Տարադրամի փոխարժեքները նոյեմբերի 18-ին Արարատի մարզը՝ «կոկորդիլոսագետ» Գարիկի կուռացիայի տա՞կ Ուկրաինայի համար բեռներ փոխադրող հերթական մեծ բեռնանավը ոչնչացվել է Սև ծովում (Տեսանյութ) Պուտինը, Թրամփը և Սի Ցզինպինը «ոտքի վրա» կարճ հանդիպում ունեցան ՍԻՄ նախագահը կուսակցության գրասենյակում ընդունել է ՄԱՍԿ նախագահին Սա գաղափարական հենքի վրա ձեւավորված միասնություն չէ․ Արամ Սարգսյան Առողջության ապահովագրության համակարգի շահառուների թիվը կընդլայնվի ⚡️⚡️«Իրավունք» թերթի այսօրվա տպագիր համարում կարդացե՛ք... Թող իրենց բողոքն ուղղեն տոմս գնողների դեմ․ Կարեն Ղազարյան Հանրապետության շրջանների զգալի մասում սպասվում են տեղումներ

Վագրի տարում մենք նապաստակն էինք, հուսանք՝ նապաստակի տարում կլինենք գոնե վագրի ընկերը. Հայկ Բաբուխանյան

Հանդիպում

«Իրավունք TV»-ի տաղավարում «Ուժեղ Հայաստան Ռուսաստանի հետ. հանուն նոր Միության» շարժման գործադիր կոմիտեի անդամ, ՍԻՄ կուսակցության նախագահ ՀԱՅԿ ԲԱԲՈՒԽԱՆՅԱՆՆ ամփոփելով տարին՝ անդրադարձավ 2022-ի ձեռքբերումներին ու կորուստներին:

— Ոմանց համար «Մանկական Եվրատեսիլն» այստեղ անցկացնելը ձեռքբերում էր, ինձ համար, եթե չասենք հոգեբանական կորուստ է, ապա ձեռքբերում հաստատ չէ:  Ձեռքբերումներ չունենք, բայց ունենք կորուստներ՝ Աղավնոն, Բերձորը… Մեր տարածքներից անընդհատ կառչոտում են թուրքերը: Ունենք 250 զոհ սահմաններում այս տարի, ունենք սպառնալիք նոր պատերազմի: Փակ է Բերձորի միջանցքը, փակ է Գորիս-Կապան ճանապարհը, ունենք արտահոսք երկրից: Նույնն էլ տնտեսության, կրթության եւ մշակույթի մեջ ունենք նահանջներ: Շատ դառը իրականություն է, որ ամեն օր կարող ենք գրանցել նոր կորուստներ: Այդ կորուստները հարգված, ուժեղ, ինքնիշխան եւ իր անվտանգությունը պահող ու պահպանող պետությունից մեզ դարձրել են կիսապետություն:

— Եթե 2022-ին՝ Վագրի տարում ունեցանք այսքան կորուստներ, ի՞նչ կարող ենք ակնկալել 2023-ից՝ Նապաստակի տարուց:

— Վագրի տարում մենք չէինք վագրը, այլ նապաստակն էինք: Ուրիշներն էին վագրեր, իսկ մենք նապաստակն էինք: Հուսանք՝ նապաստակի տարում ուրիշները կլինեն նապաստակ, մենք կարող է վագր չլինենք, բայց գոնե վագրի ընկեր լինենք: Այլապես անընդհատ լինել նապաստակի դերում, կբերի նրան, որ մի օր քեզ կբռնեն ու կուտեն, եւ այդ պատմությունը կվերջանա: Դրա համար ավելի լավ է լինել վագրի հետ, քան թե լինել վագրերի վանդակում նապաստակ: Հույս ունեմ, որ եկող տարի կձերբազատվենք դավաճանների խունտայից, կվերականգնենք հայ ժողովրդի միասնությունը եւ սեփական ուժերով մեր երկրը պահելու կամքը: Կվերականգնենք մեր բանակը, ժողովրդի հայրենասիրական ոգին, հավատը ապագայի հանդեպ, Հայաստան-Սփյուռք հարաբերությունները, Արցախի հանդեպ Ռուսաստանի պրոտեկտորատը: Իսկ Հայաստանը կսկսի քայլել դեպի Ռուսաստան-Բելառուս միութենական պետություն: Սա եմ մաղթում, որ լինի եկող տարի, ինչը կփրիկի մեր պետականությունը, Արցախը եւ կտա հայ ապրելու հնարավորություն: Առիթից օգտվելով՝  ուզում եմ շնորհավորել մեր բոլոր դիտողներին, հետեւորդներին, համակիրներին, ընթերցողներին, ովքեր լիահույս եմ, որ եկող տարի կլինեն իմ ասած ծրագրի ոչ միայն ականատեսները, այլ նաեւ՝ կառուցողները: Բոլորին մաղթում եմ առաջին հերթին առողջություն, լավատեսություն եւ կամք, որպեսզի դառնանք մեր երկրի տերը եւ մեր Հայրենիքը հանենք այս ծանր իրավիճակից: Նախապես շնորհավորում եմ գալիք Նոր տարվա կապակցությամբ:

ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ