Հայաստանը կառուցողական է ընկալում կենսաանվտանգության ոլորտում Ռուսաստանի առաջ քաշած նախաձեռնությունները. ՌԴ ԱԳՆ
Առողջապահական
ՌԴ ԱԳՆ ԱՊՀ երկրների չորրորդ վարչության տնօրեն Դենիս Գոնչարն ասել է, որ Մոսկվայի համար կարևոր է համոզվել, որ հետխորհրդային տարածքում կենսաբանական հետազոտությունները վտանգ չեն ներկայացնում Ռուսաստանի անվտանգության համար։ Այս մասին նա ասել է ՏԱՍՍ-ին տված հարցազրույցում։
Ինչպես ասել է ՌԴ ԱԳՆ ներկայացուցիչը, Ռուսաստանը մեծ ուշադրություն է դարձնում հետխորհրդային տարածքի երկրների, այդ թվում՝ Անդրկովկասի տարածաշրջանի հետ համագործակցությանն Ուկրաինայում ԱՄՆ ռազմական կենսաբանական ակտիվության բացահայտման ֆոնին։
«Մեզ համար կարևոր է համոզվել, որ մեր սահմանների անմիջական հարևանությամբ իրականացվող կենսաբանական հետազոտությունները, հատկապես ԱՄՆ-ի և ՆԱՏՕ-ի այլ երկրների հետ համատեղ, վտանգ չներկայացնեն Ռուսաստանի անվտանգությանը»,- ասել է Գոնչարը։
Նրա խոսքով՝ Հայաստանը կառուցողական է ընկալում Ռուսաստանի կողմից առաջ քաշված նախաձեռնությունները կենսաանվտանգության ոլորտում համագործակցության իրավական դաշտ ձևավորելու համար։ Մոսկվան ակնկալում է ադրբեջանական կողմի հետ այս ոլորտում ավելի ակտիվ համագործակցություն։
Դիվանագետը նաև ասել է, որ Ռուսաստանի Դաշնությունը սպասում է Վրաստանի պաշտոնական պատասխանին ռուս փորձագետների՝ Ռիչարդ Լուգարի հանրային առողջության հետազոտական կենտրոն այցելելու խնդրանքին։ Մոսկվան ցանկանում է համոզվել, որ փակ ռազմական կենսաբանական հետազոտություններ չեն անցկացնում, հավելել է նա։
1
22633 դիտում
2
3518 դիտում
3
2926 դիտում
4
2569 դիտում
5
1533 դիտում
1
40572 դիտում
3
8965 դիտում
4
8125 դիտում
5
5024 դիտում
3
16676 դիտում
4
10520 դիտում
5
9901 դիտում
