Որեւէ մեկի մտքով չանցնի, թե արցախցուն շրջափակումով կարող է կոտրել․Արցախի թեմի փոխառաջնորդ Տեր Սահակ վարդապետ Շաքարյան

Արդեն յոթերորդ օրն է` Ադրբեջանը շարունակում է փակ պահել Արցախը Հայաստանին կապող միակ ճանապարհը։ Բայց աևցախցու ոգին ճանապարհը փակ պահելով կոտրել անհնար է, մեզ հետ զրույցում վստահեցնում է  Գանձասար վանքի վանահայր և Արցախի թեմի փոխառաջնորդ Տեր Սահակ վարդապետ Շաքարյանը․

-Աղջիկս, ուզում եմ Ձեր միջոցով համայն հայությանը ասել, որ շրջափակման մեջ անգամ այսօր Գանձասարի վանքը լեփ-լեցուն էր, մեկը ոտքով, մյուսը տրանսպորտով ճանապարհը կտրել եկել էին պատարագին մասնակցելու, որովհետեւ հավատում են Աստծո զորությանը, որ Աստված ամենատես է ու ամենակարող։ Այս ծանր օրերին արցախցին առավել քան միասնական է ու ամուր ոգով։

Վանահայրը հիշեցնում է․

-Արցախցին դժվարություններով անցած, պատերազմի ու ցավի բովով անցած ժողովուրդ է, ապաշրջափակումն էլ մեզ համար, անկեղծ ասաց, անակնկալ չէր, միշտ էլ սպասել ենք, որ նման նենգություններ կլինեն։ Մենք դիմակայում ենք հավատքով ու կամքի ուժով, վստահ լինելով, որ հաղթանակը մերն է եւ արդարությունը վաղ, թե ուշ հաստատվելու է։ Արցախցուն շրջափակումով վախեցնելը՝ հիմարություն է, մենք վախեցող տեսակ չենք, պետք եղավ տարիներով էլ շրջափակված կմնանք, բայց թուրքի առաջ չենք խոնհարվելու, դա թող բոլորը քաջ գիտակցեն։

Որեւէ մեկի մտքով չանցնի, թե արցախցուն շրջափակումով կարող է կոտրել, կարող ենք քսան-երեսուն տարի սենց մնալ, դա ես եմ Ձեզ ասում