«Не дождетис!».Գագիկ Մելքոնյանը ՔՊ-ում առկա պառակտման եւ տարբեր թեւերի բաժանման մասին

«Не дождетис!», -այսպես է արձագանքում ՔՊ-ի ներսում առկա խմորումների, պառակտումների մասին պարբերաբար մամուլում հայտնվող լուրերին, Ազգային ժողովի ՔՊ խմբակցության պատգամավոր Գագիկ Մելքոնյանը, ընդգծելով.

-Էդ ընդդիմություն կոչված հակահեղափոխականներն են տարածում էդ ամեն ինչը: Էդ վերահաժվարկի թեման են դրել ուռցրել, սկսել հեքիաթներ գրել: Ասեմ, որ վարչության ընտրությունները անել են շատ լավ, ուղղակի մենք էնքան ժողովրդավար մարդիկ ենք, որ ասում են, եթե մեկն ու մեկը կասկածում է մի ձայնի վրա էլ, ապա կարող է գնալ նորից պահանջել վերահաշվարկ անեն:

-Դե փաստորեն կասկածներ կան էլի՞ ամեն դեպքում:

-Չկա, տենց բան ես դա օրինակի համար եմ ասում, մեր մոտ կա ընդհանուր հասկացվածություն, ոչ թեւեր կան, ոչ ականջներ, էդ էլ ասեմ ընդդիմությունը իմանա: թե չէ իրանց կարճ խելքով մեկ-մեկ ուզում են ականջներ գցեն մեր մեջ, էն էլ էնքան երկար ականջներ են գցում, որ տուտժե բռնվում են: Ասեմ մարդիկ իմանան էլ, որ սաղ իրանց ականջները բացահայտվում են, իզուր չչարչարվեն մարդիկ: ՔՊ-ն քանդել չ լինի, մենք շատ կուռ ենք ու ամուր իրար հետ կապված:

-Իսկ ինչո՞ւ նախկին վարչության անդամները չընդգրկվեցին:

-Համագումարը որոշեց, որ 15 անդամ լինի, դե պարզա մնացածները դուր էին մնալու: Եթե նախորդը քսանից ավել էր, հիմա մնացել է տասնհինգ, պարզ չի, որ էն մի քանիսը պետք ա դուրս մնային, ու դա շատ նորմալա, մենք որ խնդիր չենք տեսնում: Ոչ մի խնդիր չկա, թիմն էլ ուժեղա, պայքարումա հանուն Հայաստանի հանրապետության: Նենց որ հակահեղափոխականները թող ինչքան ուզում են միասնական հավաքներ անեն, էդ մարդիկ չբուժվեցին էլի`գիշերը քնում են, հետո երազ տեսնում, որ իրանք իշխանության են եկել արդեն, ինչ ասեմ...

-Պարոն Մելքոնյան, Փաշինյանը ԱԺ-ում տնտեսական «բումի» մասին խոսեց, իրականության մեջ այդ բումը ինչո՞ւ տեսանելի չէ:

-Գիտեք մինչեւ հեղափոխությունը ամբողջ երկիրը խոսում էր աղքատության մասին, հիմա ես էլ չեմ լսում, որ աղքատություն կա, սաղս հավասար ապրում ենք: էն ժամանակ ամեն օր փողոցնրում մուրացկաների էի տեսնում, հիմա սաղ ԵՐեանում մի երկու տեղ գտնեք , թե չէ: Էնպես որ մեր իշխանության օրոք անգամ մուրացկանների քանակն է քչացել: Հա թանկությունները շատ են, բայց դե ամբողջ աշխարհում թանկություն է, հիմա մեր Կառավարությունը ինչանի, որ սենց ա, էս էլ կանցնի, բոլորս էլ հավասար ապրում ենք:

-Պարոն Մելքոնյան, ՊՆ-ն որոշ զորամասեր է հանել աճուրդի, այն դեպքում, երբ խոսում ենք ուժեղանալու, պրոֆեսիոնալ բանակ կառուցելու մասին:

-Մի մոռացեք, որ մենք ժամանակին ունեցել ենք հարյուր հազարանոց բանակ, ունեցել ենք հսկայական անկապ տարածքներ, բայց եթե մենք գնում ենք պրոֆեսիոնալ բանակի, մեզ էդքան տարածք էլ պետք չի: Դրա համար էլ էդ տարածքները հանձնվում են կառավարման տվյալ տարածաշրջանին, ովքեր էլ տնօրինում են տարածքի ճակատագիրը:

-Իսկ պրոֆեսիոնալ բանակը թվային առումով ինչքա՞ն է լինելու:

-Այ էդ գաղտնիքա, հատկապես լրագրողների համար: Բայց ասեմ , որ իրոք հզոր պրոֆեսինալ բանակ ենք ստեղծում:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝