«ՃԱ­ՇԱ­ԿԻ ՈՒ ԻՆ­ՏԵ­ԼԵԿ­ՏԻ ՊԱ­ԿԱ­ՍԸ ՄԵՐ ԵՐ­ԳԱՐ­ՎԵՍ­ՏԻ Ա­ՄԵ­ՆԱ­ՑԱ­ՎՈՏ ԽՆԴԻՐՆ Է».ՄԱՎՐ ՄԿՐՏՉՅԱ­Ն

Ստեղ­ծա­գոր­ծա­կան նո­րու­թյուն­նե­րի եւ ա­մա­ռա­յին հանգս­տի հետ կապ­ված ծրագ­րե­րի մա­սին «Իրա­վուն­քը» զրու­ցել է ժո­ղովր­դա­կան եր­գիչ ՄԱՎՐ ՄԿՐՏՉՅԱ­ՆԻ հետ:

— Խա­չիկ Մա­նու­կյա­նի խոս­քե­րի եւ Մար­գա­րիտ Սարգ­սյա­նի ե­րաժշ­տու­թյան հի­ման վրա նոր եր­գի պրե­մի­ե­րա ու­նեք, ո­րը կոչ­վում է «Երկնա­տուն»: Կպատ­մե՞ք այդ եր­գի ստեղծ­ման պատ­մու­թյու­նը:

— Երկ­նա­տուն եր­գի ամ­բողջ մտահ­ղա­ցու­մը Մար­գա­րի­տինն է Սարգ­սյան, ով՝ լի­նե­լով մեր լա­վա­գույն կոն­ցերտ­մայս­տեր­նե­րից մե­կը, այ­սօր բազ­մա­թիվ հրա­շա­լի եր­գե­րի հե­ղի­նակ է: Կար­դա­լով Խա­չիկ Մա­նու­կյա­նի խոս­քե­րը՝ ա­ռա­ջին տպա­վո­րու­թյան տակ գրել էր այս եր­գը եւ, իր ա­սե­լով, գրե­լուց պատ­կե­րաց­րել էր հենց իմ ձայ­նի հա­մար: Եր­գը նվիր­ված է 44–օրյա պա­տե­րազ­մում զոհ­ված հե­րոս Վա­չա­գան Մա­նու­կյա­նի հի­շա­տա­կին, ով Խա­չիկ Մա­նու­կյա­նի ա­վագ որ­դին է: Եվ ես գի­տեմ, թե ինչ­քան կա­րե­ւոր է այս եր­գը Խա­չիկ Մա­նու­կյա­նի հա­մար: Ա­ռա­ջին ան­գամ լսե­լով եր­գը, հաս­կա­ցա, որ գործ ու­նենք մեր նոր գո­հար­նե­րից մե­կի հետ, եւ Մար­գա­րի­տի հետ ո­րո­շե­ցինք մի­նի­մալ, նմա­նա­տիպ լու­ծում տալ…

— Ըստ Ձեզ, ո՞րն է ա­մե­նա­ցա­վոտ խնդիրն այ­սօր­վա եր­գար­վես­տում:

— Ճա­շա­կի ու ին­տե­լեկ­տի պա­կա­սը, նմա­նա­տի­պու­թյունն ու պրի­մի­տի­վիզ­մը…

— Ա­ռա­ջի­կա­յում ի՞նչ նոր ծրագ­րեր ու­նեք:

— Ծրագ­րեր շատ ու­նեմ, կապ­ված հայ եր­գի, Կո­մի­տա­սի, ժող. եր­գե­րի հետ, բայց ե­րե­ւի ա­նեմ, հե­տո կիս­վեմ դրա մա­սին:

— Հանգս­տա­նա­լու չեք պատ­րաստ­վո՞ւմ մեկ­նել:

— Առայժմ, ցա­վոք, չեմ կա­րո­ղա­նում ժա­մա­նա­կի մեջ տե­ղա­վոր­վել, բայց օ­գոս­տո­սին կփոր­ձեմ գո­նե 10 օ­րով կազ­մա­կեր­պել:

— Իսկ ե­թե մեկ­նում եք, որ­տե՞ղ եք նա­խընտ­րում անց­կաց­նել հանգս­տյան օ­րե­րը:

— Իմ ա­մե­նա­հան­գիս­տը ես միշտ գտնում եմ իմ Ջա­վախ­քի տա­նը, բայց կփոր­ձեմ մի քա­նի օ­րով ծով էլ գնալ:

ՆՈՒ­ՆԵ ԶԱ­ՔԱ­ՐՅԱՆ

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝