Գայանե Զարգարյանի հորդորը անպատասխան չմնաց. Տարոն Անդրեասյանին Ազգային հերոսի կոչման արժանացնելու որոշումը չի ուշանա.Հայրիկի ուշագրավ խոսքը

«Տարոնի գործով որեւէ նորություն, ցավոք դեռ չկա, Եվրոպական դատարան ենք դիմել. տեսնեք, մեր ուզածն ընդամենը մի մասունք է. գոնե հնարավոր լինի Տարոնիցս ունենանք, սպասում ենք»,-անդրադառնալով հայտնի տեսանյութի տղայի Տարոն Անդրեասյանին, մեզ հետ զրույցում ասաց Հերոսի հայրը, ով խորը շունչ քաշելով, բայց նաեւ հպարտությամբ հիշեց, որ որդին միայնակ կանգնած է եղել մի քանի տասնյակ ադրբեջանցիների առաջ, երբ Տարոնին հորդորում էին գերի հանձնվել, խոստանում չվնասել ու երրորդ երկիր փոխանցել: Սակայն Տարոնն այլ որոշում է կայացնում. պարզում է ինքնաձիգն ու կրակում մինչև վերջին շունչը ու սպանվում»… Հերոսի հայրը` Հարություն Անդրեասյանը, միեւնույն ժամանակ մեզ հետ զրույցում տեղեկացրեց, որ . -Իշխանությունից մեզ տեղեկացրել են, որ քննարկում են Տարոնին կոչում շնորհելու հարցը, հիմա տեսենք, թեեւ դա մեր ցավը չի մեղմելու, բայց...

-Պարոն Անդրեասյան, ի դեպ Տարոնին ազգային հերոսի կոչմանը արժանացնելու հորդորով օրվա իշխանություններին դիմել, եւ բավականին կոշտ արձագանքել էր մեր գործընկեր Գայանե Զարգարյանը, պահանջելով օր առաջ մեր Տարոնին Ազգային Հերոսի կոչում շնորհել:

-Կարդացել եմ աղջիկս, լսել եմ, ու շատ շնորհակալ եմ: Անկեղծ, ես էլ որ Տարոնի հայրը չլինեի ու ես էլ տեսնեի Տարոնիս արարքը՝ էդ գնահատականը կտայի: Դե հիմա ասել են ինձ արդեն, որ նման բան կլինի, բայց թե երբ, որտեղ դեռ չգիտեմ:

ԻԼՈՆԱ ԱԶԱՐՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝