Նորայր Մեհրաբյանի հրաժեշտի արարողությունից հեռացա ծանր զգացումով և մի հարցով, որը հանգիստ չի տալիս․ Բալմանուկյան ՔՊ-ում թեւերի են բաժանվել․ ԲԱՄԲԱՍԱՆՔ Բռունցքներ՝ եթերում, ինտրիգներ՝ իշխանության ներսում Ինչու Աննան «կաստրուլկաներով» չի չխկչխկացնում Նիկոլի ականջին․ ԶԱՐՄԱՆՔ Պուտին–Թրամփ–Սի հանդիպումը կարող է դառնալ «ողջ մարդկության համար հզոր ազդանշան» Փաշինյանը` թուրք–ադրբեջանական «կաբելի» դերում Մանդատները վայր դրեք եւ Նիկոլը կհայտնվի մութ սենյակում․ Հովիկ Աղազարյան (ԱՆՈՆՍ) Կյանքից հեռացել է ՀՀ ժողովրդական արտիստ Հակոբ Ազիզյանը Վլադիմիր Պուտինն իր հետ միջուկային ճամպրուկը տարել է Չինաստան (Տեսանյութ) Տարադրամի փոխարժեքները նոյեմբերի 18-ին

Ով է իրականում Իմամօղլուն եւ ինչ դիրքորոշում ունի հայերի նկատմամբ

Հանդիպում

տամբուլի ընդդիմադիր քաղաքապետ Էքրեմ Իմամօղլուն, ով 2023 թվականի ամռանը կայանալիք նախագահական ընտրություններում գործող նախագահ Ռեջեփ Թայիփ Էրդողանի գլխավոր մրցակիցներից և վերջինիս հաղթելու բարձր շանսեր ունեցող թեկնածուներից մեկն է, նախօրեին դատապարտվել է 2 տարի 7 ամիս 15 օր ազատազրկման։ Միևնույն ժամանակ Իմամօղլուի նկատմամբ որոշում է կայացվել կիրառել Թուրքիայի քրեական օրենսգրքի 53-րդ հոդվածը, որը սահմանում է քաղաքական գործունեության արգելք՝ 5 տարի ժամկետով։ 

Սակայն, ինչպես երեւում է, սա նրան առանձնապես չի մտահոգել եւ վերջինս շարունակում է իր քննադատություննեևը Էրդողանի հասցեին, ընդգծելով.  «Մտածում էի, որ Էրդողանն ամեն գիշեր ինձ է տեսնում երազում, սակայն այս պահից սկսած նրա համար մղձավանջ եմ դառնալու»։

Իրականում ի՞նչ է կատարվում Թուրքիայի մայրաքաղաք Ստամբուլում այս օրերին, ո՞վ է Էքրեմ Իմամօղլուն, ի՞նչ դիրքորոշում ունի հայերի վերաբերյալ այս եւ այլ հարցերի շուրջ զրուցել ենք Պոլսի «Ակօս» թերթի հայերեն բաժնի խմբագիր Բագրատ Էստուկյանի հետ, ով անդրադառնալով մանրամասներին նախ նկատեց.

-Ի սկզբանե  Էքրեմ Իմամօղլունի քաղաքապետ ընտրվել շատ մեծ գլխացավանք էր Էրդողանի համար, որովհետեւ վերջինս ակնհայտ դեմարշ է արել Էրողանի ցանկացած գործողությունների նկատմամբ, հետեւաբար առաջին իսկ օրվանից սկսած Էրդողանը ջանք ու եռանդ չէր խնայում  Էքրեմ Իմամօղլուի աշխատանքներին ստվեր գցելու համար: Վերջին զարգացումներն էլ վերը նշվածի տրամաբանական շղթայի մասն է: Այս անգամ Էրդողանը ողջ իրավական ռեսուրսը կիրառել է, որպեսզի վերջիններս «ապացուցեն», որ  Էքրեմ Իմամօղլուն քաղաքապետարանում պաշտոնների է նշանակել ահաբեկիչների կամ ահաբեկչության հետ առնչվող մեղադրանքներով դատված հարազատների հետ: Բուն մեղադրանքը սա է, անշուշտ որեւէ մեկը չի հավատում այս մեղադրանքին, բոլորը գիտեն, որ տվյալ մեղադրանքը շինծու է, հիմա տեսնենք, թե բարձր դատարանը ինչ որոշում կկայացնի: Այլ խոսքով, ընտրություններին ընդառաջ Կառավարությունը թափ է տվել Ստամբուլի քաղաքապետի դեմ հալածանքների շղթան: 

-Ասում են, որ տեղի ընդդիմադիրները, ովքեր հավակնում են նախագահի պաշտոնին կոնսուլիդացվում են  Էքրեմ Իմամօղլուի շուրջ, այդպե՞ս է:

-Ճիշտ է, հիմնականում նրա շուրջ կոնսուլիդացվել են ընդդիմադիր պատգամավորները, որոնց նկատմամբ ոստիկանությունը չի խորշում բիրտ ուժ կիրառել, հաշվի չառնելով անգամ անձեռնմխելիության փաստը:

-Պարոն Էստուկյան, որեւէ հայամետ դիրքորոշմամբ երբեւէ աչքի ընկե՞լ է ընդդիմադիր քաղաքապետը:

-Ո՛չ,  Էքրեմ Իմամօղլուի մասին ո՛չ կարելի է ասել, որ հայամետ է, ո՛չ էլ հակառակը: Նա այս առումով որոշ չեզոքություն է պահում, բայց իր ներկայացրած կուսակցությունը քարոզում է իբր ժողովրդավարություն: Սակայն, փաստ է, որ Թուրքիայում երբեք լիարժեք ժողովրդավարություն գոյություն չի ունեցել, խոսքը ընդամենը թվացյալի մասին էր: Սակայն վերջերս անգամ թվացյալ ժողովրդավարությունից զրկվեցինք, դրա համար էլ  Իմամօղլուն հենց այդ նշանաբանով է առաջնորդվում, քաջ գիտակցելով, որ դրանով կարող է ժողովրդի համակրանքը շահել, որովհետեւ ժողովրդավարության կարիքը այսօր այստեղ շատ-շատ անհրաժեշտ գործոն է: Պետք է ասեմ, որ  էրդողանամերձ «Գորշ գայլերի» վարկանիշն էլ  բավականին նվազել է: Եթե նախկինում ընտրությունների համար 10 տոկոսի շեմը հաղթահարելով կարող էին խորհրդարան մտնել,  ապա զգալով  առաջիկա պարտության «հոտը», 10 տոկոսը իջեցրեցին 7 տոկոսի, բայց սա էլ բավարար չի լինի: Ավելին ասեմ, շատ հավանական է, որ Էրդողանի հենարան կուսակցությունը այդ 7 տոկոսի շեմն էլ չհաղթահարի առաջիկայում եւ զրկվի խորհրդարան մտնելուց:

-Տվյալ կուսակցությունից ՀՀ-ում կա՞ն գործող անձիք:

-Ո՛չ, ՀՀ-ում այդ կուսակցության թեկուզ ծպտյալ ձեւով ներկայացուցիչներ չկան, թեեւ լրտեսների մասով կարծիք չեմ կարող ունենալ: Որովհետեւ լրտեսը ինքնին բացահայտող որեւէ արարքից խուսափում է, բայց չեմ բացառում, որ տուրիստի կարգավիճակով եկող մարդը կարող է այլ նպատակներ ունենալ: Եվ այդ տեսակ աշխատելու համար պարտադիր պայման չէ լինել տվյալ կուսակցության համար աշխատող մարդ, բացառված չէ, որ նաեւ հայ կարող է լրտես լինել, չեմ կարող բացառել:

Զրույցը` ԻԼՈՆԱ ԱԶԱՐՅԱՆԻ

Հավանեցի՞ր հոդվածը, կիսվիր ընկերներիդ հետ