Ինչ տեղի է ունենում Հայաստանում, ոչ թե հակառուսական, այլ աննորմալ երեւույթ է. Կոստանյան
Թեմա
Միջազգայնագետ-արեւելագետ ԱՐԱՐԱՏ ԿՈՍՏԱՆՅԱՆԻ գնահատմամբ` Հայաստանում գեներացվող հակառուսական տրամադրությունները հենց այնպես չեն բարձրացվում, այլ հստակ ուղղորդվում են արեւմտյան տեխնոլոգիաների միջոցով: Անդրադառնալով վերոնշյալին` «Իրավունքի» հետ զրույցում նա ուշագրավ փակագծեր բացեց:
— Մենք գիտենք, թե ինչպես են այդ տեխնոլոգիաները կիրառվում` մեկն ասում է, մնացածը թութակի նման կրկնում են: Սա հիվանդագին սովորույթի նման է: Հստակ է, որ այդ տեխնոլոգիաներին տիրապետում է Արեւմուտքը եւ սկսեց այն կրկին կիրառել, երբ արցախյան վերջին պատերազմում ռուս խաղաղապահները Արցախի որոշ չափը գոնե կարողացան փրկել: Եվ փոխանակ Ռուսաստանի հանդեպ ավելի ընկերական վերաբերմունք լիներ Հայաստանում, ընդհակառակը՝ հենց այդ վայրկյանից սկսվեց հակառուսական մթնոլորտը խորանալ: Սա աբսուրդ է` ռուսական խաղաղապահ ուժերը գալիս են եւ Արցախն ամբողջականորեն կորստից փրկում, մենք բացասական արձագանք ենք տալիս: Իսկ հիմա այդ ամենը շարունակվում է ավելի ուժգին, որովհետեւ այն կենտրոնները, որոնք գեներացնում են այս հակառուսական տրամադրությունները, իրենց թվում է, թե Ռուսաստանն արդեն պարտվում է եւ հող են նախապատրաստում իրենց համար:
— Ըստ Ձեզ` ինչի՞ կհանգեցնի այս ամենը, հատկապես, որ հակառուսական տրամադրություններ հրահրողների ետեւում երեւում է իշխանության ու իշխանամերձ շրջանակների ականջները:
— Սա, իհարկե, վտանգավոր է, որովհետեւ չկա աշխարհում այսպիսի երեւույթ, ինչ Հայաստանում է տեղի ունենում: Սա ոչ թե հակառուսական, այլ աննորմալ երեւույթ է: Օրինակ` Սաուդյան Արաբիայում կամ Սինգապուրում երբեւէ այդպիսի հակաամերիկյան ալիք չի կարող բարձրանալ: Այո՛, անհամաձայնություններ կարող են լինել` նավթի գների եւ այլնի վերաբերյալ, բայց դուք չեք տեսնի ԱՄՆ-ի դաշնակից երկրներում, որտեղ ամերիկյան ռազմաբազան է պաշտպանում այդ երկրների սահմանները, հակաամերիկյան տրամադրություններ գեներացվեն: Իհարկե, Հայաստանում ներկա իշխանությունն իր ամբողջ հոգեբանությամբ պրոարեւմտյան է եւ բնականաբար` հակառուսական: Սակայն չեմ կարող ասել, թե արդյոք նրանք անձամբ են հրահրում այս հակառուսական տրամադրությունները, բայց անկասկած կարող եմ ընդգծել, որ այս տեխնոլոգիաները պատրաստված են արեւմտյան կենտրոնների հաստատություններում:
ՀՐԱՆՏ ՍԱՐԱՖՅԱՆ
Հիմա բացահայտվե՞լ է, թե՞ բան չեն արել. ԶԱՐՄԱՆՔ
Արարատ Միրզոյանի սիրային անեկդոտը՝ TRIPP համաձայնագրի շրջանակում
TRIPP-ով Ադրբեջանին անխոչընդոտ ճանապարհ է տրվում, Բաքվի պարտավորությունները որտե՞ղ են նշված
«Ժողովուրդ». Արարատ Միրզոյանի ակտիվ պաշտպանը
1
2239 դիտում
2
1608 դիտում
3
1479 դիտում
4
1233 դիտում
5
1195 դիտում
1
4991 դիտում
2
4936 դիտում
3
4327 դիտում
4
4210 դիտում
5
4135 դիտում
1
31540 դիտում
2
19731 դիտում
3
11549 դիտում
4
11508 դիտում
5
10602 դիտում
