Բա բողոքը էլ ո՞րն է… սա մտածված սպանություն էր. Արշակ Զաքարյան

Դատաբժշկական փորձաքննությունը պարզել է, որ դատարանի դահլիճում պրոդյուսեր Արմեն Գրիգորյանը մահացել է գլխուղեղի կաթվածից: Անդրադառնալով վերոնշյալին` «Հայոց ազգային գվարդիայի» հիմնադիր ԱՐՇԱԿ ԶԱՔԱՐՅԱՆԸ մի շարք հարցրեր բարձրացրեց:

— Իսկ ինչի՞ց է առաջացել գլխուղեղի կաթվածը: Ինչո՞ւ պետք է նա լիներ փակված բանտում: Քրեակատարողականի բացատրություն, ուղղակի, ծիծաղելի է: Ախր, սրանք գիտեն, հաշվարկել են, որ մարդիկ վերնագրից այն կողմ չեն կարդում: Վերնագրում եւ առաջին պարբերությունում գրված է, թե Արմեն Գրիգորյանը կալանավայրում գտնվելու ողջ ընթացքում առողջության հետ կապված բողոք չի ներկայացրել: Անցնում ես երեք պարբերություն ներքեւ, մեկ էլ գրված է, որ ընդամենը բողոքել է գլխացավից, գլխապտույտից, երբեմն էլ՝ գերճնշումից ու այլ բաներից: Բա բողոքը էլ ո՞րն է…սա մտածված սպանություն էր: Ու նպատակը Արմեններին վախեցնել ու լռեցնելն էր: Ես օրեր առաջ ասում էի` ինչքա՞ն կարելի է խոսել, բայց հիմա ստիպված ենք Արմենի տեղն էլ խոսել, Արմենի տեղն էլ գործել, որովհետեւ նա ոչ միայն խոսում, նաեւ գործում էր: Նա հենց առաջին օրերից  ակտիվ մասնակցում էր ընդդիմության ակցիաներին, ու այնտեղ էլ մենք իրար հետ ծանոթացել ենք: Նրա համար կարեւոր չէր, թե ովքեր են կազմակերպիչները, կարեւորը նպատակն էր՝ դավադիր, հողատու, դավաճան, մարդասպան իշխանություններին հեռացնելը:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝