«Ոսկե ծի­րա­նը» մեկ­նար­կեց հա­կա­ռու­սա­կան պրո­պա­գան­դա­յով

Կար­միր գորգ, տո­նական տրա­մադ­րու­թյուն, հե­ղի­նա­կա­վոր կի­նո­գոր­ծիչ­ներ, դե­րա­սան­ներ եւ կի­նո­յի տղու կեր­պա­րի մեջ մտած մանր ու մի­ջին չի­նով­նիկ­ներ… Ա­հա այս­պես՝ իր ար­դեն ա­վան­դա­կան դար­ձած ո­ճով, 19-րդ ան­գամ մեկ­նար­կեց «Ոսկե ծի­րան» մի­ջազ­գա­յին կի­նո­փա­ռա­տո­նը: Եվ քիչ էր մնում ար­ձա­նագ­րե­ինք, որ այս ան­գամ փա­ռա­տոնն ա­ռանց ինտ­րիգ­նե­րի ու ԼԳԲՏ-ական­նե­րի եւ ընդ­հան­րա­պես այ­լա­սեր­վա­ծու­թյան քո­ղարկ­ված քա­րո­զի է, երբ կար­միր գոր­գում լայն ժպի­տով հայտն­վեց ՀՀ-ում ԱՄՆ դես­պան Լին Թրեյ­սին: Թե­րեւս սա ար­դեն հու­շում էր, որ բաց­ման ա­րա­րո­ղու­թյա­նը ներ­կա­նե­րին ինչ-որ տհաճ ա­նակն­կալ է սպաս­վում:

Իսկ ա­նակն­կալն ի­րեն ու­շաց­նել չտվեց: Փա­ռա­տո­նը մեկ­նար­կեց ո՛չ ա­վել, ո՛չ պա­կաս հա­կա­ռու­սա­կան պրո­պա­գան­դա­յով եւ «ցեխ շպրտե­լով» Սո­վե­տա­կան Հա­յաս­տա­նի վրա: Բա­ցու­մը փա­ռա­տո­նի վե­րա­պահ­վել էր ՄԱՅՔԼ ԳՈՒՐ­ՋՅԱ­ՆԻ «Ամե­րի­կա­ցի» ֆիլ­մին, որ­տեղ ներ­կա­յաց­վում է, թե ռուս սպա­նե­րի ձե­ռամբ՝ ինչ դժոխ­քի մի­ջով է ան­ցել ա­մե­րի­կա­հայ հայ­րե­նա­դար­ձը Սո­վե­տա­կան Հա­յաս­տա­նում 1948 թվա­կա­նին: Թե­րեւս սրա­նով էր պայ­մա­նա­վոր­ված ԱՄՆ դես­պա­նի գոհ ներ­կա­յու­թյու­նը փա­ռա­տո­նին:

Հատ­կան­շա­կան է այն, որ «Ոսկե ծի­րա­նի» հա­կա­ռու­սա­կան քա­րոզն ի­րա­կա­նաց­վում է Ե­րե­ւա­նի քա­ղա­քա­պետ ՀՐԱ­ՉՅԱ  ՍԱՐԳ­ՍՅԱ­ՆԻ  բարձր հո­վա­նու ներ­քո: Ա­յո՛, փա­ռա­տո­նի պատ­մու­թյան ամ­բողջ ըն­թաց­քում ա­ռա­ջին ան­գամ է, որ «Ոսկե ծի­րա­նի» գլխա­վոր հո­վա­նա­վո­րը հենց քա­ղա­քա­պե­տա­րանն է: Այ­սինքն՝ ստաց­վում է, որ Հա­յաս­տա­նում նման մասշ­տա­բի հա­կա­ռու­սա­կան քա­րոզ­չու­թյունն ի­րա­կա­նաց­վում է ու­ղիղ պե­տա­կան մա­կար­դա­կով: Ի­հար­կե, այս­տեղ Հրա­չյա Սարգ­սյա­նը «մե­նակ չէ, մե­նակ չէ, մե­նակ չէ», ինչ­պես կա­սեր Նի­կոլ Փա­շի­նյա­նը: Փա­ռա­տո­նի գե­ղար­վես­տա­կան տնօ­րեն Կա­րեն Ա­վե­տի­սյանն ա­ջակ­ցու­թյան հա­մար հա­տուկ շնոր­հա­կա­լու­թյուն հայտ­նեց ՔՊ-ի Ե­րե­ւա­նի քա­ղա­քա­պե­տի սրտի թեկ­նա­ծու ՏԻԳ­ՐԱՆ Ա­ՎԻ­ՆՅԱ­ՆԻՆ, ո­րը եւս ներ­կա էր:

Ի դեպ, թե­պետ փա­ռա­տո­նի հիմ­նա­դիր ՀԱ­ՐՈՒ­ԹՅՈՒՆ ԽԱ­ՉԱՏ­ՐՅԱ­ՆԸ վստա­հեց­րեց, որ չեն հի­վան­դա­ցել, չեն մա­հա­ցել եւ ա­ռաջ են գնում ու զար­գա­նում, բայց ի­րա­կա­նու­թյու­նը բո­լո­րո­վին այլ է: Ոչ մի­այն Վի­վա­Սել-ՄՏՍ-ը այս տա­րի գլխա­վոր հո­վա­նո­րը չէր, այ­լեւ գլխա­վոր տնօ­րեն ՌԱԼՖ  ՅԻ­ՐԻ­ԿՅԱ­ՆԸ  ներ­կա չէր, ում ան­գամ չհի­շե­ցին էլ: Փաս­տո­րեն, այն, որ ա­մեն տա­րի պա­րոն Յի­րի­կյանն ա­սում էր, թե ա­մուր կանգ­նած են փա­ռա­տո­նի կող­քին, այդ­քան էլ ա­մուր չէ­ին:

ՀՐԱՆՏ ՍԱ­ՐԱ­ՖՅԱՆ

Լու­սան­կա­րում` ՀՀ-ում ԱՄՆ դես­պան Լին Թրեյ­սին է` «Ոսկե ծի­րան» փա­ռա­տո­նի հիմ­նա­դիր նա­խա­գահ Հա­րու­թյուն Խա­չատ­րյա­նի հետ:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝