«ԵՐԵ­ՎԱ­ՆԸ  ԳԺՈՒ­ԹՅՈՒՆ Է ԻՆՁ ՀԱ­ՄԱՐ».ՇՊՌՈ­Տ

«Իրա­վուն­քը» զրու­ցել է երգ­չու­հի ՇՊՌՈ­ՏԻ հետ:

— Պատ­րաստ­վո՞ւմ եք մեկ­նել հանգս­տի:

— Ա­մեն տա­րի ա­սում եմ՝ վերջ, այս տա­րի չեմ գնա Հա­յաս­տան, կգնամ Եվ­րո­պա հանգս­տա­նա­լու, բայց մեկ է, է­լի գնում եմ Հա­յաս­տան: Ա­յո, գնա­լու եմ հանգս­տի Հա­յաս­տան:

— Առ­հա­սա­րակ, որ­տե՞ղ եք սի­րում անց­կաց­նել հանգս­տյան օ­րե­րը:

— Ինչ թղթերս 2017 թվա­կա­նից ստա­ցել եմ, միշտ Հա­յաս­տա­նում եմ հանգս­տա­նում: Իմ կյան­քը Հա­յաս­տա­նում ա­մե­նա­գու­նա­վորն ու ա­մե­նա­հիշ­վողն է: Այն­տեղ իմ ա­մեն մի օրը, ա­մեն մի րո­պեն լավ է անց­նում:

— Ո՞րն է Ձեր ե­րա­զանք­նե­րի եր­կի­րը:

— Իմ ե­րա­զանք­նե­րի եր­կի­րը՝ ա­զատ, ան­կախ, հա­րուստ, ա­պա­հով­ված Հա­յաս­տանն է: Բա­ցի Հա­յաս­տա­նից, շատ սի­րում եմ Հու­նաս­տա­նը:

— Ե­ղե՞լ է դեպք, որ հանգս­տի մեկ­նե­լիս Ձեզ սեր խոս­տո­վա­նեն:

— 20–21 տա­րե­կա­նում, երբ գնա­ցել է­ի հանգս­տա­նա­լու, այդ մի դեպ­քը ե­ղել է, որ  ինձ սի­րո խոս­տո­վա­նու­թյուն են ա­րել: Բայց ես շատ փոքր, հում եւ խամ է­ի: Ու այդ­պես ին­քը մնաց իմ հի­շո­ղու­թյուն­նե­րի մեջ ան­հա­սա­նե­լի ինչ–որ բան: Բայց հի­շում եմ, որ իմ դուրն էլ էր ե­կել:

— Ո՞ր երկ­րի խո­հա­նոցն եք նա­խընտ­րում:

— Նա­խընտ­րում եմ ճա­պո­նա­կան խո­հա­նո­ցը: Շատ սի­րում եմ սու­շին:

— Հա­յաս­տան գա­լիս ա­ռա­ջին հեր­թին ո՞ր վայ­րերն եք այ­ցե­լում:

— Հա­յաս­տան որ գա­լիս եմ, մի­ան­շա­նակ, ա­ռա­ջի­նը գնում եմ Մա­սիվ՝ տուն, հե­տո՝ «Բել­լա­ջո», ո­րով­հե­տեւ ըն­կեր­ներս, ո­րոնց շատ սի­րում եմ, այն­տեղ են: Իսկ ե­րե­կո­յան գնում ենք «Զան­զի­բար», որ­տեղ սնուն­դը շատ հա­մեղ է: Ա­վե­լի լավ, քան եր­բե­ւէ ես կե­րել եմ ու­րիշ երկ­րում:

— Հա­յաս­տա­նում ով­քե՞ր են Ձեր ըն­կեր­նե­րը:

— Ան­ժե­լա Բար­խու­դա­րյանն է, Մա­գին է՝ իր ըն­տա­նի­քով: Ի դեպ, Հրան­տո­յի հետ եմ միշտ գնում Հա­յաս­տան: Փոր­ձում ենք միշտ մի­ա­սին վերց­նել մեր հան­գիս­տը: Այն­պես որ, ես իմ ըն­կե­րոջն այս­տե­ղից հետս տա­նում եմ: Ու­նեմ շատ  լավ ըն­կեր­ներ, ման­կու­թյան ըն­կեր­ներ: Ինձ հա­մար շատ կա­րե­ւոր են ման­կու­թյան ըն­կեր­նե­րը: Ե­րե­ւա­նը գժու­թյուն է ինձ հա­մար:

— Այ­լազ­գի տղա­մար­դու հետ ու­նե­ցե՞լ եք սի­րո պատ­մու­թյուն:

— ԱՄՆ–ում ա­մե­րի­կա­ցի ըն­կեր ու­նե­ցել եմ: Շատ լավ, պար­կեշտ մարդ էր, բայց որ լե­զուն անգ­լե­րենն էր, ու հե­տո մշա­կույթն ու­րիշ էր, չդի­մա­ցա: Ինձ հա­մար շատ կա­րե­ւոր է, որ կող­քիս տղա­մար­դը հայ լի­նի` օժտ­ված հայ­կա­կան ար­ժեք­նե­րով: Չնա­յած որ ի­րենք էլ շատ լավ կող­մեր ու­նեն:

— Ինչ­պի­սի՞ տղա­մարդ եք նա­խընտ­րում:

— Ինձ հա­մար կա­րե­ւոր է, որ տղա­մար­դը  ֆի­նան­սա­պես կա­յա­ցած, աշ­խա­տող լի­նի: Ես եր­բեք չեմ նա­յել փո­ղին: Միշտ նա­յել եմ մարդ­կա­յին ար­ժե­քին:

— Ի՞նչ ո­ճի հա­գուստ­նե­րով եք թար­մաց­րել Ձեր զգես­տա­պա­հա­րա­նը:

— Ան­կեղծ ա­սած, որ ԱՄՆ–ում միշտ ա­մառ է, մեզ մոտ այն թար­մա­ցում չես կա­րող հա­մա­րել: Ամ­բողջ տար­վա կտրված­քով դու միշտ գնում ես ա­մա­ռա­յին շո­րեր: Բայց քա­նի որ ես երգ­չու­հի եմ, բե­մի մարդ եմ, ա­մեն շա­բաթ մի քա­նի ե­րե­կո­յան զգեստ­ներ եմ գնում:

— Սանր­ված­քի եւ գույ­նի կտրուկ փո­փո­խու­թյուն­ներ ա­ռա­ջի­կա­յում կլի­նե՞ն:

— Չէ, մեկ–մեկ մտա­ծում եմ շի­կա­հեր դառ­նա­լու մա­սին, բայց ափ­սո­սում եմ, որ մա­զերս կվա­ռեմ: Հե­տո սի­րում եմ սե­ւը: Ար­դեն ութ–ինը տա­րի է՝ սեւ մա­զե­րով եմ: Մեկ–մեկ ա­սում եմ՝ կա­ռե կտրեմ, մո­դա է, հե­տո նո­րից մտա­ծում եմ՝  կփոշ­մա­նեմ: Չէ՛, մա­զերս կմնան նույ­նը:

— Գե­ղե­ցիկ կազմ­ված­քի հա­մար ֆիթ­նե՞սն է Ձեզ օգ­նում, թե՞ ճիշտ սննդա­կար­գը:

— Գե­ղե­ցիկ կազմ­վածքս  գե­նե­տի­կո­րեն եմ ժա­ռան­գել: Քիչ եմ ու­տում եւ բնու­թյու­նից էլ նի­հար եմ: Շատ հա­ճախ չեմ գնում ֆիթ­նես սրահ, բայց պա­րա­պում եմ: Սնն­դիս եմ հե­տե­ւում: Գի­շեր­նե­րը հաց ու­տե­լու պա­հանջ  չու­նեմ:

ՆՈՒ­ՆԵ ԶԱ­ՔԱ­ՐՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝