Գայանե Զարգարյանի հետքերով սպեցնազին ապօրինաբար գործուղել էր մարդ ծեծող, քրեականի պետը, ում հովանավորչությունը ՔԿ-ի կողմից քաղաքական է, իսկ Ոստիկանությունում նա առերեւույթ պաշտոնական հովանավորչություն ունի

 «Լրագրողի նկատմամբ տեղի ունեցած ոստիկանական գործողություններին կարող եմ տալ ընդհանրական գնահատական փաստելով, որ սա հունիսի 3-ի եղած գործողությունների շարունակությունն է. որովհետեւ կոնկրետ անձը` քրեականի պետ Սերգեյ Մամիկոնյանցը, որի վերաբերյալ ես հաղորդում եմ տվել խոշտանգումների հետ կապված, եւ որի վերաբերյալ քր. գործը գտնվում է ՀԿԳ քննիչ Սարգսյան Յուրայի վարույթում, ուսադիրի տակ տեղավորված արտոնյալ է: Եվ միայն այն, որ տվյալ անձը չի կանչվել քննիչի մոտ եւ չի էլ հարցաքննվել, էլ չեմ ասում, որ նրան պետք է վաղուց մեղադրանք առաջադրված լիներ, եւ նրա նկատմամբ վաղուց պետք է ընտրված լիներ խափանման միջոց կալանավորումը: Որովհետեւ հոդվածը դասվում է ծանր հանցանքների շարքին, բայց արի ու տես, որ տվյալ անձը իշխանության կողմից թողնվել է ազատության մեջ, որպեսզի շարունակի լռեցնել ընդդիմադիրներին: Սա է ողջ իրավապահ համակարգի մոտեցումը: Այսինքն այստեղ չեն ղեկավարվում ոստիկանի լավ կամ վատ աշխատանքով. այստեղ ղեկավարվում են այն սկզբունքով, որ ոստիկանը ցանկացած գնով` այս դեպքում հանցագործություն կատարելով, ծառայի գործող իշխանության շահերին: Սա է խնդիրը: Կենտրոնի ոստիկանության բաժնում Սերգեյ Մամիկոնյանցը ծեծել է իմ պաշտպանյալին, հարվածներ հասցրել, դրանից հետո անձամբ ինքը սպառնացել է բժիշկներին, որպեսզի ծեծված անձը հիվանդանոցում չմնա` վերցրել տարել է ՔԿՀ, որը դատարանը ոչ իրավաչափ է ճանաչել: Դրա համար էլ, այդ անձը շարունակում է իր հանցավոր գործունեությունը, որովհետեւ պատասխանատվության չի ենթարկվել, նրան թողել են նույն պաշտոնին, էն մյուս բերետավորին էլ՝ Հրանտ Գոռի Խաչատրյանին, ով սուտ ցուցմունք էր տվել, առաջ են քաշել: Ու սա էլի է շարունակվելու. ուստի մենք պետք է կարողանանք ազատվել ուսադիրավոր հանցագործներից»,-անդրադառնալով գիշերվա 23:30-ին մեր գործընկեր, Newsmedia.am էլ. օրաթերթի հիմնադիր-ղեկավար Գայանե Զարգարյանի հետ կատարված դատապարտելի միջադեպի թնջուկին, նրա հարազատների տուն սպեցնազ ուղարկելու Երեւանի քրեականի պետի գործողություններին, ասաց հայտնի փաստաբան Արսեն Մկրտչյանը : Անդրադառնալով կոնկրետ դեպքին, երբ «Հանրային ձայն» կուսակցության փոխնախագահ, ոմն ըմբշամարտիկի կողմից իրականացված էր բռնություն մեր գործընկերոջ, հետաքննող լրագրող Գայանե Զարգարյանի նկատմամբ՝պատճառելով նրան մարմնական վնասվածք փաստաբանը նկատում է.

-Տեսեք, այստեղ կարեւորը այն է, որ հստակ խոչընդոտվել է լրագրողական գործունեությունը, եւ որ կոնկրետ լրագրողի հանդեպ հանցագործ ոտնձգություն է տեղի ունեցել: Այստեղ շատ կարեւոր է, որ անձը իր մասնագիտական գործունեությունն է իրականացրել, երկրորդ անձի առողջության եւ կյանքի նկատմամբ ոտնձգություն է կատարվել մասնագիտական գործունեության հետ կապված: Հատկապես ՔՊ-ն է կրում սրա պատասխանատվությունը` անկախ նրանից, թե լրագրողի նկատմամբ ոտնձգությունը որ կուսակցության կամ անհատի կողմից են ձեռնարկվել: Քաղաքական մեծամասնությունը պետք է քայլեր ձեռնարկի, որպեսզի անկախ նրանից, թե լրագրողի հայտնած տեղեկատվությունը իրենց քիմիքին հաճելի է, թե ոչ: Լրագրողը պետք է պաշտպանված լինի:

-Կարծում եմ Քրեականի պետ Մամիկոնյանցի դեպքում հնարավոր է, որովհետեւ վերջինս արտոնյալ հնարավորություններ ունի այդ բաժնում եւ ճանաչելով ոստիկանապետին կարծում եմ, որ նրա առաջին քայլը, որ պետք է լիներ, դա Մամիկոնյանցից ազատվելն է: Տվյալ պարագայում ես ենթադրում եմ, որ այստեղ ավելի շատ գործ ունենք Քրեականի պետի ինքնագործունեության հետ:

-Կարող եմ միայն ենթադրել, որ ոստիկանության բարձրաստիճան պաշտոնյա կամ պաշտոնյաններ, ըստ հավանականության, որովհետեւ այն միջադեպը, որի մասին խոսեցի. արդեն իսկ առիթ է տալիս ենթադրելու, որ նա պետք է հեռացված լիներ համակարգից: Եվ այն, որ Քյարամյանի հիմնարկում նա չունի մեղադրյալի կարգավիճակ, մինչ օրս խոսում է նրա մասին, որ նա ունի հովանավորներ: Քննչական կոմիտեի կողմից նրա հովանավորությունը քաղաքական է, իսկ Ոստիկանությունում նա առերեւույթ պաշտոնական հովանավորչություն ունի: Որովհետեև նման հանցագործին պետք էր ուղղակի դատել խոշտանգումով: Մամիկոնյանցը այսօր դիտավորյալ, շարունակական, գործող վարչապետին հաճոյանալու, աչքի ընկնելու համար կատարում է հանագործություններ, այլ ոչ թե ծառայողական պարտականություններ, որպեսզի առաջխաղաղացում ունենա իր ծառայության մեջ: Ես ենթադրում եմ, որ նա անմիջական պետի հետ ունի մրցակցություն եւ ցանկություն ունի զբաղեցնելու նրա տեղը: