Բրեդ Փիթն Անջելինա Ջոլիին ասել է, որ նա «լավ չէ» եւ քանդում է իր ընտանիքը

NBC կայքը նոր մանրամասներ է հրապարակել Հետաքննությունների դաշնային բյուրոյի (ՀԴԲ) զեկույցից 2016 թվականին մասնավոր ինքնաթիռում Անջելինա Ջոլիի եւ Բրեդ Փիթի միջեւ տեղի ունեցած կոնֆլիկտի մասին։ Այն ժամանակ դերասանուհին Փիթին մեղադրել էր իր 15 տարեկան որդու՝ Մեդոքսի նկատմամբ ֆիզիկական բռնության համար։ Ինքնաթիռում ներկա էին նաեւ զույգի մյուս հինգ երեխաները։

Երեկ հայտնի դարձավ, որ դերասանուհին դատարան հայց է ներկայացրել ՀԴԲ-ի դեմ այն բանի համար, որ գերատեսչության ներկայացուցիչները փակել էին Փիթի դեմ հետաքննությունը եւ չէին տրամադրել դերասանուհուն գործի նյութերը։ Լրագրողներին հաջողվել է ծանոթանալ հայցին, որը ներառում էր Ջոլիի՝ նախկինում չհրապարակված ցուցմունքն այդ միջադեպի վերաբերյալ։

Այսպիսով, Ջոլին պնդել է, որ Փիթն իբր ասել է. «Այս երեխան նման է «Կոլումբայնա»-ի անիծված երեխային» (գործի նյութերում անունները կոծկված էին, սակայն խոսքը կարող էր լինել միայն Մեդոքսի մասին): Ըստ Ջոլիի, Փիթը նաեւ ճչացել է. «Դու չգիտես, թե ինչ ես անում»՝ նկատի ունենալով դաստիարակության նրա մեթոդները։ Բացի այդ, դերասանը իբր բղավել է Ջոլիի վրա՝ ասելով, որ նա «քանդում է ընտանիքը»։

Դերասանի այս ենթադրյալ մեկնաբանությունը, ըստ երեւույթին, կապված էր եղել 1999 թվականին «Կոլումբայն» ավագ դպրոցում տեղի ունեցած ջարդի հետ, որի ժամանակ 12-րդ դասարանցիներ Էրիկ Հարիսը եւ Դիլան Քլիբոլդը սպանել էին 12 երեխայի եւ մեկ ուսուցիչի ու վիրավորել եւս 23-ին: Ջոլին ասել է նաեւ, որ իր եւ իր այն ժամանակվա ամուսնու միջեւ արդեն «լարվածություն» կար՝ հավելելով, որ Փիթի գործողությունները ստիպել են իրեն «պատանդ» զգալ ինքնաթիռում։

Ջոլիի խոսքով՝ իրենք գնացել են դեպի ինքնաթիռի վերջնամաս՝ երեխաներից հեռու լինելու հույսով։ Այնուհետեւ Փիթն իբր «բռնել էր նրա գլուխը ու թափահարել, հետո էլ թափահարել ուսերը», նախքան «ինքնաթիռի առաստաղին մոտ չորս անգամ հարվածելը»:

Ըստ զեկույցի՝ առնվազն մեկ երեխա ականատես է եղել վեճին եւ հարցրել ՝ «Լա՞վ ես, մայրիկ»։ Փիթն էլ իբր բղավել է․ «Ոչ, մայրիկը լավ չէ: Նա քանդում է այս ընտանիքը: Նա աննորմալ է»։ Այդ պահին Ջոլին իբր ստիպված է եղել սեղմել Փիթի պարանոցը, քանի որ թվում էր, թե «նա պատրաստվում էր հարձակվել» երեխայի վրա: Ջոլիի խոսքով՝ ողջ թռիչքի ընթացքում Փիթն իրեն «հրեշի» պես էր պահում՝ անընդհատ բողոքելով ու բղավելով երեխաների վրա։

ՀԴԲ հետաքննության ընթացքում Ջոլին նշել էր 25 հազար դոլարի վնասի մասին, որի հիմնական պատճառը Փիթի թափած կարմիր գինու հետքերն էին։ ՀԴԲ-ի զեկույցի համաձայն՝ Փիթը նաեւ գարեգուր էր լցրել Ջոլիի եւ այն վերմակի վրա, որի տակ նա նստած էր երեխաների հետ։

Դերասանուհին պնդում է, որ վնասվածքներ էր ստացել մեջքի եւ արմունկի հատվածում, ինչպես նաեւ ձեռքի քերծվածք։ Փիթը միջադեպի ժամանակ միայն «ճանկռվածք» էր ստացել, որը, ինչպես գրել էր Ջոլին, «կարող էր իրենից լինել»։

Թռիչքից հինգ շաբաթ անց դաշնային դատախազությունը հայտարարեց, որ Փիթի ոչ մի մեղադրանք չի առաջադրելու: Դերասանի ներկայացուցիչները հերքում էին ֆիզիկական բռնության բոլոր մեղադրանքները։

«Նա պնդում է, որ ֆիզիկական բռնություն չի եղել, ոչ ոք ֆիզիկապես չի տուժել, որ ինքը չի հարվածել իր երեխայի դեմքին, պարզապես դիպչել է նրան, քանի որ առճակատումը դուրս էր գալիս հսկողությունից,- այն ժամանակ ասում էր Փիթին մոտ աղբյուրը:

Սկզբում ՀԴԲ-ի դեմ նոր հայցը ներկայացվել էր անանուն, սակայն լրագրողներին հաջողվել է պարզել, որ հայցվորը հենց Ջոլին է։ Հայցվորի շահերը ներկայացնող հայտնի փաստաբան Ամանդա Կրամերը Politico-ին հայտնել է, որ իր պաշտպանյալը հայցը ներկայացրել է անանուն՝ «ընտանիքի գաղտնիությունը պահպանելու համար»:

 

https://bravo.am/news/76703

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝