Ինչո՞վ է պայմանավորված բարձր IQ ունեցող մարդկանց առողջական լավ վիճակը․ հետազոտություն
Առողջապահական
Միեւնույն գեները պատասխանատու են առողջական լավ վիճակի եւ IQ-ի բարձր մակարդակի համար, ենթադրում են Վիեննայի համալսարանի հոգեբանները: Նրանց աշխատանքի արդյունքները հրապարակվել են Intelligence ամսագրում:
Ավելի վաղ գիտնականները արձանագրել են, որ որքան բարձր է մարդու IQ-ն, այնքան նրա առողջական վիճակը լավ է։ Սակայն նման կապի պատճառները չեն հաստատվել։
Այդ բացը լրացնելու համար գիտնականները վերլուծել են 13-ամյա հետազոտության տվյալները, որոնք տեղեկություններ են պարունակում 50 տարեկանից բարձր տարիքի 11 հազար կամավորների կոգնիտիվ, ֆիզիկական եւ հոգեբանական վիճակի մասին։
Տվյալների վերլուծությունը հաստատել է, որ որքան բարձր է մարդու IQ-ն, այնքան լավ է նրա առողջությունը: Այնուամենայնիվ, այս հարաբերությունների վրա ազդող վարքային գործոններ չեն հայտնաբերվել: Ֆիզիկական ակտիվության բացակայությունը միակ փոփոխությունն էր, որը կապված էր ինչպես IQ-ի, այնպես էլ առողջության հետ:
Գիտնականների խոսքով՝ ինտելեկտի եւ առողջության միջեւ կապը կարելի է բացատրել գեներով։ Հավանաբար, միեւնույն գեները կարող են ազդել առողջության եւ IQ-ի վրա: Հետազոտողները նախատեսում են փորձարկել այս տեսությունը հետագա աշխատություններում:
1
22633 դիտում
2
3518 դիտում
3
2926 դիտում
4
2569 դիտում
5
1533 դիտում
1
40572 դիտում
3
8965 դիտում
4
8125 դիտում
5
5024 դիտում
3
16676 դիտում
4
10520 դիտում
5
9901 դիտում
