Նախօրեին ակցիան նկարահանելու ժամանակ մեր գործընկերոջ՝ Գայանե Զարգարյանի նկատմամբ տեղի ունեցած դատապարտելի միջադեպին տրվել է իրավական գնահատական, տրվել դատաբժշկի ուղեգիր

Հանրապետության հրապարակում ընթացող ակցիայի ժամանակ:

Հանրային Ձայն կուսակցությունից ներկայացող երկու անձինք ակցիան նկարահանելու ժամանակ, խոչընդոտել են մեր Գործընկեր, Լրագրող Գայանե Զարգարյանի մասնագիտական գործունեությունը, որի ընթացքում միջին տարիքի մի Տղամարդ, նկարահանման ընթացքում գողացել է Գայանե Զարգարյանի բջջային հեռախոսը, եւ մոտ 40 րոպե այն իր գրպանում պահելուց եւ միայն Հանրապետության Հրապարակում հավաքված հարյուրավոր մեր Հայրենակիցների ներկայությամբ, Հանրային Ձայն կուսակցության ներկայացուցիչ Արտակ Գալստյանի բազմաթիվ կոչերից հետո միայն, մեր Գործընկերոջ բջջային հեռախոսը վերադարձվել է:Ավելին, հանցանք կատարող այդ ողորմելի ճղճիմը, պնդել է, որ ուզում է հեռախոսի ողջ պարունակությունը ջնջել,հետո նոր վերադարձնել այն:

Իսկ սույն խուժանին ուղեկցող մի երիտասարդ էլ վերջում ասել է, որ հեռախոսը տուր գետնով՝ կամ տուր ինձ լրագրողի հեռախոսը՝կծախեմ լավ կզգամ ինձ,դժգոհելով որ լավ նշան չի, որ գեներալներին թթու ասող «էս սմերչը» Հրապարակում ա:

Ի դեպ, այդ նույն ժեխը մեր Գործընկերոջը մեղադրել է նաեւ Ալիեւի գործակալը լինելու մեջ, որի հետ կապված եւս կան փաստեր:

Հ.Գ. Մեր գործընկերը եղել է նաեւ Բաղրամյանում ցույցի ժամանակ, հետո շարժվել է դեպի Հրապարակ բազում ազատամարտիկների խնդրանքով։

Հ.Գ.Ճանաչված լրագրողը այս պահին նյարդային վիճակում էր, եւ փոխանցեց, որ վաղը մանրամասն կխոսի կատարվածի մասին, ու նաեւ հայտարարություն կտա իրավապահ մարմիններին։ Այդ բորենիները վնասել են նաեւ հանրային լայն ճանաչում ունեցող լրագրողի ձեռքը,արդյունքում դաստակի հատվածում կան կապտուկներ։

 Քիչ առաջ <<Իրավունքը>> տեղեկացավ, որ այս պահին մեր գործընկերուհին վերը նշված փաստով գտնվում է Քննչական կոմիտեում, մեր գործընկերոջը տրվել է դատաբժշկի ուղեգիր։

ԻԼՈՆԱ ԱԶԱՐՅԱՆ