Օպերայի և բալետի թատրոնի հոբելյանական 90-րդ թատերաշրջանի մեկնարկը՝ Վանաձորում

ՀՀ ԿԳՄՍ նախարարության աջակցությամբ, Ա․ Սպենդիարյանի անվան օպերայի և բալետի ազգային ակադեմիական թատրոնն իր հոբելյանական 90-րդ թատերաշրջանը մեկնարկում է Վանաձոր քաղաքից:

Մայրաքաղաքի մշակութային կյանքի խորհրդանիշերից մեկը՝ Օպերայի և բալետի ազգային ակադեմիական թատրոնը, առաջին անգամ ավելի քան 150 աշխատակիցներով նոր թատերաշրջանը կբացի Վանաձորում։

Սեպտեմբերի 2-ին՝ ժամը 18:00-ին, Վանաձորի Հ. Աբելյանի անվան պետական դրամատիկական թատրոնում Օպերայի և բալետի ազգային ակադեմիական թատրոնը կներկայացնի Ա. Տիգրանյանի «Անուշ» օպերան:

Ներկայացման երաժշտական ղեկավար և դիրիժոր` Կարեն Դուրգարյան (ՀՀ վաստակավոր արտիստ), բեմադրող ռեժիսոր` Գեղամ Գրիգորյան (ՀՀ և ԼՀ ժողովրդական արտիստ), նկարիչ` Գրիշա Սահակյան (ՀՀ մշակույթի վաստակավոր գործիչ), պարերի բեմադրությունը` Վիլեն Գալստյանի (ՀՀ մշակույթի վաստակավոր գործիչ)։

Սեպտեմբերի 3-ին՝ ժամը 17:00-ին, Վանաձորի Շ. Ազնավուրի անվան մշակույթի պալատում կներկայացվի «Երեք սոպրանո» խորագրով համերգը: Համերգի ընթացքում կհնչեն սիրված ժողովրդական մեղեդիներ Ռ. Մավիսակալյանի և Ս. Շաքարյանի մշակումներով:

Համերգին մասնակցելու են թատրոնի սիմֆոնիկ նվագախումբը՝ ՀՀ վաստակավոր արտիստ Կարեն Դուրգարյանի ղեկավարությամբ, թատրոնի առաջատար մեներգչուհիներ, ՀՀ վաստակավոր արտիստներ Մագդա Մկրտչյանը, Մարինե Դեինյանը, Նունե Բադալյանը:

Թատրոնի 90-րդ հոբելյանական թատերաշրջանում սպասվում են նոր առաջնախաղեր և հետաքրքիր նախագծեր։

https://www.vnews.am/culture/post/operai-ev-baleti-thatronn-ir-hobelyanakan-thaterashrjane-kbaci-Vanadzorum?category=art-studio

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝