Գաղտնի բանաձև, որը պաշտպանում է հարաբերությունները ձանձրույթից և լճացումից

Երկուական համակարգ՝ կատարյալ սիրոյին հարաբերության համար։

Նույնիսկ միայնության մեջ առօրյա կյանքը հեշտ փորձություն չէ։ Զույգերը ծանրաբեռնված են ավելի մեծ պատասխանատվությամբ, քանի որ հարաբերությունները կառուցված են փոխադարձ պարտավորությունների և ընդհանուր խնդիրների լուծման հիման վրա, այդ թվում՝ սովորական, և ենթադրում են մշտական աջակցություն։ Զարմանալի չէ, որ անգամ ներդաշնակ միությունները փլուզվում են առօրյա կյանքի լծի տակ։ Բայց, բարեբախտաբար, կա գաղտնի բանաձև, որը պաշտպանում է հարաբերությունները ձանձրույթից և լճացումից, ու սիրուն հավերժ մնալու հնարավորություն տալիս։

Որպեսզի 2-2-2 կանոնն անխափան գործի, պետք է պահպանել երեք պարզ կետ.

1. Երկու շաբաթը մեկ

Աշխատանքային օրերը երաշխավորում են ոչ միայն կանոնավոր աշխատավարձ, այլև կայուն սթրես, և, հետևաբար, երեկոյան ժամերին այնքան էլ հնարավոր չի լինում սիրելիի հետ զրուցել աբստրակտ թեմաներով, ռոմանտիկ ընթրիք ունենալ կամ խաղեր խաղալ: Այն, ինչ դուք իսկապես ցանկանում եք, դա մոտ քառասուն րոպե փրփուրով լոգանք ընդունելն է և հետո՝ քնելու գնալը: Բայց դա ճիշտ է, երազանք է, բայց մենք պետք է հոգ տանենք նաև առօրյա գործերի մասին, որոնցից փախուստ չկա։ Հասկանալի է, որ ավելի նպատակահարմար է գործերը տարանջատել՝ նա եփում է, իսկ դու լվանում ու արդուկում ես, նա շանը զբոսանքի է տանում, իսկ դու խոհանոցն ես մաքրում։ Այսպիսով, համատեղ կյանքը դառնում է զուգահեռ՝ փոխադարձ լուռ համաձայնությամբ

Այդ իսկ պատճառով կարևոր է, որ դուք ուղիներ գտնեք միմյանց հետ ժամանակ անցկացնելու համար՝ առնվազն երկու շաբաթը մեկ: Միասին ընթրիք պատրաստեք, կինո գնացեք, այգում զբոսնեք. կարևորը միասին լինելն է, ամեն ինչի մասին զրուցելն ու պարզապես՝ գրկախառնվելը: Համատեղ գործունեության մեջ կանոնավորությունը կամրապնդի ձեր մտերմությունը՝ պաշտպանելով կապը առանձին պարտականությունների կործանարար ազդեցությունից։

2. Երկու ամիսը մեկ

Երկու ամիսը մեկ անգամ զույգերին խստորեն խորհուրդ է տրվում միասին կարճատև արձակուրդ գնալ։ Տարբերակները որոշվում են ընդհանուր հետաքրքրություններով և երևակայությամբ. դա կարող է լինել գիշերակացը հյուրանոցում՝ մերսումով, շքեղ ընթրիքով ու հիանալի նախաճաշով, հանգստյան օրերին ճանաչողական շրջագայություն մեկ այլ քաղաք, վրաններով ճամփորդություն, կամ ուղևորություն լեռնային գետի վրայով։

Երկու հոգու համար կարճ ճանապարհորդությունը կօգնի ձեզ խուսափել առօրյա սթրեսից, հանգստություն և ներդաշնակություն վերադարձնել ձեր հարաբերություններին:

3. Երկու տարին մեկ

Դուք դեռ կարող եք բաց թողնել մեկ տարի, բայց յուրաքանչյուր երկրորդ արձակուրդը պետք է անցկացնեք միասին։ Հանգիստը արդյունավետ կլինի, եթե տևի 5-7 օրից ոչ պակաս, և ձեր զույգն այն անցկացնի մեն-մենակ, առանց ընդհանուր ընկերների և ընտանիքի անդամների

Գրասենյակային հոգսերից, առօրյա խնդիրներից և հարազատների ուշադրությունից հեռու՝ դուք կգտնեք թանկարժեք ազատություն ու անձնական տարածք՝ ձեր զգացմունքները թարմացնելու և ձեր մտերմիկ ջերմությունը վերականգնելու համար:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝