Ամեն ինչ ունի իր պատասխանը, իր հատուցումը, եթե դու չար կյանքով ես ապրում` դու դրա համար պետք է անպայման հատուցես.Եկեղեցուց հեռանալու եւ Աստծուն ճանաչելու ուղղիների մասին

Ի՞նչ պետք է անի Եկեղեցին՝ դարձի բերելու համար իր այն զավակներին, ովքեր ինչ-որ պատճառով շեղվում են ճշմարիտ ճանապարհից, հարցի պատասխանը  «Իրավունքը» փորձել է ստանալ Հայ Առաքելական Եկեղեցու կիսասարկավագ ԱՐՄԵՆ ՀԱՐԵՅԱՆԻՑ, ով նկատեց.

-Եկեղեցին չի կարող օգնել մարդուն դարձի գալու դեպի Աստված, եթե մարդը ինքը դա չցանկանա ի սրտե: Մարդը ինքը պետք է Աստծո հարկադրանքը զգա, պետք է հասկանա, որ այն ինչ մեզ հետ կատարվում է դա ընդամենը մեր մեղքերի հատուցումն է, որովհետեւ մենք թողել ենք Աստծո ցույց տված բարի, ապահով, հաղթական ճանապարհը` գնալով մեր սեփական ցանկությունների հետեւից` այդ ճանապահին բազում չարություններ գործելով: Ամեն ինչ ունի իր պատասխանը իր հատուցումը, եթե դու չար կյանքով ես ապրում` դու դրա համար պետք է անպայման հատուցես: Եթե դու ապրում ես մեղքերով, ապա ինչքան էլ դու խաղաղասեր լինես պատերազմը գալու է քո մեղեքրի հետեւանքով: Նորից եմ կրկնում` մարդը ինքը պետք է փնտրի Աստծուն եւ ես Ձեզ հավատացնում եմ, որ ով փնտրում է նա գտնում է. ով խնդրում է` նրան տրվում է: Ժողովուրդը պետք է զղջա ու ապաշխարհի եւ խոստովանի իր մեղքերը, որպեսզի գա իրական փոփոխությունների շրջանը մեր ազգի համար:

-Ի՞նչ է պետք հավատացյալին Աստծուն ճանաչելու համար:

-Որպեսզի մարդը Աստծուն ճանաչի, նա պետք է փնտրի Աստծուն, ու հավատացեք Աստված ինքը խորհրդավոր կերպով հայտնվում է այդ մարդու կյանքում: Օրինակ, երբ մենք սովածություն ենք զգում` հաց ենք փնտրում, ծարավ ենք` ջուր ենք փնտրում:  Մարդը պետք է սովորի կարդալ Աստվածաշունը, որպեսզի լսի ու խորհի Աստծո խոսքը, մարդը Աստծո հետ բնակվում է եկեղեցում, մենք պետք է սովորություն դարձնենք ամեն կիրակի պատարագի գնալ, սովորել Աստծո պատվիրանները:

-Պատմությունը ցույց է տվել, որ այնտեղ, որտեղ չենք կարողացել հաղթել զենքով, հաղթել ենք հավատքով։ Որքանո՞վ է այսօր մեր հավատքը ամուր թշնամուն դիմակայելու հարցում։

-Ես չգիտեմ, թե որքանով է մեծ այսօր մեր ժողովրդի հավատքը, միգուցե պատերազմից հետո ժողովուրդը դարձել են դեպի Քրիստոսը` չգիտեմ: Բայց մենք տեսնում ենք, որ կիրակի օրերին եղեկեցիներ այցելում են ավելի շատ հավատացյալներ, բայց եթե անգամ մեր բոլոր Երեւանի եկեղեցիները լեփ-լեցուն լինեն, դա ընդամենը Երեւանի բնակչության մեկ-երկու տոկոսն է կազմելու: Դա բավարա՞ր է` ես չգիտեմ, որովհետեւ ինչպես Աստծո խոսքն է ասում, եթե կործանվող Սոդոմ եւ Գոմոր քաղաքներում 10 արդար լիներ այդ քաղաքները չէին կործանվի, չէ՞ որ Սոդոմ եւ Գոմոր քաղաքները կործանվեցին մեղքի հետեւանքով:

Ամփոփելով խոսքս կասեմ հետեւյալը, սիրելի ժողովո՛ւրդ դարձեք Աստծուն, փնտրեք Աստծուն. Աստված օգնական եւ պահապան մեր ազգին եւ իմաստություն ժողովրդին:

Զրույցը` ԻԼՈՆԱ ԱԶԱՐՅԱՆԻ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝