Նորայր Մեհրաբյանի հրաժեշտի արարողությունից հեռացա ծանր զգացումով և մի հարցով, որը հանգիստ չի տալիս․ Բալմանուկյան ՔՊ-ում թեւերի են բաժանվել․ ԲԱՄԲԱՍԱՆՔ Բռունցքներ՝ եթերում, ինտրիգներ՝ իշխանության ներսում Ինչու Աննան «կաստրուլկաներով» չի չխկչխկացնում Նիկոլի ականջին․ ԶԱՐՄԱՆՔ Պուտին–Թրամփ–Սի հանդիպումը կարող է դառնալ «ողջ մարդկության համար հզոր ազդանշան» Փաշինյանը` թուրք–ադրբեջանական «կաբելի» դերում Մանդատները վայր դրեք եւ Նիկոլը կհայտնվի մութ սենյակում․ Հովիկ Աղազարյան (ԱՆՈՆՍ) Կյանքից հեռացել է ՀՀ ժողովրդական արտիստ Հակոբ Ազիզյանը Վլադիմիր Պուտինն իր հետ միջուկային ճամպրուկը տարել է Չինաստան (Տեսանյութ) Տարադրամի փոխարժեքները նոյեմբերի 18-ին

Նախկինում նիկոլյան նախարարի, ներկայումս ընդդիմադիր պատգամավորի` ԱԺ վերադառնալու և միութենական միությանը դեմ լինելու անհավասարակշիռ արգումենտները

Հանդիպում

Խորհրդարանական ընդդիմության տարբեր ներկայացուցվիչներ հայտարարում են, որ սեպտեմբերից իրենք օրակարգով վերադառնալու են խորհրդարան։ Իսկ մինչ այդ ո՞ւմ օրակարգով էին խորհրդարանում, որն՞ է նրանց օրակարգը, ինչո՞ւ «փողոցից տուն չենք գնալու» լոզունգներով մարդկանց փողոց հանածները այսօր ո՛չ փողոցում են, ո՛չ խորհրդարանում այս եւ այլ հանրությանը ուզող հարցերի պատասխաններ ստանալու ակնկալիքով «Իրավունքը» զրուցել է «Հայաստան» խմբակցության պատգամավոր (ոչ վաղ անցյալում` նիկոլյան հեղափոխությամբ տոգորված Գյուղատնտեսության նախարարի պորտֆելը զբաղեցրած) ԱՐԹՈՒՐ ԽԱՉԱՏՐՅԱՆԻ հետ:

-Պարոն Խաչատրյան, Ձեր գործընկերները հայտարարել են, որ սեպտեմբերից Ձեր իսկ օրակարգով վերադառնալու եք խորհրդարան, ինչը հանրության մոտ առնվազն զարմանք է առաջացրել: Նախ այսքանից հետո խորհրդարան վերադառնալու Ձեր որոշումը, ապա նաեւ պարզ հարց է առաջանում` մինչ այդ ո՞ւմ օրակարգով էիք խորհրդարանում: 

-Տարբեր մարդիկ տարբեր դիտարկումներ, ենթադրություններ, կանխատեսումներ  են անում, եւ բոլորին անդրադառնալը իմաստ չունի, ժամանակի վատնում է: 

-Դուք իմ հարցին, այնումամենայնիվ, խնդրում եմ պատասխանեք:

-Մենք հայտարարել եւ հայտարարում ենք, որ խորհրդարանական գործիքակազմը կօգտագործենք մեր սեփական օրակարգը առաջ տանելու համար: Իսկ մեր սեփական օրակարգը այն օրախնդիրներն են, որոնք ՀՀ-ի համար կենսական նշանակություն ունեն: Մասնավորապես, խոսքը վերաբերում է Արցախի հարցին, հայ-թուրքական հարաբերություններին, հնարավոր խաղաղության պայմանագիրն եւ այլն: Սրանք հարցեր են, որոնք ՀՀ-ի համար գոյութենական նշանակություն ունեն, այլ ոչ թե` սեղանին աղ դրվի, թե ոչ: Հիմա, արդյունավետ կլինի, թե ոչ ցույց կտա ժամանակը:

-Այսինքն Դուք էլ եք լավատեսական կանխատեսումներով որոշել վերադառնալ խորհրդարան:

-Գիտեք, չլինելով խորհրդարանական մեծամասնություն, իհարկե մենք չենք ակնկալում, որ  մեծամասնությունը ականջալուր կլինի բանականության կոչին եւ կքննարկի այդ օրակարգերը ընդդիմության հետ: Մենք նման փորձեր բազմաթիվ անգամներ ունեցել ենք: Մասնավորապես, նրանք տապալեցին հայ-թուրքական հարաբերությունների մասին լսումները, հետո տապալեցին Շուշիի դեկլարացիայի հետ կապված արտահերթ նիստը եւ այսպես շարունակ: Բայց մենք շարունակելու ենք բարձրաձայնել երկրի համար օրակարգային հարցերը, անկախ նրանից, դա ում դուր կգա` ում ոչ:

-Բայց ի սկզբանե վստահ լինելով, որ ընդամենը բարձրաձայնելու եք ա՞յո:

- Դե գիտեք, մեզ չի հաջողվել մինչ օրս, որովհետեւ խորհրդարանական մեծամասնությունը ընդամենը Կառավարության քաղաքականության դակողի քաղաքականություն է իրականացնում: Իսկ Կառավարության վարած քաղաքականությունը երկիրը տանում է դեպի մութ ապագա: Եթե իհարկե ապագա կմնա: Լավատես ենք, թե հոռետես, մենք նման բան չենք ասել, որովհետեւ դրանք քաղաքականության մեջ չօգտագործվող եզրույթներ են: Մենք անում ենք այն ինչ գտնում ենք ճիշտ:

-Այսինքն գնալու եք խորհրդարան բարձրաձայնելու համար ընդամենը, ուրեմն փոխնախագահի պաշտոնում ո՞ւմ եք առաջադրելու:

-Բայց ով ասաց, որ մենք պետք է առաջադրենք:

-Բա...

-Գիտեք խորհրդարանական մեծամասնությունը խորհրդարանական ճգնաժամ առաջացրեց այն պահից, երբ որոշեց, որ իրենք կարող են խորհրդարանում իրենց պահել այնպես, ինչպես Ալիեւն է իրեն պահում բանակցություններում:

-Այդ դեպքում ո՞ւր եք գնում նման պայմաններում:

-Դուք ի՞նչ եք առաջարկում: Դրա համար մենք ասում ենք, որ նման մեծամասնությունը վտանգ է երկրի համար:

-Լավ, Դուք ի՞նչ եք առաջարկում այդ վտանգից ձերբազատվելու համար:

-Դուք կարող եք միանալ մեր պայքարին` մեծացնելով մեր շարքերը, որպեսզի կարողանանք այդ մարդկանց տուն ուղարկել:

-Ի դեպ, պայքարի հետ կապված, ի սկզբանե ասում էիք,  «փողոցից տուն չենք գնալու», բայց հիմա ո՛չ փողոցում եք, ո՛չ խորհրդարանում: 

-Վրանները մեր պայքարի ձեւերից մեկն է եղել, երբ մենք ասում ենք շարունակելու ենք փողոցային պայքարը դա չի նշանակում, որ պարտադիր ամեն օր փողոցում պետք է լինենք: Կարեւորը մենք մեր պայքարից հետ չենք կանգնում:

-Իշխան Սաղաթելյան հայտարարեց, որ անկախ ամեն ինչից «ՀՅԴ»-ն շարունակելու է պայքարը: Սա ի՞նչ է նշանակում, որ մնացած ուժերը հետքայլ ե՞ն արել, ներքին խմորումնե՞ր կան շարժման ներսում:

-Չէ՛, չեմ կարծում, համենայնդեպս որեւէ քաղաքական ուժ չի հայտարարել, որ ինքը դուրս է գալիս: Ուղղակի ցույց ենք տալիս, որ հենց «ՀՅԴ»-ն է նպատակաուղված շարունակել ու շարունակում պայքարը, ընդամենը սրա մասին է խոսքը:

-Այսինքն մյուսների դեպքում կասկածներ ունե՞ք ամեն դեպքում, որ մինչեւ վերջ չեն գնում:

-Չէ՛, ես ասեցի ինչ էր այդ հայտարարության իմաստը, էլի եմ կրկնում անգամ պարոն Ղազինյանը մանդատը վայր դնելով շարունակում է պայքարը: Ուղղակի Իշխան Սաղաթելյանը «ՀՅԴ»-ի անունից է խոսել զուտ: Խնդրում եմ ավարտենք:

-Շատ լավ, ես էլի հարցեր ունեմ: Ինձ հետաքրքիր էր նաեւ «ՀՅԴ»-ի տեսակետը եւ անձամբ Ձեր` ՌԴ -ի հետ միութենական պետության մաս կազմելու գաղափարի վերաբերյալ:

- Նման հարց կա՞ օրակարգում:

-Այ՛ո, այդ հարցը առաջ քաշող լուրջ քաղաքական ուժեր կան:

-Ով է առաջ քաշում, Փաշինյա՞նը:

-Ո՛չ, օրինակ, «Ուժեղ Հայաստան Ռուսաստանի հետ. հանուն նոր Միության» շարժման գործադիր կոմիտեի անդամ, ՍԻՄ կուսակցության նախագահ Հայկ Բաբուխանյանը:

-Հայկ Բաբուխանյանին ամենայն հարգանքով եմ վերաբերում, բայց այդ շարժման մասին առաջին անգամ եմ լսում: 

-Զարմանալի է, որովհետեւ շարժումը իրականացրել է մի շարք հանրապետական մաշտաբի միջոցառումներ` ուղղված հայ-ռուսական բարեկամության սերտացմանը: Որը, օրինակ կարող էիք կազմակերպել նաեւ Դուք, որպես պատգամավոր:

-Ներողություն եմ խնդրում, նորից եմ կրկնում ամենայն հարգանքով Հայկ Բաբուխանյանի նկատմամբ, ես այդ մասին տեղյակ չեմ:

-Լավ, իսկ Ձեր տեսակետին վստահ եմ տեղյակ եք:

-Նման օրակարգ մենք չունենք, եթե նման օրակարգ երկրի առաջ դրվել է, ուրեմն դա արվել է Փաշինյանի օրոք: ՀՅԴ-ն դեմ է, բնականաբար միութենական պետության ստեղծմանը, որովհետեւ ՀՅԴ-ի համար ազատ, անկախ եւ միացյալ Հայաստանը սակարկման ենթակա չէ:

-Իսկ, ո՞վ է Հայաստանի անկախությունը սակարկում:

-Դուք նկատի ունեք Բելառուսի օրինակով` ճի՞շտ է: 

-Ճիշտ է:

-Մենք դեմ չենք հարաբերությունների սերտացման Ռուաստանի հետ, բայց մենք դեմ ենք այս տարբերակով միութենական պետությանը: Այսքանը:

Զրույցը` ԻԼՈՆԱ ԱԶԱՐՅԱՆԻ

Հավանեցի՞ր հոդվածը, կիսվիր ընկերներիդ հետ