Կոմպոզիտոր Շուշան Սարգսյանն այս անգամ Վենետիկի համաշխարհային կինոփառատոնում

Կոմպոզիտոր Շուշան Սարգսյանը Կաննի միջազգային կինոփառատոնումՀայաստանը պատվով ներկայացնելուց հետո, այս անգամ մեր երկրի երաժշտությունը ներկայացրեց Վենետիկի կինոփառատոնում՝ բարձր պահելով հայի անունը եւս մեկ համաշխարհային հարթակում։

«Այս անգամ ունեցա հնարավորություն ներկայացնելու իմ ստեղծագործությունները նաեւ Վենետիկի համաշխարհային կինոփառատոնում։ Վերադառնալով Կաննի միջազգային կինոփառատոնից, առաջարկ ստացա ներկայացնելու ստեղծագործություններս նաեւ Վենետիկում։ Մոտ մեկ ամիս տեւեց ընտրությունների փուլը, որի ընթացքում ներկայացրեցի ողջ անցածս ուղին եւ գործունեությունս։ Մասնակցության հրավերը ստացել էի համաշխարհային կինոընկերություններից մեկից եւ ուկրաինական Feshion TV-ից, որոնց հետ ես արդեն իսկ համագործակցում էի։ Սա տվեց ինձ հնարավորություն ծանոթանալ մի շարք իտալական հզոր ընկերությունների հետ, ի դեպ որոնցից մի քանիսի հետ արդեն նախնական աշխատանքներ են տարվում, հետագա համագործակցության համար։ Սա իսկապես եզակի հնարավորություն էր։ Մեր երկրի համար այս դժվարին պահին ինձ համար մեծ պատիվ էր եւս մեկ անգամ ներկայացնելու հայ երաժշտությունը, բարձր պահելու հայի պատիվը նման համաշխարհային հարթակում», - մանրամասնում է կոմպոզիտորը:

Շուշան Սարգսյանը նաեւ ընդգծեց այն հանգամանքը, որ այդ կարեւոր օրերին համագործակցելով համաշխարհային հայ դիզայններների հետ, կարմիր գորգին եւ բոլոր կարեւոր միջոցառումներին ներկայացել է հենց հայերի ստեղծած կերպարներով։ Հագուստը՝ Նաիրա Խաչատրյանի, զարդերը՝ դիզայներ Արմինե Գեւորգյանի։

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝