Ուսումնասիրությունները ցույց են տվել, որ միայն խելացի մարդիկ կարող են տեսնել և հիշել երազները

Ուսումնասիրությունները ցույց են տվել, որ միայն խելացի մարդիկ կարող են տեսնել և հիշել երազները:

Սոմնոլոգներին՝ քնի խնդիրներն ուսումնասիրող գիտնականներին, վաղուց է հետաքրքրել հարցը՝ ո՞քեր են ավելի շատ երազներ տեսնում: Հարցին, ըստ ամենայնի, սպառիչ պատասխան տվել են ամերիկացի գիտնականները։ Մեկ ամսվա ընթացքում նրանք հարցազրույց են վարել և թեստավորել տարբեր տարիքի, մասնագիտության և սոցիալական կարգավիճակի երկու հազար մարդու։

Եզրակացությունը ցնցել է հետազոտողներին։ Պարզվել է, որ ամենավառ, գունեղ ու առավել մանրամասն երազները տեսնում են բարձր IQ ունեցող մարդիկ։ Հարցվածներից շատերը չեն տեսնում կամ չեն հիշում իրենց երազները։

- Գիշերային հանգստի գաղափարը հարաբերական է,- ժամանակին ասել է Ռուսաստանի բժշկական գիտությունների ակադեմիայի ակադեմիկոս, Մոսկվայի Ի․ Սեչենովի անվան բժշկանան ակադեմիայի նյարդային հիվանդությունների ամբիոնի վարիչ Ալեքսանդր Վեյնը:-Քնի ժամանակ ուղեղում պակաս նեյրոններ չկան, քան, երբ մենք արթուն ենք։ Այն տեսակավորում է ընկալվածը, մարսում ստացած տեղեկատվությունը, յուրացնում ու հիշում օգտակարը։ Ամենակարևոր խնդիրները լուծվում են վերմակի տակ, քանի որ քունը թույլ է տալիս հեշտությամբ մտնել ուղեղի սրբությունների սրբոց՝ ենթագիտակցություն և փորփրել դրա արխիվները:

Եթե մարդը զուրկ է մեծ ինտելեկտից, ցանկություն չունի գլուխ ջարդել որևէ դժվար խնդրի շուրջ, մտահորիզոնը նեղ է, և նրան չի հետաքրքրում այլ բան, քան սովորական առօրյա գործերը, ապա, իհարկե, երազները նրան կայցելեն հազվադեպ: Չէ՞ որ նրա ուղեղը գիշերը նույնպես քնում է։

Երազների ազդեցությամբ արարել են մեծագույն բանաստեղծներից, գրողներից և կոմպոզիտորներից շատերը, այդ թվում՝ Մոցարտը, Շումանը, Վագները, Սեն-Սանսը, Էդգար Պոն, Պուշկինը, Ալեքսեյ Տոլստոյը, Հայնեն, Վոլտերը, Ֆետը, Մայակովսկին, դժվար է հիշատակել բոլորին: Իր մենագրություններից մեկում նոր ֆիզիկայի ստեղծող Նիլս Բորը նկարագրում է, թե ինչպես է մի անգամ երազում իրեն տեսել այրվող գազով արևի վրա, որի շուրջ պտտվել են դրա հետ բարակ թելերով կապված մոլորակները։ Հանկարծ գազը կարծրացել է, և արևն ու մոլորակները կտրուկ փոքրացել են։ Բորն արթնացել է և անմիջապես գիտակցել, որ ընմռնել է ատոմի մոդելը, որի մասին անընդհատ խորհում էր:

Թոմաս Էդիսոնը նույնիսկ հորինել էր մի գյուտ, որը թույլ էր տալիս մտապահել գաղափարներն արթնության և քնի միջև սահմանային վիճակում: Նա նստում էր աթոռին՝ ձեռքերում պահում երկաթե ծանր գնդակներ և փակում աչքերը։ Մտածմունքներում խորը սուզվելով իրեն հուզող խնդրի մեջ՝ նա նիրհում էր, ձեռքերը թուլանում էին, գնդիկները շաչյունով ընկնում էին հատուկ տարրաների մեջ՝ արթնացնելով գյուտարարին։ Եվ նա անմիջապես հիշում էր երազում եկած որոշումը։

Բոլորին է հայտնի Հայնրիխ Շլիմանի՝ լեգենդար Տրոյայի և ոչ պակաս առասպելական Միկենների բացահայտողի անունը։ Այս երկու հայտնագործությունները կարող էին մինչ օրս անհայտ մնալ, եթե չլինեին մի շարք երազանքներ, որոնք այցելել էին հնագիտությունից այդքան հեռու բանկիրին: Հենց այս երազներն էին, որ դրդեցին նրան թողնել բիզնեսը և իր բոլոր ջանքերն ուղղել հնագույն քաղաքակրթությունների որոնմանն այնտեղ, որտեղ դրանց տեսել էր երազներում:

Ավստրիացի դեղաբան և ֆիզիոլոգ Օտտո Լևին Նոբելյան մրցանակ է ստացել երազում տեսած հայտնագործության համար՝ այն մեխանիզմի, որով նյարդային համակարգը կարգավորում է սրտի կծկումները։ Երազում էր, որ Գաուսը հայտնագործեց ինդուկցիայի օրենքը, Մենդել՝' ժառանգականության օրենքները, Ֆլեմինգը՝ պենիցիլինը:

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝