Երբեմն «Ուղիղ եթեր»-ը կարող է փրկել լրագրողի կյանքը եւ ոչ միայն լրագրողի
ԼուսանկարներԱռեւանգել են սկանդալային հրապարակումներով հայտնի լրագրող Հենրի Գասպարյանին՝ քաղաքի ճանաչված օլիգարխներից մեկի՝ Գաբրիել Սեդրակյանի մասին հերթական սկանդալային նյութը նկարահանելու ժամանակ: Սակայն, մի շտապեք սենսացիոն լուրի մասին աղաղակել, քանի որ խոսքը ֆիլմի մասին է:
Հայաստանյան կինոթատրոնների մեծ էկրաններին է ռեժիսորներ ՕՆԻԿ ՀՈՎՀԱՆՆԻՍՅԱՆԻ եւ ՖԻԼԻՊ ՊՈՂՈՍՅԱՆԻ նոր «Ուղիղ եթեր» կինոկատակերգությունը։ Ֆիլմի պրեմիերան մեկտեղել էր շոուբիզնեսի հայտնի դեմքերին. ներկա էին դերասաններ, երգիչներ եւ, պարզապես, արվեստասեր հանրույթի ծանոթ դեմքերը:
Ֆիլմի հերոսը սկանդալ.քոմի լրագրողն է, որի գործողությունների շուրջ էլ զարգանում են իրադարձությունները: Ըստ ռեժիսորների, որոնք նաեւ ֆիլմի սցենարի համահեղինակներն են ու նաեւ հերոսները, փորձել են «Ուղիղ եթեր» -ով ցույց տալ, թե ինչերի է ընդունակ մարդը՝ հանուն սիրո ու ընկերության, ընդ որում՝ անկախ իր սոցիալական դիրքից եւ հասարակության մեջ իր մասին ձեւավորված պատկերացումներից:
«Ֆիլմը սկսել ենք նկարահանել մեկ տարի առաջ, անցած ճանապարհն այդքան էլ հեշտ չի եղել, բայց եղել է շատ հետաքրքիր ու լավ ընկերներ ենք ձեռք բերել: Շատ պրոֆեսիոնալ կազմ էր ձեւավորվել»,- «Իրավունքի» հետ զրույցում ասաց ֆիլմի ռեժիսորներից Ֆիլիպ Պողոսյանը:
Ինչ վերաբերում է ֆիլմի բովանդակությանը՝ Ֆ. Պողոսյանը կես կատակ-կես լուրջ՝ վստահեցրեց. «Երբեմն «Ուղիղ եթեր»-ը կարող է փրկել լրագրողի կյանքը եւ ոչ միայն լրագրողի»:
Իսկ ֆիլմի մյուս ռեժիսորը՝ Օնիկ Հովհաննիսյանը շեշտեց, որ ֆիլմը նկարահանել են բացառապես երիտասարդներով, ինչը դրական է համարում:
«Դերասանական անձնակազմի մեծ մասը ֆիլմում իր առաջին քայլերն է անում, բոլորն էլ նվիրված աշխատել են եւ կարողացանք արդյունք ստանալ: Ինչ խոսք, հեշտ չէր ֆիլմ նկարահանել, երբ չկային ֆինանսական միջոցներ, բայց երբ աշխատանքը սկսում ես եւ մարդիկ քեզ հավատում են, շատեր են սկսում օգնել», - անկեղծացավ Օնիկ Հովհաննիսյանը։
Նշենք, որ ֆիլմում ներգրաված դերասաններից են ՀՀ վաստակավոր արտիստ Վարուժան Մանուկյանը, Ջեմմա Մարտիրոսյանը, Արմեն Մարգարյանը, Տիգրան Բարսեղյանը, Սեդա Ավագյանը, Հարութ Բեգ-Վանյանը, Արեւ Հակոբյանը, Լարիսա Ենգիբարյանը եւ բլոգեր Էմմա Շաբոյանը: Ի դեպ, ցավոք, ֆիլմի պրեմիերան չհասցրեց տեսնել Ջեմմա Մարտիրոսյանը:
«Ափսոս, որ վերջերս մեր ավագ գործընկերը հեռացավ կյանքից։ Սիրով ու ջերմությամբ ենք հիշում մեր լավ ընկեր տիկին Ջեմմա Մարտիրոսյանին: Նա վարպետորեն իր դերը կատարեց: Հիմա էլ, կարծես, մեր հետ է»,- ընդգծեց Ֆիլիպ Պողոսյանը։
Նյութը եւ լուսանկարները՝ ՀՐԱՆՏ ՍԱՐԱՖՅԱՆԻ
Եվրոպան ներկայացուցիչ է փնտրում Պուտինի հետ ուղիղ բանակցությունների համար. Politico
Կարեւոր է իմանալ` մյուս քաղաքական ուժերի դիրքորոշումը կապիտուլյանտի դիրքորոշումից տարբերվո՞ւմ է. Կարապետ Պողոսյան
Անկլավների մասին խոսելիս միշտ պետք է մտապահենք, որ անկլավների իրավական հիմքի վերաբերյալ դեռևս տեղեկություններ չունենք. Քարտեզագիր
Պահանջը հստակ է, սպասումը՝ ոչ անսահման. հարցը պետք է լուծում ստանա. Ալբերտ Հովհաննիսյանի հայր
1
3903 դիտում
2
3730 դիտում
3
3370 դիտում
4
2533 դիտում
5
1968 դիտում
1
11486 դիտում
2
8537 դիտում
3
5718 դիտում
4
4863 դիտում
5
4249 դիտում
1
31501 դիտում
2
19646 դիտում
3
17775 դիտում
5
11442 դիտում
