինչ-որ բան կմոգոնի, եւ դա ամենահաճելի անակնկալը չի ​​լինի։ Տարեվերջին Աղեղնավորները կբախվեն տարբեր գայթակղությունների, բայց եթե դիմադրեք, ձեր ներկայիս հարաբերություններում խնդիրներն ավելի քիչ կլինեն։

Այծեղջյուրներ

Ձմռան առաջին ամիսներին Այծեղջյուրները կարճ ժամանակով կբաժանվեն սիրելիներից, բայց դա միայն կամրապնդի հարաբերությունները։ Կենդանակերպի այս նշանի ներկայացուցիչների համար ձմռան վերջը եւ գարնան սկիզբը լի կլինեն հաճելի պահերով՝ կապված երկրորդ կեսի հետ։ Ապրիլին հարաբերությունները մի փոքր կվատթարանան անվստահության պատճառով։ Սթրեսը թոթափելու համար խորհուրդ է տրվում հյուր գնալ եւ շեղվել առօրյայից։ Ամռանն Այծեղջյուրները կարող են չափից դուրս տարվել իրենցով, ինչը կհանգեցնի զուգընկերոջ կողմից սառը վերաբերմունքի։  Սեպտեմբեր-հոկտեմբեր ամիսներին ավելի լավ է համատեղ ճանապարհորդության մեկնել։ Պետք չէ հրավիրել ընկերներին ու ծանոթներին, քանի որ նրանք տարաձայնություններ կառաջացնեն եւ թույլ չեն տա ձեզ վայելել միմյանց։ Ձմռանն իրականություն կդառնա այն, ինչի մասին երազում եք։ Դեկտեմբերին զուգընկերը հաճախ նեգատիվ կառաջացնի եւ կբարկացնի ձեզ։ Պետք չէ տրվել այս զգացմունքներին, կարեւոր է հասկանալ, որ ձեր կեսն էլ իր կարծիքի իրավունք ունի։

Ջրհոսներ

Հունվարին կասկածներ կառաջանան երկրորդ կեսի հավատարմության վերաբերյալ, եւ դուք կցանկանաք դա ստուգել։ Սկսելով բացահայտել ամեն ինչ սկանդալի մեծ վտանգի առջեւ կկանգնեք։ Գարունը հարաբերությունների համար ամենալավ ժամանակաշրջանը չէ եւ կարեւոր է հատկապես ուշադիր լինել միմյանց նկատմամբ։ Մի լռեք, այլ մտահոգիչ թեմաներով ավելի շատ խոսեք։ Մայիսին խորհուրդ է տրվում ավելի շատ ժամանակ անցկացնել զուգընկերոջ հետ, կազմակերպել ռոմանտիկ ժամադրություն, անսպասելի անակնկալ։ Միայնակ Ջրհոսները մայիսին կհանդիպեն մարդու, որին պետք է դիտարկեք որպես պոտենցիալ զուգընկերոջ։ Հուլիս-հուլիս ամիսներին Ջրհոսները հատկապես գրավիչ ու ցանկալի կլինեն, ուստի հենց այս ժամանակահատվածում ավելի լավ է սկսել գրավել ձեզ դուր եկած մարդու ուշադրությունը։ Ամառվա վերջում կարժանանաք սեռի ներկայացուցիչների ուշադրությանը, սակայն կարեւոր է ձեր էներգիան կենտրոնացնել միայն սիրելիի վրա։ Աշնան երկրորդ կեսն ամբողջությամբ կնվիրեք աշխատանքին ու կթվա, թե հարաբերությունները սպառվել են, իսկ զուգընկերը լիովին սառել է։ Դեկտեմբերին ամեն ինչ կհարթվի, եթե ավելի շատ ուշադրություն դարձնեք ձեր սիրելիին, կկարողանաք ներդաշնակություն գտնել։

Ձկներ

Տարվա սկիզբը հեշտ չի լինի, բայց սիրելի մարդը, որը ձեր կողքին կլինի, կօգնի ձեզ հաղթահարել բոլոր խնդիրները։ Մարտին պետք է հնարավորություն տալ նրան, ումից ժամանակին հիասթափվել եք։ Հետագայում դժվար պահերին: Ապրիլին Ձկները չպետք է հավատան այն ամենին, ինչ նրանց ասեն հակառակ սեռի ներկայացուցիչները։ Չափից շատ վստահության պատճառով կարող են լուրջ անախորժություններ առաջանալ։ Հունիսին Ձկները կհետաքրքրվեն իրենց նախկին զուգընկերոջ անձնական կյանքով, ինչը կհանգեցնի վեճերի ներկայիս զուգընկերոջ հետ։ Ամռանը սիրելիի հետ պետք է ավելի զուսպ լինեք ու զիջումների գնաք՝ ընդունելով այն փաստը, որ դիմացինը նույնպես ունի իր կարծիքն ու պահանջները։ Աշնանը Ձկները կձանձրանան, ուստի սիրելիի հետ պետք է մեկնեք տաք երկրներ։ Ուղեւորությունը կրկին կբորբոքի կիրքը հարաբերություններում: Նոր տարին ավելի լավ է անցկացնեք ընտանիքի եւ զուգընկերոջ հետ։ Պետք չէ նախապատվությունը տալ աղմկոտ երեկույթներին, վեճի հավանականություն կա։