Թե՛ Թուրքիան, թե՛ Ադրբեջանը խորամանկ ժպտում են Պուտինին, պարզապես նրանց բախտը, չի բերել, որովհետեւ ՌԴ-ն իրենց խորամանկություններից մի քայլ առաջ է. ԽՍՀՄ գեներալ

«Թուրք-հայկական հարաբերությունների վերաբերյալ այսօր հայ հասարակությունը ամենատարբեր կարծիքները ունի, իհարկե, նրանք, ովքեր գիտեն իրական պատմությունը , երբեք էլ չեն հավատա բարիդրացիական հարաբերությունների բնականոն զարգացմանը, բայց ոչ բոլորն են այդքան խորը դիտարկում իրավիճակը: Օրինակ, ես եղել եմ Ստամբուլում ու ապշել, երբ տեսել եմ, թե ինչպես է հայ կինը թուրք երեխաների  դաստիարակությամբ զբաղվում, պատկերացրեք, թե ինչ մտածելակերպի հայ կին էր: Թուրքիան թե՛ քաղաքական, թե՛դիվանագիտական առումով շատ գրագետ, ճկուն եւ շատ վտանգավոր երկիր է ոչ միայն ՀՀ-ի, այլ  բոլորի համար: Թե՛ Թուրքիան, թե՛ Ադրբեջանը խորամանկ ժպտում են Պուտինին, բայց տակից փորձում են իրենց խաղաղերը տալ այլ երկրների հետ: Պարզապես նրանց բախտը, չի բերել, որովհետեւ ՌԴ-ն իրենց խորամանկություններից մի քայլ առաջ է»-«Իրավունքի» հետ զրույցում անդրադառնալով հայ-թուրքական հարաբերությունների կարգավորմանը միտված իշխանությունների ջանքերին, ասաց  Հայաստանի ԶՈւ հիմնադիր, պաշտպանության նախկին նախարար, ԽՍՀՄ և ՌԴ զինված ուժերի գեներալ-լեյտենանտ Նորատ Տեր-Գրիգորյանցը, ընդգծելով.

-Հայաստան էլ, եթե ցանկանում է լինել ուժեղ, ունենալ հզոր թիկունք` պետք է չդավաճանի առաջին հերթին Ռուաստանին, որպեսզի կարողանա ամուր կանգնել ոտքի վրա: Այսօր Ռուաստանից է կախված ողջ աշխարհի կայունությունը:

Վերադառնալով հայ-թուրքական հարաբերությունների սերտացմանը, ապա, ինքս ողջունում եմ այդ հարաբերությունների կարգավորումը դիվանագիտական դաշտում: Բայց, չպետք է այդ հարաբերությունների կարգավորմանը գնալ պարտված կարգավիճակով, որովհետեւ Հայաստանը ի վերջո չի պատերազմել 44-օրյա պատերազմի ընթացքում` ինչպես Ադրբեջանի, այնպես էլ թուրք-ահաբեկչական խմբավորումների հետ: Այ՛ո, Ադրբեջանը, Թուրքիան եւ հազարավոր մուսուլման ահաբեկիչներ պայքարում էին ընդամենը քսան հազարանոց Պաշտպանության բանակի դեմ, ովքեր 44-օր միայնակ պայքարում էին: Այնպես որ Ադրբեջանը կռվել է ՊԲ-ի հետ, ոչ թե Հայոց բանակի հետ: Եվ, գիտեք, որքան էլ զարմանալի հնչի, այստեղ շատ ճիշտ է արել Փաշինյանը, որ հայկական բանակը չի ներգրավվել, որովհետեւ դա շատ ավելի մեծ մասշտաի կվերածեր կործանարար պատերազմը:

Հ.Գ. Ամբողջական զրույցը կարդացեք «Իրավունքի» վաղվա տպագիր համարում:

ԻԼՈՆԱ ԱԶԱՐՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝