«Նոր տուն» ընկերության հակաբարոյական գովազդը խրախուսվում է ամենաբարձր մակարդակով.Փաստեր

Հանրային հեռուստաընկերությամբ եւ ոչ միայն արդեն տեւական ժամանակ է ինչ հեռարձակվում է«Նոր տուն» խանութների գովազդը, որն իր գռեհկությամբ, հակաբարոյականությամբ ու հիմարությամբ անգերազանցելի է: Մասնավորապես, նույն գովազդում մի կիսամերկ ամուսնացած հայ կին պատրաստվում է իր տանը անառակությամբ զբաղվել սիրեկանի հետ: Այդ պահին ամուսինը նրանց բռնեցնում է: Հաջորդիվ, սիրեկանը, աչքի տակ մի փոքր կապտած վիճակում գնում է «Նոր տուն»` առեւտրի:

Ինչո՞ւ է վերը նշված ընկերությունը որոշել իր բիզնեսը ծաղկեցնել` հայ կնոջը ներկայացնելով հասարակության առաջ, որպես շարքային անբարոյական հարցի պատասխանը նախ փորձել ենք ստանալ «Նոր տուն» ընկերությունից, որտեղից գովազդի բաժնի պատասխանատու ներկայացած Նելլին, նախ զարմացավ մեր հարցից ասելով.

-Զարմանում եմ, որ զարմանում եք, ընդամենը հումորային հոլովակ է, որտեղ Ձեր նշած տարրերը որեեւէ մեկը չի կարող ընկալել:

-Կասե՞ք, որն հատված հումոր պարունակում, որ կինը իր տանը սիրեկա՞ն է ընդունում:

-Դուք երեւի ոչ մի սիթքոմ տեսած չկաք, մենք այդպես ենք որոշել մեր գովազդի սյուժեն մշակել, ավելին ավելացնելու ոչինչ չունենք: Ավելին ասեմ մեր գովազդը դիտողների մեջ անգամ բացասական նոտտա արտահյտող զրո բողոք չենք ստացել: ձեր ընթերցողները ոնց են դա նկատել զարմանում ենք, ինչեւիցէ մենք հիմա շատ զբաղված ենք ու մինչեւ Ձեզ հետ խոսում եմ հազար գործ կիսատ է մնում, որից կարող է տուժել ընկերությունը:

Վերը նժված խնդրի վերաբերյալ դիմեցինք Հեռուստատեսության և Ռադիոյի Ազգային Հանձնաժողովի (ՀՌԱՀ), որտեղից եւս մեզ պատասխանեցին, որ գովազդը դիտարկել են եւ որեւէ խախտում չեն արձանագրել:

Ճշտող հարցին, խախտում չի, որ օրինակ անչափահասը նույն հոլովակը դիտելիս կարող եզրահանգել, որ նորմալ է, օրինակ, որ մայրը իր սիրեկնին բերի տուն, պատասխանեցին. «Դե գիտեք, եթե դրան նայենք ոչ մի հումորային սիթքոմ չպետք է հեռաչձակվի»:

Հայաստանի հանրային հեռուստառադիոընկերության հանձնաժողովի նախագահի Արա Շիրինյանի աշխատակազմից էլ հարցը գրավոր խնդրեցին` խոստանալով պատասխանել հնգօրյա ժամկետում:

Ենթադրությունները թողնում ենք ընթերցողին:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝