Հայկական ազգային պարի մրցույթ ՌԴ-ում
Մշակութային
ՌԴ Մոսկվայի մարզի Լոբնյա քաղաքի «Չայկա» մշակույթի պալատում՝ «Նազանի» հայ ստեղծագործական փառատոնային շարժման շրջանակներում, տեղի ունեցավ հայկական պարի «Արեւիկ» միջազգային մրցույթ-փառատոն, որի կազմակերպիչը Լուսինե Զաքարյանն էր: Ժյուրիի անդամներն էին Սյուզաննա Բաբայանը, Շողիկ Նասիլյանը, Քրիստինե Աբրահամյանը: Պարային մրցույթին մասնակցում էին «Անուշ» ազգային պարային համույթի սաները եւս, որոնք 6 անվանակարգերից` 4 պարով զբաղեցրին երկրորդ տեղը: Այս առիթով «Իրավունքը» զրուցել է համույթի հիմնադիր-գեղարվեստական ղեկավար ԱՆՈՒՇ ԳՐԻԳՈՐՅԱՆԻ հետ:
— Ի՞նչ տարիքային խմբեր էին մասնակցում մրցույթին:
— Մասնակցում էին տարբեր տարիքային խմբեր, որի հիմքում ազգային պարը պահպանելու գաղափարն էր: Մրցույթը նվիրված էր մինչեւ 14 տարեկան երեխաներին: Փառատոնին մասնակցում էր 10 հայկական խումբ: Մրցանակները սահմանված էին 6 անվանակարգում: 4 պարով երկրորդ տեղը զբաղեցրին մեր պարային համույթի սաները: Նաեւ ստացանք մրցանակ՝ Լավագույն պարային տարազ անվանակարգում, որի ոճաբանը մեր դիզայներ Նվարդ Գրիգորյանն է: Մենք ընդամենը 15 օրում կարեցինք 30 տարազ:
— Ի՞նչ պարերով եք ներկայացել մրցույթին:
— Ինչպես արդեն նշեցի, ներկայացրինք 4 պար, եւ այդ չորս պարով էլ զբաղեցրել ենք երկրորդ պատվավոր տեղը: Առաջին պարային բացումն արեցին փոքրիկները` 3-5 տարեկան՝ Սիլվա Հակոբյանի «Մռութիկ» երգի ներքո: Երկրորդը` «Սարդարապատն» էր, որին մասնակցում էին մեր 8-14 տարեկան սաները: Երրորդը` «Ուզունդարան» էր, որը պարել են մեր աղջիկները: Իսկ վերջին չորրորդը` ազգագրական «Շարանն» էր, որը պարեցին մեծերն ու փոքրերը միասին: Պարային մրցույթը կազմակերպված էր շատ լավ: Երեխաները մասնակցեցին շատ մեծ ոգեւորությամբ:
ՆՈՒՆԵ ԶԱՔԱՐՅԱՆ
Մոսկվա-Երեւան
Սերժ Սարգսյանի անունը հիշատակելով՝ հնարավոր չէ ջնջել սեփական քաղաքական անցյալը․ Միքայել Գրիգորյան
И на старуху бывает проруха. ԸՆԿԵՐ ՓԱՆՋՈՒՆԻ
Ով կլինի սահմանադրական դատարանի հաջորդ նախագահը. Վահե Գրիգորյան
Ադրբեջանի հետ համաձայնություն չկա անկլավ-էքսկլավների հարցում, ցանկացած հանդիպում հրապարակային է
1
2324 դիտում
2
1818 դիտում
3
1804 դիտում
4
1668 դիտում
5
1608 դիտում
1
31475 դիտում
2
11474 դիտում
3
8512 դիտում
4
5699 դիտում
5
4852 դիտում
2
19592 դիտում
3
17770 դիտում
5
11417 դիտում
