ԶԱՐ­ՄԱՆՔ

ՔՊ-ական­նե­րը լրիվ լկտի­ա­ցել են ու  ան­ցել լրագ­րող­նե­րի հան­դեպ ֆի­զի­կա­կան բռնու­թյուն­նե­րի: MediaHub-ի լրագ­րող Ա­նի Գև­որ­գյա­նին ի­գա­կան սե­ռի մի ա­րա­րած փոր­ձեց հար­վա­ծել, իսկ հե­տո ԱԺ անվ­տան­գու­թյան ծա­ռա­յու­թյուն կոչ­վող բա­շի­բո­զուկ­նե­րը կոպ­տո­րեն քարշ տա­լով տա­րան... Ճիշտն ա­սած, ՔՊ-ական ա­րա­րած­նե­րին հիմ­նա­կա­նում ա­նուն­նե­րով չգի­տեմ և չեմ էլ ու­զում ի­մա­նալ, սա­կայն կոնկ­րետ այս ա­ռանձ­նյա­կը զար­մաց­րեց նրա­նով, որ ԱԺ-ն ան­վա­նեց իր տու­նը և պնդեց, որ իր երկ­րում ոչ ոք չպետք է հա­մար­ձակ­վի ի­րեն դա­վա­ճան ան­վա­նել: Զար­մա­նա­լի է, մի՞թե հա­մա­րում է, որ ՀՀ-ն ար­դեն Թուր­քի­ա­յի կամ Ադր­բե­ջա­նի կազ­մում է. այ ոչ մի ՔՊ-ական չի դա­վա­ճա­նել թուր­քե­րի շա­հե­րին` դա հաս­տատ: Սա­կայն ի վեր­ջո ա­նունն էլ ի­մա­ցանք, երբ մո­դել Ա­նի­տա Հա­րու­թյու­նյանն անդ­րա­դար­ձավ այդ ա­ռանձ­նյա­կին` ՔՐԻՍ­ՏԻ­ՆԵ ՊՈ­ՂՈ­ՍՅԱ­ՆԻՆ, մաս­նա­վո­րա­պես ընդգ­ծե­լով. «Երբեք չեմ հայ­հո­յել կնո­ջը, բայց հի­մա ա­սեմ՝ դու տա­կանք ես, այ բո­շա՛... ԱԺ-ն քո տու­նը չի ու չի էլ լի­նի եր­բե՛ք: Քո նման­նե­րը մի­այն TV-ով են ԱԺ-ի դահ­լիճ տե­սել, այ ան­բա­րո­յա­կան, անգ­րա­գետ: Դու ո՞վ ես, որ լրագ­րո­ղին փոր­ձես խփել... Թող մորդ ար­գան­դը նենց չո­րա­նար, որ քո նման վիժ­վածք­ներ չու­նե­նա­յինք է­սօր... Քո տու­նը նախ­կին Ծե­րե­թե­լին ա, այ շար­քա­յին պոռ­նիկ Քի­սո»:

Եվ ա­հա ՔՊ-ական մեկ այլ ա­ռանձ­նյակ` ՎԱ­ՀԱԳ Ա­ԼԵՔ­ՍԱ­ՆՅԱՆ, Հ1-ի ե­թե­րում դի­մե­լով բո­ղո­քի ակ­ցի­ա ի­րա­կա­նաց­նող, իր խոս­քե­րով՝ «առողջ ե­րի­տա­սարդ­նե­րին», հայ­տա­րա­րել է, թե վեր­ջին­ներս ութ ժամ ու­նեն ի­րե­րը հա­վա­քե­լու և ա­ռաջ­նա­գիծ մեկ­նե­լու հա­մար, քա­նի որ «առա­վո­տյան ժա­մը 09:00-ից զին­կո­մի­սա­րի­ա­տը կգնա մի­տին­գա­վոր տղա­մարդ­կանց հե­տև­ից»: Ա­լեք­սա­նյա­նը նա­և ա­սել է, որ ար­դեն խո­սել է ԱԺ Պաշտ­պա­նու­թյան և անվ­տան­գու­թյան հար­ցե­րի մշտա­կան հանձ­նա­ժո­ղո­վի նա­խա­գահ Անդ­րա­նիկ Քո­չա­րյա­նի հետ, որն էլ, ըստ նրա, խո­սել է զին­կո­մի հետ և այս «ոգով, ու­ժեղ ե­րի­տա­սարդ­նե­րը վա­ղը ա­ռա­վոտ­վա­նից կստա­նան ի­րենց ու­ղեգ­րե­րը ու կմեկ­նեն ա­ռաջ­նա­գիծ»: Զար­մա­նա­լի է, որ այդ եր­կու տխրահռ­չակ­նե­րը հա­մոզ­ված են, որ ա­ռաջ­նա­գիծ գնա­լը պա­տիժ է` դրա­նով իսկ վի­րա­վո­րե­լով թուր­քին շան­սա­տակ ա­նող մեր զին­ծա­ռա­յող­նե­րին և կա­մա­վոր­նե­րին: Դա­սա­լի­քի հո­գե­բա­նու­թյուն ու­նե­ցող­նե­րը, ում հա­մար բա­նակն ու ա­ռաջ­նա­գի­ծը սար­սա­փե­լի են, զար­մա­նա­լի­ո­րեն փոր­ձում են բո­լո­րին չա­փել սե­փա­կան նող­կա­լի և ան­պա­տիվ ար­շի­նով... Սա­կայն մեզ զար­մաց­րեց նա­և ՊՆ խոս­նակ Ա­րամ Թո­րո­սյա­նի ար­ձա­գանք այդ հայ­տա­րա­րու­թյա­նը. «ՊՆ-ն քա­ղա­քա­կան հայ­տա­րա­րու­թյուն­նե­րին մե­կնա­բա­նու­թյուն­ներ տալ չի պատ­րաստ­վում»: Չհաս­կա­ցանք, այդ երբ­վա­նի՞ց շար­քա­յին ան­բա­րո­յա­կա­նու­թյու­նը դար­ձավ «քա­ղա­քա­կան հայ­տա­րա­րու­թյուն»:

Երբ Գե­ղամ Մա­նու­կյա­նը ե­լույթ էր ու­նե­նում ԱԺ-ում, ար­ձա­նագ­րե­լով, ո­ր Նի­կո­լին փրկե­լու ժա­մա­նա­կը չէ, և դա­վա­ճա­նի պի­տա­կը կպնե­լու է բո­լո­րին, տե­սախ­ցիկն ար­ձա­նագ­րեց, որ ՔՊ-ական, Ա­լեն Սի­մո­նյա­նի օգ­նա­կան ԷՄ­ՄԱ ՊԱ­ԼՅԱ­ՆԸ ծի­ծա­ղեց այն ժա­մա­նակ, երբ խոս­վում էր հե­րո­սի մա­հով ըն­կած զին­վոր­նե­րի մա­սին: Հա­մա­ցան­ցում` Ֆեյս­բու­քում և Տե­լեգ­րա­մում, բազ­մա­թիվ օգ­տա­տե­րեր վրդով­վել էին այդ ծի­ծա­ղից ու ծի­ծա­ղո­ղին տվել է­ին թունդ ո­րա­կում­ներ` մաս­նա­վո­րա­պես վիժ­վածք ան­վա­նե­լով: Նա­և վեր­հի­շել է­ին դրվագ­ներ, թե ինչ­պես են ՔՊ-ական­ներն ան­կաշ­կանդ ժպտում Ե­ռաբ­լու­րում: Սա­կայն ին­քը` Պա­լյա­նը, զար­մա­նա­լի մեկ­նա­բա­նու­թյուն տվեց. «Ես ծի­ծա­ղել եմ, ժպտա­ցել եմ Գե­ղամ Մա­նու­կյա­նի այն ար­տա­հայ­տու­թյան վրա, որ ե­րեկ­վա խայ­տա­ռակ ակ­ցի­ան ե­ղել է ինք­նա­բուխ»: Նախ` տա­կից դուրս գա­լը չի ստաց­վի, բո­լո­րիդ է­ու­թյու­նը լավ գի­տենք, իսկ խայ­տա­ռա­կը ոչ թե քա­ղա­քա­ցի­նե­րի ար­դար զայ­րույթն է, այլ դուք` ձեր ամ­բողջ կա­պի­տու­լյան­տա­կան թի­մով:

Զարմացած է ՀՈՎՀԱՆՆԵՍ ԳԱԼԱՋՅԱՆԸ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝