Մինչ թիրախային կրակոցներ արձակելը թշնամին մի քանի օր կրկին նախ ստիպել է ամեն առավոտ լսել իրրենց մուղամները․ Ինչ իրավիճակ է Խրամորթում եւ ինչով է բացատրել թշնամին ակտիվացումը

Նախօրեին Արցախի Խրամորթ գյուղի տարածքում գյուղատնտեսական աշխատանքներ իրականացնող քաղաքացիական անձանց ուղղությամբ արձակված թիրախային կրակոցներն են արձակվել , ինչը Արցախի ՄԻՊ-ը որակել էր, որպես  Արցախի ժողովրդի դեմ իրականացվող էթնիկ ատելության և ցեղասպանական քաղաքականության հերթական ապացույց։ 

Ի՞նչ իրավիճակ է այսօր Խրամորթում հարցի պատասխանը փորձել ենք ստանալ Խրամորթւ գյուղապետ Զորիկ Աբրահամյանից, ով ուշագրավ մանրամասներ ներկայացրեց։ Ըստ այդմ պարզվում է մինչ թիրախայաին կրակոցներ արձակելը թշնամին մի քանի օր կրկին նախ ստիպել է ամեն առավոտ լսել իրրենց մուղամները՝ այդ կերպ դիտավորյալ խուճապ առացնելով, ինչը, փաք Աստծո, իր արդյունքը չի տվել ու չի տալու․

-Արդեն մի շաբաթից ավել կլինի, որ օրվա ընթացքում մի քանի անգամ միացնում են իրենց մուղամները,  որ ընկճվենք։ Սա մեր հողն է, պիտի պայքարենք, կյանքի գնով էլ լինի, պիտի պայքարենք, քանի որ սա արդեն մեր լինել-չլինելու հարցն է։ Ո՞ւր գնանք, տեղ էլ չկա գնալու. ամբողջ Հայաստան- Արցախը սահմանամերձ է արդեն։ Երեկ տեղի ունեցածն էլ դրա վառ ապացույցն էր, բայց հիմա ամեն ինչ նորմալ է։ Ասել են, որ նոր հերթափոխ է եղել, նորերը չեն իմացել, որ կրակելը արգելված է, որ կա պայմանավորվածություն, չգիտեմ այդպես են բացատրում։

Պարզ է, որ դա ընդամենը սուտ պատճառ է, բայց դե մենք արդեն սովորել ենք։ Էս պահին էլ գյուղացիներըիրենց գործերով են զբաղված՝ այգի են մշակում, բերք են հավաքում։ Ճիշտա, որ ասեմ, անհոգ ենք՝ կստեմ, կա մեծ անորոշություն, չգիտենք, էե ինչ է լինելու վաղը։ Բայց ընկճվելու իրավունք էլ չունենք, բացի պայքարելուց ու համբերելուց։

ԻԼՈՆԱ ԱԶԱՐՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝