Խաղաղության, ո՞ր տարբերակն է ի վերջո իշխանության համար գերադասելի. Փակագծեր է բացում Վիգեն Խաչատրյանը

Ակնհայտ է, որ կա խաղաղաղության պայմանագրի երկրու տարբերակ` արեւևմտյան եւ ռուսական: Արեւմտյան տարբերակով փաստաթղթով պահանջում են Արցախը տալ Ադրբեջանին, որպեսզի այնտեղից դուրս հանեն ռուսական խաղաղապահներին և զրոյացնեն Ռուսաստանի ներկայությունը:

Ռուսական տարբերակով փաստաթուղթը, շատ ավելի մեղմ է. «Ռուսաստանի տարբերակում ասվում է, որ ճանապարհները բաց են, դելիմիտացիա-դեմարկացիա արեք, իրար տարածքային ամբողջականություն ճանաչեք՝ բացի Արցախից, որովհետև Արցախի հարցը քննարկվելու է ապագայում, քանի որ ներկա պահին բանակցություններ վարել Արցախի կարգավիճակի մասով չի կարելի, որովհետև մի կողմը բացահայտ հաղթած է, մյուս կողմը՝ բացահայտ պարտված և այդ էմոցիոնալ ֆոնին սխալ է դիտարկել այս հարցը»:

Ի վերջո ո՞ր տարբերակին կողմ իշխանությունները, հաշվի առնելով, որ երկու կողմի հետ ակտիվ բանակցում են հարցի պատասխանը փորձել ենք ստանալ Քաղաքացիական պայմանագիր խմբակցության պատգմավոր ՎԻԳԵՆ ԽԱՉԱՏՐՅԱՆԻՑ:

- Պարոն խաչատրյան, խարաղության տարբերակի, ո՞ր տարբերակն է ի վերջո իշխանության համար ավելի շահավետ:

- Նախ տարբերակներ չկան, կան մոտեցումներ, որոնց հիման վրա էլ մշակվում են տարբերակներ: Մեր մոտեցման հիմքում դրված է հետեւյալը, որ բոլոր հավաստի երաշխիքները լինեն կապված ղարաբաղցիների իրավունքների հետ եւ չի բացառվում, որ հետագայում սահմանային հարցերում Ադրբեջանն ինչ որ անակնկալներ է պատրաստում, բայց դա իրենց կարծիքով է եւ չեմ բացառում: Առայժմ հիմնական խնդիրը գնում է Ղարաբաղի շուրջ եւ ես տեսնում եմ, որ այն մոտեցումը, որը Ռուսաստանն է մշակել, ըստ էության Ադրբեջանը մերժում է ասելով, որ Ղարաբաղի կարգավիճակ իրենց համար գոյություն չունի եւ ինչպես տեսնում եք Ռուսաստանը չի կարողանում Ադրբեջանին համոզել եւ Սոչիում հայտարարության մեջ Ղարաբաղի կարգավիճակ բառ չկար: Հայաստանի մոտեցումը հետեւյալն էր` մենք կողմ ենք Ռուսաստանի տարբերակին, մոտեցմանը, որի հիման վրա կարող է տարբերակ ծնվի: Ռուսասկան կողմը կարող է իր մոտեցումները վերածել տարբերակի, իսկ տարբերակը նա է, որ բոլոր կողմերն են համամիտ լուծման շուրջ եւ վեճ չկա, բայց մենք տեսնում ենք, որ սրա շուրջ կան խնդիրներ:

Ինչ վերաբերում է մյուս` բյուսելյան տարբերակին, որտեղ ընդհանուր գծեր շատ կան, դրանք հայտնի վաշինգտոնյան եւ եվրոպական մոտեցումներն են: Մենք այստեղ էլ շարունակում ենք բանակցել, որտեղ կողմերը չեն մերժի եւ որը կերաշխավորի խաղախություն ձեռք բերե, այդ թվում Ղարաբաղի տարածքում մեր հայրենակիցների բոլոր իրավունքները ապրելու, արարելու հարցում: Սա է միակ մոտեցումը եւ մենք շարունակելու ենք աշխատել բոլոր կողմերի հետ:

- Այսինքն ի վերջո կանգ ենք առնելու այն տարբերակին որտեղ խոսվելու է Արցախի կարգավիճակի` վերաբերյա՞լ:

- Մենք կանգ ենք առնելու են տարբերակի վրա, որը կերաշխավորի հարատեւ խաղաղություն եւ կստեղծի երաշխիքներ Ղարաբաղի անվտանգության եւ քաղաքացիների բոլոր իրավունքների վերաբերյալ:

- Պարոն Խաչատրյան, ինչպես կգնահատե՞ք հոկտեմբերի 30-ին Արցախում տեղի ունեցած հանրահավաքը, որով դիմեցին նաեւ Հայաստանի իշխանություններին:

-Կարճ ասեմ,  ընդհանուր առմամբ այդ հանրավահաքները ազատ են եւ կարող են հաճախակի լինեն:

- Կցանկանայինք անդրադառնայիք նաեւ նաեւ ՙՔաղաքացիական պայմանագիր՚ կուսակցության այս վերջին ընտրության հարցին, որտեղ, ըստ էության, տեղի ունեցան կեղծիքներ, այնուհետեւ վերահաշվարկ արվեց, որի արդյունքում այլ պատկեր տեղի ունեցավ:

-Չէի ասի, որ այլ պատկեր տեղի ունեցավ, այլ պարզվեց, որ հաշվարկի մեջ էր սխալ տեղի ունեցել: Ցանկալի չէր, բայց դե մարդ են, սխալվեցին եւ ուղղվեց:

- Ինչպե՞ս կմեկնաբանեք, որ խմբակցության ղեկավարը օրինակ անգամ չընտրվեց…

- Ես ներկուսակցական խնդիրները չեմ ցանկանում մեկնաբանել:

Զրույցը ԻԼՈՆԱ ԱԶԱՐՅԱՆԻ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝