Իմունիտետ. քունը ոչ միայն գեղեցկության բաղադրատոմս է, այլև առողջության երաշխիք

Հիշո՞ւմ եք «քունը լավագույն դեղամիջոցն է» արտահայտությունը: Նախկինում վատ զգալիս միայն մայրերն ու տատիկներն էին խորհուրդ տալիս «քնի, և ամեն ինչ կանցնի», բայց այժմ նրանց հետ համամիտ են նաև նեյրոկենսաբանները։

2011 թվականին Տյուբինգենի համալսարանի մի խումբ հետազոտողներ պարզեցին, որ կանոնավոր և երկար քունը դրականորեն է ազդում իմունային համակարգի վրա։ Քնի պակասը թուլացնում է օրգանիզմի պաշտպանիչ գործառույթները և բացասաբար անդրադառնում նրանում տեղի ունեցող կենսաքիմիական գործընթացների, այդ թվում՝ թմրամիջոցների վատ ազդեցությունների վրա։

Սա ստուգելու համար գիտնականները պատվաստել են հեպատիտ A-ի դեմ երկու խմբի. ոմանց թույլ են տվել քնել, իսկ մյուսներին խնդրել են արթուն մնալ օրվա ընթացքում: Արյան հետագա անալիզը ցույց է տվել, որ պատվաստանյութի նկատմամբ արձագանքը և ընդհանուր իմունային վիճակն առաջին խմբի մասնակիցների մոտ զգալիորեն ավելի լավն էին, քան նրանց՝ անքնությունից հյուծված ընկերների: Այս ամենը պայմանավորված է ավելի լավ հորմոնալ հավասարակշռությամբ, ավելի լավ արյան ու ավշային հոսքով և, հետևաբար, իմունային բջիջների ավելի բարձր ակտիվությամբ: Հետագայում նույն եզրակացության են եկել նաև այլ գիտնականներ, ովքեր ուսումնասիրել են իմունիտետի և քնի միջև կապը:

Ի՞նչ հետևություններ կարող եք անել սրանից: Շատ պարզ. անկախ նրանից, թե որքանով եք հենվում սուպերմթերքների, կոճապղպեղի կամ «իմունիտետի» համար վիտամինային հավելումների վրա, գլխավորը, որը կստիպի նրանց աշխատել հարյուր տոկոսով, առողջ քունն է: Միգուցե ապագայում սա լավագույն դրդապատճառն է մինչև ուշ գիշեր չնստելու, համացանցում քիչ պտտվելու և հեռուստասերիալների գիշերային դիտումները սահմանափակվելու համար։

http://ladynews.am/arm/news/9125/imunitet-quny-och-miayn-gegheckutyan-baghadratoms-e-aylev-aroghjutyan-erashkhiq

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝