Վիրավոր հերոսների սխրանքների պատմությունները հասավ մինչեւ Բրյուսել եւ Կորտրիկ

Մշակութային 12 Հոկտեմբեր, 2022 13:35

Բելգիայի Թագավորության Բրյուսել եւ Կորտրիկ քաղաքներում կայացավ մի շարք գիտական հոդվածների հեղինակ, հասարակական գործիչ ՄԱՄԻԿՈՆ ԽՈՒՐՇՈՒԴՅԱՆԻ «Հայրեններ» գրքի շնորհանդեսը։ Գրքում ներկայացված է 2020 թվականի 44 օրյա պատերազմի ժամանակ ռազմական հոսպիտալի վիրաբույժության բաժանմունքում հեղինակի հանդիպած տղաների կարգավիճակի, հոգեվիճակի ու այն մթնոլորտի մասին, որի մեջ նրանք այդ օրերին ապրում էին: Տղաներից գրքում ներկայացված է 20-ի պատմությունները:

«Մեր վիրավոր հերոսների պատմությունները սխրանքների և հույզերի խառնարան է, որի մասին պետք է իմանա յուրաքանչյուր հայ: Բրյուսելում շնորհանդեսը կայացավ Le Lys ռեստորանում՝ բարերար Գայանե Միքայելյանի նախաձեռնությամբ։ Միջոցառումն իր ներկայությամբ գեղեցկացրեց Բելգիայի Բոհեմ գրական-երաժշտական ակումբի հիմնադիր Ալին Դավթյանը։ Միջոցառման ընթացքում իրենց կատարումներով հանդես եկան Կորտրիկի հայկական պարախումբն ու երգչուհի Մելինեն։ Կորտրիկ քաղաքում շնորհանդեսը կազմակերպվել էր Կորտրիկի հայ համայնքի ղեկավար Արտակ Ժամհարյանի եւ բարերար Իրինա Գեւորգյանի նախաձեռնությամբ։ Շնորհանդեսներից գոյացած ողջ հասույթը կտրամադրվի «Հայրեններ» գրքի հանրայնացմանը, ինչպես նաեւ վիրավոր տղաների ձմեռային հանգստի կազմակերպմանը», - ասաց Մ. Խուրշուդյանը: