Ինչպես կապարակնքվեց Նկարիչների միության ցուցասրահը Նկարիչների միության նորընտիր նախագահի բացառիկ հարցազրույցը Ես տեղափոխվում եմ Հայաստան. Դենիս Ջորկաեֆը առաջադրվել է որպես ՀՖՖ նախագահի թեկնածու Լեվոն Զուրաբյան VS Նիկոլ Փաշինյան Ակրոպոլիս թանգարանում բացվել է «Հին Հայաստան» միջազգային ցուցահանդեսը Ջրամատակարարման ընդհատումներ են տեղի ունեցել Կիևի հինգ շրջաններում Բրիտանիան ցանկանում է վերադառնալ ԵՄ. Brexit-ը չափազանց թանկ էր. The Times Մելանյա Թրամփը հնարավոր է համարում Ուկրաինայում հրադադարը մինչև Սուրբ Ծնունդ Քո մասին այնպիսի ճշմարտություն կասեմ, ստիպված կլինես փախչել նաեւ ՌԴ-ից․ Դանիելյանը՝ Պիպոյին Մեզ այսօր շատ են պակասում Մոնթեի պես հայերը․ Հռիփսիմե Նահապետյան

Կողմ եմ, բայց մինչ բարեվարքությանը անդրադառնալը կան շատ ավելի կարեւոր խնդիրներ դատական համակարգում. Հայտնի փաստաբանը բարեվարքության համակարգի ներդրման մասին

Իրավական

ՀՀ կառավարությունը հուլիսի 21-ի նիստում հաստատեց դատական և իրավական բարեփոխումների 2022-2026 թվականների ռազմավարությունը և դրանից բխող գործողությունների ծրագիրը: ՀՀ արդարադատության նախարար Կարեն Անդրեասյանը հայտարարեց, որ այսօր ստուգվում է միայն նոր համակարգ մտնող դատավորների բարեվարքությունը, սակայն առաջիկա ամիսներին կարվի այնպես, որ ստուգվի բոլոր գործող դատավորների բարեվարքությունը:

Որքանո՞վ վերը նշված գործառույթը կարող է օբյեկտիվ իրականացվել հարցի պատասխանը փորձել ենք ստանալ աղմակահարույց գործերով հայտնի փաստաբան, «Լեւ Գրուպ» փաստաբանական ընկերության հիմնադիր-ղեկավար ԼԵՎՈՆ ԲԱՂԴԱՍԱՐՅԱՆԻՑ, ով նախ նկատեց,

-Նախ բացմիցս եմ արձանագրել, որ դատավորի աշխատանքը պետք է ոչ թե պաշտոն, այլ հոգեվիճակ լինի: Մի կողմ թողենք, որ ՀՀ-ում դատական համակարգը որոշ աղմկահարույց գործերով Գործադիր կոշիկի տակ է, բայց մյուս հարթության վրա կատարվում է բացառապես մեխանիկական աշխատանք: Այն դեպքում, երբ հիմնական օրենք` Սահմանադրությամբ, իրավունքը ավելի գերակա է, քան օրենքը: Տվյալ դեպքում իրավակիրառ պրակտիկայում բացառապես կատարվում է մեխանիկական աշխատանք եւ դա խնդիր է:

Ինչ վերաբերում է բարեվարքության խնդիրների հետ կապված, տեղեկացնեմ, որ միանշանակ պետք է դատավորի կենսագրությունը լինի բավականին թափանցիկ: Բայց մինչ այդ ես կարծում եմ, որ մենք ունենք ավելի կարեւոր խնդիրներ` առաջինը դատավորների զբաղվածությունը: Չեք հանդիպի մի դատախազի կամ իրավապաշտպանի, ով չբարձրաձայնի, որ օբյեյետիվ պատճառներով գործերը ձգվում են տարիներ շարունակ, ընդ որում դա վերաբերում է ինչպես քրեական, այնպես էլ քաղաքացիական գործերին: Քաղաքացիական գործ ունենք, որ արդեն 7-8 տարի ձգվում է` հաշվի առնելով եռաստիճան դատական համակարգը: Եվ նման պայմաններում թիվ մեկ խնդիրը լիազոր մարմինների կողմից պետք է լինի դատարանները հնարավորինս բեռնաթափել: 

Ամփոփելով խոսքս եւ գալով Ձեր հարցին, պետք է փաստեմ, որ միանշանակ կողմ եմ, բայց կարծում եմ, որ մինչ բարեվարքությանը անդրադառնալը կան շատ ավելի կարեւոր առաջնային խնդիրներ դատական համակարգում:

Թե որքանո՞վ  գործընթացը կարող է օբյեկտիվ ընթանալ հայտնի փաստաբանը նկատում է.

-Այստեղ կարեևորն այն է, թե քաղաքական իշխանությունը ինչ կերպ է կարեւորում այդ խնդիրը, դա ավելի շատ կախված է քաղաքական իշխանության կամքից:

ԻԼՈՆԱ ԱԶԱՐՅԱՆ

 

Հավանեցի՞ր հոդվածը, կիսվիր ընկերներիդ հետ