«Վհուկների որս». Բանկային գաղտնիքի հասանելիության հակառակ երեսը. Բացառիկ մանրամասներ է ներկայացնում տնտեսագիտության դոկտորը

Հուլիսի 6-ին Պետական եկամուտների կոմիտեն շրջանառության մեջ է դրել մի խնդրահարույց նախագիծ, որի հաստատման դեպքում ՊԵԿ-ին կթույլատրվի ստանալ բանկային և ապահովագրական գաղտնիք հանդիսացող տեղեկություններ՝ առանց դատարանի որոշման։ Թե ինչքանով է դա վտանգավոր նախագիծ, քանի որ ՊԵԿ-ի ներկայացուցիչները կամ, ժողովրդական լեզվով ասած, հարկային տեսուչները առանց դատարանի թույլտվության և որևէ խոչընդոտի կարող են ստանալ քաղաքացիների բանկային գաղտնիքի մասին տեղեկատվություն:

Ինչո՞ւ է Պետական եկամուտների կոմիտեն Ազգային ժողովից պահանջում է լիազորությունների ընդլայնում՝ հասանելիություն բանկային գաղտնիք համարվող տեղեկություններին՝ առանց դատարանի որոշման, եթե հուլիսի 1-ից ուժի մեջ մտած «Անկանխիկ գործառնությունների մասին» օրենքն արդեն ՊԵԿ-ին հնարավորություն է տալիս վերահսկելու տնտեսվարողների բանկային բոլոր շարժերը: Ո՞րն էր առաջարկվող փոփոխությունների իրական նպատակը, և ի՞նչ հետևանքներ կարող է ունենալ Հայաստանի տնտեսության վրա հարցի պատասխանը «ԻրավունքTV» -ի եթերում փորձել է ստանալ տնտեսագիտության դոկտոր, պրոֆեսոր ԹԱԹՈՒԼ ՄԱՆԱՍԵՐՅԱՆԻՑ, ով փաստեց.

- Որևէ քաղաքակիթ երկրում նման բան չկա, և հասկանալի է, որ ՊԵԿ-ն ուզում է դրանով հեշտացնել իր գործը, բայց ընդհանուր միջավայրի վրա դա շատ բացասական ազդեցություն կունենա` թե՛ ներքին միջավայրի վրա և թե՛ հատկապես արտաքին ներդրումների առումով դա բավական վատ նախադեպ կարող է առաջացնել, և օրինական ճանապարով, ինչպես նորմալ, քաղաքակիրթ երկրում, մինչև ծայրահեղ միջոցներ չեն լինում, դատարանի բացահայտումներ չեն լինում, նման հեշտ ու մատչելի տեղեկատվություն չի տրամադրվում։ Բոլոր ոլորտների վրա կարող է ունենալ բացասական ազդեցություն, իսկ ո՞վ ասաց, որ այդ մարմիններում հրեշտակներ են միայն, և որևէ մեկը չի ուզենա չարաշահել այդ տեղեկատվությունը այլ նպատակներով։ Մեր երկիրն այդ առումով դեռ կատարյալ միջավայր չի ձևավորել, որևէ մեկը երաշխավորված չէ:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝