Չորս տարի է` Հայաստանը դարձրել են պոռնոգրաֆիկ երկիր. Աճեմյան

Արցախում երեկ անվտանգության խորհրդի նիստ է գումարվել, որի շրջանակներում քննարկվել է Արցախը  Հայաստանի Հանրապետության հետ կապող միջանցքի հարցը: Նիստի մասին պաշտոնական հաղորդագրության մեջ ասված է, որ ադրբեջանական կողմը Արցախում տեղակայված խաղաղապահ զորակազմի միջոցով պահանջ է ներկայացրել առաջիկայում երթեւեկությունը նոր երթուղով կազմակերպելու վերաբերյալ: Ըստ էության, Ադրբեջանը առաջիկայում անցակետ կտեղակայի դեպի Բերձոր, Աղավնո, Սուս գնացող հատվածում, եւ Հայաստանից Արցախ շարժը կկազմակերպվի անավարտ ճանապարհով: Այս մասին արցախյան երեք պատերազմների մասնակից, ազատամարտիկ ՇԱՀԵ ԱՃԵՄՅԱՆԸ զգուշացնում էր դեռ 44-օրյա պատերազմից անմիջապես հետո:

— Վերջին օրերին ադրբեջանական զինված ուժերը հերթական սադրանքը հրահրեցին սահմանին: Այս իրավիճակում, երբ ամեն պահի կարող է Արցախին օգնության հասնելու կարիք լինի, փաստորեն, կտրվում է Արցախը Հայաստանին կապող ճանապարհային թելը: Ի՞նչ կասեք այս մասին:

— Մշտապես հարց եմ բարձրացրել, թե հաջորդ պատերազմին մենք ինչպե՞ս ենք մեր զորքն ուղարկելու օգնության, եթե հանկարծ թշնամին հարձակվի Արցախի վրա: Սոթք-Քարվաճառ ճանապարհը փակեցին, Լաչինը թուրքերի հսկողության տակ է: Եթե թուրքը մտնի եւ ռմբակոծի Ստեփանակերտը, ի՞նչ ենք անելու, ինչպե՞ս ենք հասնելու, որ փրկենք Արցախը: Ստեփանակերտն այսօր պատանդ է: 10 րոպեում Շուշիից այնպես կռմբակոծեն, Ստեփանակերտը կվառվի: 70 հազար հայ ցեղասպանության է ենթարկվելու, որովհետեւ այսօր վարչապետ ունենք, որի անունն է Նիկոլ Փաշինյան:

— Որքան էլ սկզբում հերքում էին, պարզվեց, որ օգոստոսի 1-ին Արցախի հյուսիսային եւ հյուսիս-արեւմտյան սահմանագոտու մի շարք հատվածներում ադրբեջանական ստորաբաժանումները դիմել են սադրանքի՝ կատարելով շփման գիծը հատելու փորձեր: Ի՞նչ մտահոգություններ ունեք այս առումով:

— Ունեմ ընկերներ, որոնք այս պահին արցախյան խրամատներում են, ասում են, որ մարդուժի, զենք-զինամթերքի պակաս կա: Ամեն մի հայ առյուծ երեսուն- քառասուն թուրքի դեմ է կանգնած: Տղերքը կրակի տակ են: Կրակոցները չեն դադարում մեր դիրքերի վրա: Հիմա Հայաստանից ինչպե՞ս ենք զենք-զինամթերք  հասցնելու, կամավոր ուղարկելու: Իսկ ադրբեջանցիներն ամեն մի զինված արցախցու, որն այդ հողում է ծնվել, մեծացել, համարում են ահաբեկիչ, ինչպես Թուրքիան է Սիրիայում, Իրաքում քրդերին համարում ահաբեկիչ եւ այդ պատրվակով ռմբակոծում է: Ադրբեջանցիները հող են նախապատրաստում եւ ուզում են միջազգային հանրությանը ներկայացնել, թե Արցախում զենք բռնած մարդն ահաբեկիչ է: Խորքային խնդիրների առաջ են կանգնեցնելու մեզ:

— Պարոն Աճեմյան, ստեղծված իրավիճակում այլեւս ելք կա՞, ինչպե՞ս ենք դիմակայելու:

— Նիկոլն ու Ալիեւը տրոյական ձիով 2018 թվականին մտան Հայաստան եւ ադրբեջանական հեղափոխություն հաջողացրին այստեղ, մեր բանակը, մեր հերոսներին ջնջեցին, մամաներս լացացրեցին: Բայց մեկ հարցում իրենց հաշվարկը սխալ է եղել` Նիկոլ լինի, թե` Ալիեւ, Ամերիկայի սիոնիստներ, թե` եվրոպական մութ ուժեր, սորոսներ ու սաքունցներ, ինչքան էլ բանակ չունենանք, հայ ժողովրդի հոգու պարտականությունը մեր սրտի միջից չեն կարող խլել: Մենք նորից, ինչպես 90-ականներին, ջոկատներ պետք է կազմենք: Պետք է վերադառնանք մեր ֆիդայական գործունեությանը եւ ֆիդայակական ջոկատներով Ադրբեջանին ծնկի բերենք: Բայց դրա համար մեզ այսօր խանգարում են նիկոլները: Նույնիսկ մեր ազատամարտիկների դեմ են աշխատում: Բայց ուզում եմ ականջներին օղ անեն` ով Հայոց ճակատագրի հետ է խաղում, իր վախճանը շատ ահավոր է լինելու: Զուգարանի ջուրը քաշելու են ու իրենք այդ ջրի հետ գնան:Սրանց վերջը եկել է` կա՛մ մենք, կա՛մ իրենք, հերի՛ք եղավ, բոլ եղավ: Ասում են, թե «Էրեբունի» արգելոց-թանգարանի տարածքում պոռնո են նկարահանել, բայց չեն ասում, որ 4 տարի է` Հայաստանում պոռնո է տիրում: 4 տարի է` Հայաստանը դարձրել են պոռնոգրաֆիկ երկիր` մեկի մուտքն են արգելում, մյուսին բռնում, բանտ են տանում, երրորդի ուտելիքի մեջ թույն են դնում: Մի՛ ստիպեք մեզ դառնալ Գուրգեն Յանիկյան:

— 90-ականներին էլ Շուշին թուրքերի ձեռքում էր, Լաչինը` եւս, ու չկար ցամաքային ճանապարհ: Ինչպե՞ս հաջողվեց այն ժամանակ հաղթել:

— Գոնե այդ ժամանակ մենք պետականություն ունեինք, որն ամեն ինչ անում էր Արցախին օգնելու համար: Ուղղաթիռներով մարդուժ էին ուղարկում, զենք-զինամթերք էին հասցնում: Հիմա, երբ էլի ցամաքային ճանապարհ չեն թողնում, մի ուղղաթիռ կարո՞ղ են ուղարկել, որպեսզի մարդուժ եւ զենք-զինամթերք հասցնեն: Ալիեւի հետույքը պաչող ղեկավարություն ունենք: Հետեւապես, էլի եմ շեշտում` ստիպված ենք ֆիդայական խմբեր ու ջոկատներ կազմել եւ արագ ինքնակազմակերպվել, որպեսզի մի ճանապարհ բացենք, ճեղքենք Հայաստանից ու հասնենք Արցախ:

ՀՐԱՆՏ ՍԱՐԱՖՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝