Պաշտպանության Բանակի զորամասերի եւ ստորաբաժանումների վերազինումը, ժամանակակից մարտական գործողություններին նախապատրաստումն է Արցախը հայկական պահելու գրավականը․ ԱՀ նախագահի խորհրդական
Հանդիպում
Արցախը հայկական պահելու նախապայմանների եւ Շուշիի Սբ Ամենափրկիչ Ղազանչեցոց եկեղեցու զանգերը կրկին հնչեցնելու առաջին հայացքից անկատար երազանքի, բայց իրական դառնալու ցանկությունը կյանքի կոչելու բանաձեւի մասին ենք կարճ զրույց ունեցել Արցախի նախագահի խորհրդական պահեստազորի գնդապետ ԳՐԻԳՈՐԻ ՍԱՀԱԿՅԱՆԻ հետ, ով նախ անդրադարձավ Արցախի առաջ ծառացած մարտահրավերների եւ դրանք չեզոքացնելուն միտված երեք կարեւոր խնդիրներին․
-Առաջին հերթին՝ Արցախի բնակչության անվտանգության ապահովումն է, մասնավորապես Պաշտպանության Բանակի զորամասերի և ստորաբաժանումների վերազինումը և ժամանակակից մարտական գործողություններին նախապատրաստումը։ Բնակչության շրջանում մշտական անցկացնել կրակային, մարտավարա- մասնագիտական պատրաստության պարապմունքներ։ Հասցնել բոլորին որ ամեն մեկը շատ կարևոր դերակատարություն ունի Արցախի պաշտպանության գործում։ Երկրորդ, ապահովել սոցիալ-տնտեսական բավարար մակարդակ և զարգացում։ Եվ երրորդ կարեւոր խնդիրը՝ քաղաքական ոլորտում զուգահեռ առաջին և երկրորդ հարցերին, շարունակել պայքարել Արցախի ինքնորոշման իրավունքի համար։ Նշածս բոլոր երեք ուղղությունները փոխկապակցված են եւ իրար պետք է համալրեն։
Ի հեճուկս վերը նշված առկախված խնդիրներին՝ ԱՀ նախագահի խորհդականը հավատում է, որ հայը նորից ոտք է դնելու բերդաքաղաք ու մասնակցելու Ղազանչեցոց եկեղեցում մատուցվող պատարագին․
-Շուշին վերադարձնելը ֆանտաստիկայի ժանրից չի, եւ ես ոչ թե կարծում, այլ վստահ եմ, որ այդ օրը գալու է, որ հայը նորից մուտք կգործի բերդաքաղաք։ Մենք նման էտապ ապրել ենք, ապրել ենք, երբ ուժեղ ենք եղել, ու հիմա էլ վստահ եմ Շուշին վերադարձնելու գրավականը հզոր բանակ ունենալն է։ Հենց մենք սկսենք ինքներս մեզ հավատալ, ինքներս մեզանից ուժ ներկայացնել հենց այդ պահին էլ մենք կսկսենք աշխատել Շուշին վերադարձնելու ուղղությամբ։
ԻԼՈՆԱ ԱԶԱՐՅԱՆ
1
25830 դիտում
2
3883 դիտում
3
2339 դիտում
4
2237 դիտում
5
2049 դիտում
1
42434 դիտում
3
8977 դիտում
4
8133 դիտում
5
5104 դիտում
3
18465 դիտում
4
10537 դիտում
5
9925 դիտում
