Քրեական աշխարհում վերջին օրենքով գողիԿալինա Նիկիֆորովայի մասին լեգենդերն ու իրականությունը

Կալինա Նիկիֆորովայի մասին քրեական աշխարհում լեգենդներ են պտտվում. նա իրականացրել է բազմաթիվ հանցագործություններ, այդ թվում՝ գողություններ, հարձակումներ, բայց ոչ երբեք սպանություններ:

Կալինա Նիկիֆորովան հայտնի օրենքով գող Վյաչեսլավ Իվանկովի` Յապոնչիկի կինն է և մեկ այլ օրենքով գող` Վիկտոր Նիկիֆորովի մայրը:

Վերջինիս օրենքով գող են կնքել՝ հաշվի առնելով նրա մոր դերն ու հեղինակությունը քրեական աշխարհում, և այդ պատճառով նրան քրեական աշխարհում ի պատիվ մոր կոչում էին Վիկտոր Կալինա:

Կալինան ծնվել է հրեաների ընտանիքում և դեռևս շատ երիտասարդ տարիքում ամուսնացել է ոսկերչի հետ, ով նրանից շատ ավելի մեծ էր:

Այրիանալուց հետո սկսել էր զբաղվել չեկերի հետ կապված տարբեր խարդախություններով, ինչի համար էլ ձերբակալվել է:

Նիկիֆորովայի անձնական կյանքի շուրջ նույնպես տարբեր լեգենդներ են պտտվում.օրենքով գողերը չպետք է ունենան կին կամ ամուսին, սակայն նրա և Յապոնչիկի ընտանիքը կոչում էին գողերի ընտանիք:

Յապոնչիկը Կալինայի որդուն` Վիկտորին, համարում էր իր զավակը, և հայտարարել էր նրան իր հետնորդը: Սակայն 1988 թ.-ին Վիկտորը գնդակահարվում է բնակելի տան շքամուտքում:

Արդեն 40 տարեկան հասակում Նիկիֆորովան ուներ իր սեփական կոշիկի ֆաբրիկան և մեծ ֆինանսների էր տիրապետում:

Կալինա Նիկիֆորովան մահացել է սրտի անբավարարվածությունից 1988 թ.-ի փետրվարի 26-ին և հուղարկավորվել է Երևանում:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝