Տավուշի բնակիչը խոստովանել է, որ պատահաբար է կրակել 61-ամյա տղամարդուն, այնուհետև դին նետել է լիճը
Քրեական
Ոստիկանությունը բացահայտել է սեպտեմբերի 6-ին Տավուշի մարզում կատարված սպանությունը: Այս մասին հայտնում են ՀՀ Ոստիկանությունից:
Սեպտեմբերի 6-ին Տավուշի մարզի Բերքաբեր բնակավայրի լճի մեջ հայտնաբերվել էր ինքնությունը չպարզված, մարմնական վնասվածքներով տղամարդու դիակ:
Իջևանի ոստիկանների ձեռնարկած միջոցառումների արդյունքում պարզվել էր, որ սեպտեմբերի 3-ից ոստիկանության Իջևանի բաժնի կողմից որպես անհետ կորած որոնվող 61-ամյա Վրեժ Պ.-ի դիակն է:
ՀՀ քրեական օրենսգրքի 155-րդ հոդվածի (Սպանությունը) հատկանիշներով նախաձեռնվել էր քրեական վարույթ:
Նա խոստովանել է, որ սեպտեմբերի 3-ին, ժամը 17.30-ի սահմաններում, Այգեհովիտ բնակավայրի այգիներից մեկում որսորդական հրացանով պատահաբար կրակել է Վրեժ Պ.-ի կրծքավանդակին, ինչի հետևանքով նա մահացել է:
Այնուհետև թաքցնելու նպատակով դիակը իր «ԳԱԶ-24» մեքենայով տեղափոխել էր Բերքաբեր բնակավայր և ոտքերից կապելով բետոնե սյուներ՝ գցել էր լիճը:
57-ամյա տղամարդը ձերբակալվել է։
Կատարվում է նախաքննություն:
1
25129 դիտում
2
3773 դիտում
3
1882 դիտում
4
1720 դիտում
5
1623 դիտում
1
41369 դիտում
3
8972 դիտում
4
8133 դիտում
5
5054 դիտում
3
17343 դիտում
4
10520 դիտում
5
9917 դիտում
