Արա Խզմալյան, կարծում եք` Պարոն Հասմիկյանը նմա՞ն հրաժեշտի էր արժանի. Մութաֆյան

Մշակութային 13 Հոկտեմբեր, 2022 15:47

«Փեթակի համար սգացող ու Բրյուսովի մասին պարբերաբար հումորներ հորինող իմ փառապանծ ժողովուրդ, եկեք մի պահ ձեզ շեղեմ այդ կարեւորագույն առաքելությունից։

Երեկ մահացել է հայկական կինոյի ամենահեղինակավոր մասնագետներից մեկը։ Մարդ, ում խոսքի հետ հաշվի էին նստում Փելեշյանը, Դովլաթյանը, Մալյանը, իսկ այսօր, չգիտես ինչու եւ ինչպես, Սուրեն Հասմիկյանը, կարծես, մոռացության էր մատնվել եւ անգամ մահանալուց հետո էլ մեր բազմապրոֆիլ ԿԳՄՍ նախարարությունը չի փորձում գոնե արժանի վերջին հրաժեշտը կազմակերպել։

Արա Խզմալյան, կարծում եք` Պարոն Հասմիկյանը նմա՞ն հրաժեշտի էր արժանի։ Հիշե՛ք ձեր երիտասարդ տարիներն ու կարծում եմ` կգտնեք այս հարցի պատասխանը:

Հարություն Խաչատրյան եւ Դավիթ Մուրադյան, դուք ի պաշտոնե եւ ըստ ձեր զբաղեցրած դիրքերի, առաջինը պետք է արձագանքեիք եւ, ինչու չէ, հենց դուք պետք է կազմակերպեիք հոգեհանգիստն ու հուղարկավորությունը, բայց դուք եւս լուռ եք։

Հասմիկյանը իր բարի էությամբ ձեզ բոլորիդ կների, իսկ դուք հետագայում կներե՞ք սերունդներին ձեր հանդեպ նման վերաբերմունքի համար», – գրել է «Խեղափոխություն» նախագծի հեղինակ ՆԱՐԵԿ ՄՈՒԹԱՖՅԱՆԸ։

Տեղեկացնենք, որ ՀՀ արվեստի վաստակավոր գործիչ Սուրեն Հասմիկյանի հոգեհանգստի արարողությունը տեղի կունենա վաղը՝ հոկտեմբերի 14-ին՝ ժամը 17:00-20:00-ը, Նուբարաշեն 46 հասցեում գտնվող սգո սրահում (Էրեբունի վարչական շրջան, Էրեբունի թանգարանից ձախ, Նուբարաշեն փողոց), իսկ վերջին հրաժեշտի արարողությունը տեղի կունենա հոկտեմբերի 15-ին՝ ժամը 14:00-ին նույն հասցեից:

Հավանեցի՞ր հոդվածը, կիսվիր ընկերներիդ հետ՝

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝

Արա Խզմալյան, կարծում եք` Պարոն Հասմիկյանը նմա՞ն հրաժեշտի էր արժանի. Մութաֆյան

Փոխարժեք