Սեփական հետույքին արկածներ փնտրողները՝ Ազատության հրապարակում հակառուսական կոչեր են հնչեցնում. Մութաֆյան

«Այսօր Երեւանի Ազատության հրապարակում հավաքված հակառուսական տրամադրվածությամբ մարդիկ չեն էլ հասկանում, թե իրենց այդ հիստերիայով ո՞ւր են տանում երկիրս։ Ծածանե՜ք, ավելի բարձր ծածանեք Ուկրաինայի դրոշը, գուցե ավելի ուժգին սկսեն աջակցել Ադրբեջանին, ավելի ուժեղ ատեք Ռուսաստանին գուցե ավելի շատ զենք վաճառեն Ադրբեջանին, առավել ուժգին սատարեք ԱՄՆ-ին, որ մեծ ուժով Հայաստանի դեմ հանեք Իրանին։

Սա ուղեղի բացակայությո՞ւն է, թե՞ ուժգին հայատյացություն։ Ինչի՞ վրա եք դրել ձեր հույսը, մի՞թե պատմությունից դասեր չեք քաղում, մի՞թե բթացել եք այնքան, որ չեք գիտակցում մարտահրավերները, որոնք կանգնած են մեր երկրի առաջ։ Ես ռուսամետ չեմ, բայց հստակ գիտակցում եմ, որ Ռուսաստանի հետ հարաբերություն խզելուց հետո՝ չեմ կարողանալու 1000 դրամով հաց գնել, չեմ կարողանալու ձմռանը 50 հազար դրամի փոխարեն՝ 500 հազար գազի վարձ վճարել: Գիտակցում եմ, որ Ռուսաստանից խոպանի փողերով ապրող մտերիմներս, այլեւս չեն կարողանալու գոյատեւել, չենք կարողանալու Իրանի դեմ պայքարել, չենք կարողանալու ՆԱՏՕ-ի ամենամոտ ռազմաբազայից` Թուրքիայից Հայաստանում տեղակայված զորքի վրա հույս դնել։ Ծածանեք ԱՄՆ դրոշները, վառեք ՌԴ դրոշները ու ոսկե ձկնիկի պառավի նման մնացեք կոտրած տաշտակի դիմաց», - գրել է դերասանուհի ԱՆԱՀԻՏ ՄՈՒԹԱՖՅԱՆԸ: 

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝